MATHE 5:33 - Lacid Common Language Bible

³³ «Nang mhau' lho: jham' age tang:- nang nheung" da" dang: gi hau: Aseing wigi nang nyang: ri zang" loo nhang: wa ga: goo" nham' mo, ri tid to" zi nanu" shau" gyoo: yu" goo" wam: bye.

MATHE 5:33 교차 참조

COUNG" NGHEI 50:14

Jeju" boin: coung" ngei zigi Mangsoo ri: nghei" byid: da" re" xoin" nghoid baja". nang dangsoo" byid: to" zi dangain- gyi: myhang: Mangsoo ri byid: pyam we'.

COUNG" NGHEI 76:11

Nang nyang: ri byid: to" da" dangsoo" khoin" yo' dakhyoo" ti" re" Mangsoo Aseing ri byid: we'. Ayam aqei: moo: nyid nyid da" byumyu" yi bain sho bang: we' nyang: ri jhung" shug jhung: lang: shug byid: we'. Mangsoo gi nyang: ri gyoug phoug" wa shid re" byumyu" yiri koid nyid.

THU' LO" MOUGSOUG" 20:7

Nga" myeing ri akhyeing" da" khyoo: moo yeing lho: aci: goo". Ciwim gari nga" myeing ri anghoid da" khyo" ci: su: hang" ri we' ngoo nanu" da" Aseing Mangsoo yooboo dam byid: wa.

XOIN" NGEI" 19:12

Nanu" dang: azung" wa nghoid rigi nga" myeing moo: dangsoo" akoid too" goo". Hau: zigi nga" myeing ri sho' phu" nhang: nyid da:. Ngoo nanu" Aseing Mangsoo nghoid.

NAHUM 1:15

Yu" ge' lu dang: kyoo" su: gi lu dang: gi ci: wigi boem joem ri lid re" lo nyid bye:. Nyang: gi oung: doid lo" khyoo: ri fu" kyoo" wa shid re" khyoo: moo: so" nyid bye:. Yuda mung" byu yi we" ngei bu: ngei lho, da" pui" ri koid nyid lho: Mangsoo ri nanu" dangsoo" to" ziri byid: ge'. Akhyeing" ashoeb bang: gi nanu" mougmyid khoug: khyoo: yo" rhue, vang re" lo boem wa anghoid loo. Nyangnu" gi jhoid phyo' sain" pyam zi shoug" lo" boem bye:.

MATHE 5:21

«Nanu" byu ge said wa zi anghoid. Byu said su: gi yung" moo yooboo byid: moin: yi" ga: goonham mo, ri tid to" zigi nanu" shau" gyo: yu" boem bye.

MATHE 5:27

«Sube" myi: age lhoid' ga: zigi nanu" shau" gyo: yu" boem bye.

TARHA" TID POIN" 23:21

«Re" Aseing Mangsoo ri thang" cab koid to" uri nang dangsoo" byid: to" ziri koid pyeing wa khyoo: ri atheing: pyam. Aseing gi re" thang" cab ri nang moo to" to" wigi hau: ziri akoid pyeing zigi yooboo nghoid da:.

TARHA" TID POIN" 23:23

Nghoid loug we' nanya: myid khyo" thang" cab koid to" nghoid rigi hau: ziri yo" koid pyeing sho' koid we'.

TARHA" TID POIN" 5:11

Nga" myeing ri akhyeing" ashoeb da" khyo" aci: goo". Ciwim gari ngoo nanu" Aseing Mangsoo gi nga" myeing ri anghoid aeung: khyo" ci: da" yug hang" ri we' yooboo dam byid: wa.

TARHA" TID POIN" 6:13

Nanu" Aseing Mangsoo ri gyoug phau" myang: lho: ngi: shab nyid ge'. Nyang: ri kyeing" noku ge'. Nya: myeing ri kyeing" lang: wigi dangsoo" koid ge'.

1 TIMOTHI 1:10

Nheugloem: avoid agi bang:- myi: yi nyang: cang"- yuggi nyang: cang"- youg: shoo: goo" bang:- byu myheug yhoem" to" lho: ngei yo' doem khyoid yu nhang: bang:- mhau' lho: adeung amain" da" sagsi: kham, bang:- ce: ja" khyoo: moo we' hau: loem" jeung" da" khyoo: yo' azhung" goo' mo, shid re" koid to" da" tarha" nghoid nyid.