MATHE 27:19 - Lacid Common Language Bible

¹⁹ Pilaid mung" zoug: gi «Tarha" zhung: tang moo zhoung jo, da" uri nya: yhoem: seing: myhi' gi byu dayug ri nhang: kaid lho: hau: yooboo adab su: yo" sen: lho: nang ci" we' abo koid. Ngoori amain damyen goin' yhoeb' mo, moo nyang: yoomo nga" shid re" gye" jam joug bye:» ga: pyeung: kaid.

MATHE 27:19 교차 참조

APOEM AYANG: 31:11

Mangso moug: lagyoo: gi yoeb mo, moo nyang: ri «Yaku» ga: yoid lang" ngoo we' «o"» ein: phug tid kaid.

APOEM AYANG: 31:24

Yhoebmo, moo hau: myen" ri Laban jhang Mangsoo re" lho: nyang: ri «Zid" we' Yaku ri ce: dam we' age tab wa» ga: tid.

APOEM AYANG: 31:29

Ngoo gi nang ri dam tab wa yoem: so' yo" nghoid loug amain re" pho da" Mangsoo gi nang ri ce: dam atab' wa shid re" ngoo ri zid" nhang: to".

DANG: ZHOEM 29:1

Yooboo tid poin" khang" moo je" wigi nheigloem: dathain: nyid nghoid rigi khanham we' ayo" doem so, nyheing loo: sho' byo, yoin" lo" khyoo: thoung" shoug" wa zi nghoid.

ESAIA 53:11

Yau: khi" kyi" khyeug kham zo: zi bain thang: ri nyang: gi ngei pyo: zi doem shau" loo wa. Nyang: agoin: ajain" moo yau: khe" kyi" khyeug kham zo: zi anghoid da" khyoo: ri nyang: se' loo wa. Nga" deingmain" da" dei zoo:- ngoo vho: ngei da" su: gi byu myoo: sho' da" yooboo dam ri voin pyam byid: wa. Nya: gang mo ngoo gi nyangnu" ri yooboo khyoid pyam byid: wa.

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

GYUNG: SOO" 12:6

Houg: lho: Aseing gi «Akhid" ngoo tid wa da" dang: ri tam" gyoo: ge'. Nanu" phung: gung moo lapi: yi nyid uri ngoo gi nyangnu" ri myo, myang myang jang" moo: ngoonya: gung ri ci: shug byid: wa zi nghoid. Yhoebmo, moo: nyangnu" ri dang: tid wa.

MATHE 1:20

He: da" khyoo: damyid yu" nyid shi" uri yu" ge'. Aseing da" moug: lagyoo: dayug yhoeb' mo, moo nyang: ri gung re" yab shug lho: «David da" nya: zoo: Yoseb we"- re" da" yhoem: seing: myhi' Mari ri yu wa zi myid amyoo:. Nya: da" zoonu" gung gi hau: gyeungshang: da" Venyi: mo bue" lo da" zi nghoid.

MATHE 2:19

Akhid" Herod shid: lo" thang: ri Yu" ge' hau: Aseing da" moug: lagyoo: dayug gi Egutu mung" mo Yoseb jang" moo doem thu' loo bye.

MATHE 2:22

Nghoidloug we' Akela-u gi nya: phoo Herod da" gung thid' Yuda mung" moo khokham" doem koid nyid zi Yoseb shau" gyoo: lang" nyang: myid gyoug nyid. Hau: tho' moo yhoeb' mo, khyo" nyang ri doem toin" shid yoomo Galile mung" khyoo: nyang: lo" wigi Nazared ga: da" voogung moo danyid nyid.

MATHE 27:18

Houg: bang: gi anoug angei yoomo Yesu ri nya: lo, moo ab byid: ziri nyang: se' nyid.

MATHE 27:24

Hau uri Pilai gi khasu' ase' xo' tid loo khasu" we' ase koid: lol. Meing: byu yi lu: fu: loo wa ziri za: myang yoomo gyid khu, yu lho: «he: yug shid: lo" da" khyoo: gi nga" yooboo anghoid. Nanu" da" moo' za: danghoid wa» ga: byu yi da" shid khoin" moo nya: lo, ced.

MATHE 27:4

«Ngoo gi yooboo aboo su: ri ab byid: shoid bye:» ga: tid. Nghoidloug we' houg: bang: gi «ngoonu" yo" ci: asen: loo. Houg: re" yoovoin za: danghoid lo:» ga: tid boem.

LUKA 23:41

Yha" eig yug gi nyang: nyang: kham: eung: da" yooboo dam, dakham: nyid he: Aseing: koem gi ce: yooboo we' ashoid yu" ga: wigi tid poin.

LUKA 23:47

Hid: su" bue" lo da" moozoo" ri gyizoug: zeing: bain sho' myang lang" Mang"Soo: ri coung" lha he: yug gi gyeing" gyeing" nyang:- byu gi dayug danghoid» ga: tid.

YOHAN 19:13

He: da" dang: ri shaug" gyoo: lang" gi Pilaid khokham" gi Yesu ri nghe: shoid khyoo: shu" thu' lo" lho: Lug pyi" myhu" to" da" tarha" gabyam: tho' mo, zhungtang tho' moo zhoung: jo, nhang. (Hau: lug pyi" myhu" to" da" gabyam: ri Hebre myeing" khyo" gi Gabatha ga: da" joyoo nghoid.)

ACTS 12:21

Herod Khokham" gi deing go" to" da" bidnyid moo nya: da" Khokham" byimi ri void, ci: lho: khokham" tang myhang: moo zhoung: jo, wigi mung" byu yi ri dang: tid nyid.

ACTS 18:12

Nghoid loug we' Galio ga: su: gi Akhaia mung" zoug: bue" loo lang" Yuda byumyu" yi gi zeung: foem: lo lho: Polu ri myheug yu wigi tarha" yung" khyoo: shu" yhe: lo" ago".

ACTS 18:16

Houg: yoomo nyang: gi ngoonu" ri tarha" yung" mo khaid thu' kaid' da.

ACTS 18:17

Nyang: nu" gi tarha" jung mo agyi phoo- Sosteni ri myheug yu lho: tarha" yung" shid' moo baid' ago- nghoid loug we' Galio gi hau: ziri cishu: anhang: nghoid da.

ACTS 25:10

Houg: lang" Polu gi ngoo gi ngoori dang: phyed' eung: da" Khosen" pho, da" yung" moo yab, jo, bye- nanyang: voin: tang: si' bye: ziyo' dakhyoo" ti" ngoo gi Yuda byumyu" yi ri ce" yooboo we' ashoid yu".

ACTS 25:17

Houg: su" nyangnu" gi voogung moo ju" re" boem ri ngoo gi ayo, aze" pain' loo: za: thang: nyid" ri nyang- tarha" dang: phyed' byid: da" yung" moo zhoung: jo, lho: hau: yug ri khe: shu" vang loo" wa da" amyeing" ri byid: kaid' bye.

ACTS 25:6

Phestu gi nyang: nu yo' dage" za: bidnyid shed' nyid" - daxi: nyid" koo: su" theung: nyid lho: Kesare voogung khyoo: doem lo. Hau: thang: nyid" ri nyang: gi dang: phyed' da" tarha" yung" moo zhoung: jo, lho: Polu ri shu" vang loo wa da" amyeing" byid: kaid.

1PETERU 2:22

Nyang: gi ce: yooboo we' akoid yu"- nya: nhoid mo mhau' da" dang: dakhoin" we' atid' yu".

1YOHAN 2:1

Nga" zoo: yi we"- nanu" gi yooboo akoid loo: goo" baja" ein:- he: mougsoug" ri nanu" jhang khyoo: ngoo lhid" kaid' bye. Nghoid loug we' byu dayug yug gi yooboo doem shau" koid nghoid rigi hau: pho, da" shid khoin" moo ngoonu" shid re" mho' tung" pain: byid: su:- Yesu Khristu ein: da" deing byeung" Aseing: gi ngoonu" yoo" shi".