MATHE 5:44 - Lacid Common Language Bible

⁴⁴ Ngoo nanu" ri tid da" zigi nanu" da" gyivoo yi ri jheddab ge'. nanu" ri shin" yhen, mo, shid re" akyu" mho' byid: ge'.

MATHE 5:44 교차 참조

2 KHOKHAM 6:22

Elisha gi «asaid- gyi khaid jang" mo nang myheig yu da" gyizoo: yiri lang" nang asaid pyam nghoid da:. Nyangnu" ri zoo: noem yo' shug gyid byid: zhoo" byid: jhug ge'. Nyangnu" ri nyangnu" khokham jhang doem tau" loo" nhang: la» ga: tid da:.

DANG: ZHOEM 19:11

Nang vhuloem khyid: thang: se' myid yu" su: nghoid rigi nanya: nheig yo: khyoo: ri yo" khang" ung: wa zi nghoid. Dayug youg wigi age zi re" koid ri asi, goin' koid pyam, zigi gyi: thang da" ge khyoo: nghoid.

LUKA 23:34

Yesu tid zigi O" nga" phoo we"- hid: bang: da" yooboo ri khyoid pyam byid: we'. Nyangnu" zei: da" moo" ri nyangnu" ase' boem ga: mho' tung" pain: byid. Byu yi gi nya: da" atho' byi: zeing ri me" lab lho: gam, go" boem.

YOHAN 13:34

Nanu" nyang: cang" nyang: jheddab goo" ge" ein: da" tarha" aseig ri nanu" ri ngoo byid: bye. Ngoo nanu" ri jheddab yhangti"- nanu" we' nyang: cang" nyang: jhed' dab, go" nyid ge'.

ACTS 16:28

Nghoid loug we' Polu gi nya: thui: ri myhang: thang mo nyho: yoid, kaid' lho: Nanya: gung ri ci" we' akoid'- ngoonu" dangain" mo, hid: moo danyed nyid boem.

ACTS 7:60

Nyang: gi poid' thug thoung lho: Aseing: we" - nyangnu" da" yooboo ri axoem" too" byid: o" ga: nyho: kaid' - he: dang: bain tid lang" Stephain gi kang: gyo" loo" bye.

Roma 12:14

Nanu" ri pyi: sho: shen" yhen loo mo ri mainkaid dang: tid byid: ge'. Nghoidbye nyanu" ri atau" nheing" looza: mainkaid dang: da tid nyid ge'.

1THESALONI 5:15

Hang" ri nghoid loug-shoid' su: ri shoid khyo" latoo: aphug goo" goo"- nanu" nyang: cang" moo we' byu dangain" bang: shid' re" we' ge da" moo" zei: wa jang" moo nanu" da" nheigloem: moo khanham we' soin' jen" too" ge'.

1PETERU 2:23

Nyang: ri subi" juang" yi nyid uri-ce" dang: dakhoin" we' aphoug tu"- nyang: ri dam kaid' shen" yhen lo da" uri kyoug nhain' wa da" dang: atid- deingmain" tarha" dang: phyed' wa da" Mangsoo moo nheig byu loem" jeung" nyid.

1PETERU 3:9

Akhyeung" bang: rigi akhyeung" khyo"-nheung" mo, rigi doem, nheung" khyo" latoo: aphug goo"- hougsu" latoo: phug wa gung khoo: gi main' boo coug: bo da" dang: ri tid byid: nyid ge'- Khasu" wim gari Mangsoo gi nanu" ri khe: yu u ri mainkaid da" jeju" ri shau" kham, zoo: goo" baja" ga- nanu' ri dang: soo' byid: bye.

1 SAMUELA 24:17

Hau: thang: nyang: gi David ri «Nang koid zi jo da- ngoo gi shoid nyid da:. Ngoo nang ri houg yhang: ti" shoid da" moo" zoo" ri koid nghoid loug we' nang koem gi ngoo ri gye" ge khyo" koid nyid da:.