MATHE 5:37 - Lacid Common Language Bible

³⁷ Re" da" dang: gi «nghoid» ga: lang" gi nghoid bye anghoid ga: lang" gi anghoid baja". Hau: tho' mo jain" tid da" dang: gi hau: age su: yo' dasen: nyid.

MATHE 5:37 교차 참조

MATHE 13:19

Khyoo: gung moo gyo" da" myoug: shi" da" khyoo: gi Mungdain: da" tarha" mungdang: ri shau" gyoo: nghoid loug we' ase' gyoo: su: yo" du. Akhyeing" su: ju" re" lho: nheigloem: khoug: moo sain" kaid to" da" myoug: shi" ri yu pyam byid: ga: tid.

MATHE 13:38

Yoo thung" gi he: da" mougmyid nghoid ge da" myoug: shi" gi Mungdain: da" nya: zoo: yi ri tid nau zi nghoid. Myo, gam gi akhyeing" su: da" nya: zoo: yi ri tid nau zi nghoid.

MATHE 15:19

Ciwim gari Byu said zi su: myi: ri shoid zi:- myiyi: yuggi youg: shoo: go" zi Sube" zi khau" khyoo:- adeung amain" da" sagsi: bo kham: da" khyoo:- age da" lu wim gei sang: khyoo:- he: age da" khyoo: dangain" gi nheigloem: khoug: mo thu' lo zi nghoid.

MATHE 5:36

Re" da" vhuloem moo we' jham' age tang:- re" da" xam: dakhaid ri lang" phyu: we' no, we' ga: nang yo" koid: zi anghoid.

MATHE 6:13

Ngoonu" ri jhu' phyo' jang" moo ayhi: nhang: lo za: yu deizoo: lo, mo khyoid yu we' o". ‹Coid doem: boo" doem: ri vhoeb da" akhang" yo"- phung" yoeb myonhoo: ngilang: gi Apyaid atoo: nang moo za: dajo, jo, baja" o"- Amen.›

YOHAN 17:15

Nyangnu" ri he: mougmyid mo shu" thu' loo" wa da" shid' re" ngoo mho' nyid zi anghoid. Nyangnu" gi akhyeing" su da" lo, mo zung" lhug byid: wa shid' re" za: ngoo mho' nyid.

YOHAN 8:44

Nanu" gi nya: phoo yu satan da" nya: zoo: nghoid yoomo nanu" nya: phoo vho: da" khyoo: moo cang koid; nyid boem. satan gi xang: shid" mo nyang: byu said da" sarhi' nyang: nghoid. Nyang: moo deingmain" zi ci" we' aboo nghoid yoomo deung main" ziri asi- se' mhau' fain" su: nghoid. Nyang: gi mhoug mo, dangain" da" nya: phoo nghoid yoomo nya: void voo: yo' dakhyoo" ti" mhoug nyid.

Ephesu 4:25

Houg: yoomo mhau' da" dang: ri atid nyid goo"- yug khang" moo" gi nyang: nya: da" loem" jeung" phung byu mang nhung" phoo ri deingmain" da" dang: za: da tid nyid goo" baja"- Khasu" wim gari ngoonu" dangain" bang: gi Khristu da" gung du: mo akung: ako'' joem za: nghoid nyid boem.

Ephesu 6:16

Hau: tho' moo gootu: loem" jeung" ein: da" goo ri khanham we' vhoid ci: ge'. Khasu" wim gari nanu" gi hau: goo yo' akhyeing" ashoeb su" da" myi: myoo: dangain" ziri lhoem: yo" said' oung: pyam wa zi nghoid.

KOLOSE 3:9

Nyang: cang" nyang: -mhau' da" dang: ri atid nyid lo go"- khasu" wim ga: ri ri byu xoug" yo' dage" hau: da" akyang joem ri nanu" khyoid pyam' lho: gung du: aseig zhoug yu boem abye: go.

KOLOSE 4:6

Nanu" tid da" dang: khoin" joem gi-khanham we' gyo: da" dang: yo' myid' loem" zi nghoid baja"- nyangnu" doem, myed: da" dang: khoin: joem ri jo da" dang: phuid: yo" byid: sho' xei, too" ge'.

2 THESALONI 3:3

Nghoid loug we' Aseing: gi kyed' su: nghoid nyid yoomo nyang: gi nanu" ri nheigloem: yoem: fain, byid: lho: akhyeing" ashoeb, bang: gyi koid lo jang" mo zung" lhug byid: wa nghoid.

YAKU 5:12

Nga" mang: nhung" yi we"- nanu" jham tang: go" khyoo: gi dajhi' we' akoid goo"- moug: khung: ri we' anghoid- myidjang: myeing yu lho: we' anghoid- ce" noem myeing ri lang: lho: we' jham atang: goo". Nanu" da" dang: gi nghoid ga: lang" gi nghoid bye- anghoid ga: lang" we' anghoid baja"- houg su: nghoid lang" gi nanu" ri Mangso dang: kho' zi ashau" boem wa.

1YOHAN 2:13

Pho, phi" yi we"- xang: shed" mo wigi nyid nyid bye: su: ri nanu" se' nyid boem bye: yoomo ngoo nanu" jhang khyoo: lhid" kaid. Zoolu: yi we"- hau: akhyeung" da" yu satan ri-nanu" oung: pyam bye: yoomo nanu" jhang khyoo: mougsoug" lhid" kaid' zi nghoid.

1YOHAN 3:12

Ngoonu" gi Ka-in yhang: ti" age koid- nyang: gi satan yu shoid mo byu bue" lo" lho: nya: nhung" Abela ri said' pyam bye Ka-in gi Abela ri ce: noem, koid said pyam lha". Nyang: zei: da" moozoo" gi shoid khyoo: nghoid nyid nya: nhung" zei: da" moozoo" gi jo nyid yoomo nghoid nyid.

1YOHAN 5:18

Mangso nya: zoo: nghoid bye: su: gi yooboo axo, koid lo: ziri ngoonu" se' nyid boem. Khasu" wim gari nyang: ri Mangso da" nya: zo: wigi zung" lhug nyid yoomo hau: akhyeing" su: gi nyang: moo ayo" tain" loo.