MATHE 26:58 - Lacid Common Language Bible

⁵⁸ Petru gi vi" vi: mo Kayapha da: yhoem: vang" ju" sho'- Yesu thang: moo cang yhe lo". Hau: thang: ri vang" khoug: moo vang yhe: lo" lho: Yesu ri tarha" dang: kho' da" moozoo" gi khayoo: thang lo" ziri cang yu" wa da" shid re" zung" lhug bang: yi yo" dage" zhoung jo.

MATHE 26:58 교차 참조

MATHE 26:3

Hau: ruri nyang: Khainjung moo" yi yo"- Yuda vhu" jhung: yi gi Kayapha ga: su: khainjung da" joyoo moo zheung: foem to.

MATHE 5:25

«Nang ri jhen: dab goo" su: yo' dage" ayo, yoo" shi" uri myab myab sham: veing" goo" ge'. houg: su" anghoid ri jhen: boo su: gi nang ri tarha" agyi yung" moo ab pyam' ri" wa. Tarha" agyi gi nang ri dang: kho' da" ludaid' yi da" lo, moo ab pyam' wa nghoid wigi nang ri thung: khyo' pyam' zi shau" wa.

LUKA 22:54

Houg: bang: gi Yesu ri yo" myheig yu lang" khainjung agyi moo" da" yhoem: khyoo: khe: shu" yhe: lo" boem. Peteru gi vi" vi: moo cang re" nyid.

YOHAN 18:25

Simun Petru gi myi: yab gang nyid da" uri Byu dayham" bang: gi nang we' hau: youg da" byen cang" anghoid la"» ga: myid: boem. Petru gi Ngoo anghoid ga: ngeig pyam.

YOHAN 19:6

Khainjung agyi yi yo"- no ku" yhoem moo" zung" lhug da" gyizoo: yi gi Aseing: Yesu ri myang lang" nyang: ri pyang" zeing: moo baid jen" said pyam ge' ga: nyho: phau kaid ago". Pilaid khokham" gi Nanu" nyang: nyang: ri khe: shu" lo" lho: pyang" zeing: moo baid jen" said pyam ge' nyang: ri shid: dam byid: wa zigi ngoo ce: yooboo we amyang ga: tid.

YOHAN 7:32

Houg: su" Yesu da" khyoo: ri Meing: byu yi so' so' ga: doem go" nyid khyoo: ri Pharishe shau" gyo: boem. Houg: yoomo nyangnu" yo" khainjung agyi yi gi zung" lhug: nyid da" pyada: yi dayham" ri Yesu ri myheig wa shid' re" nhang: kaid boem.

YOHAN 7:45

Zung" lhoug: da" pyada: yi gi Khainjung agyi yi yo, Pharishe yi jhang khyoo: doem lo da" uri nyangnu" gi ci: wim wigi hau: yug ri amyheig ci: loo go" ga: lhoem: myid: boem.

ACTS 5:22

Nghoid loug we' - goemloem gyizoug: mo" jang" moo ju" yhe: lo boem uri nyangnu" gi thung: khoug: mo, lagyoo: yi ri ayhe: myang boem nghoid da- houg: lang" tarha" yab, do, phung: khyoo: doem zheung: tau" lo wigi

ACTS 5:26

Houg: lang" noku yhoem: moo" mo, goemloem zoug: phoo gi nya: gyizoo: yi yo' thu' lo" lho: lagyoo: yi ri yhe: doem shu" tau" lo. Nghoid loug we' mung" byu yi gi nyangnu" ri lug zeung du" wa ziri gyoug boem yoomo lagyoo: yi ri anoug akhyoid' akoid nghoid ago".