MATHE 26:45 - Lacid Common Language Bible

⁴⁵ Hau: thang: ri cangzoo: yi jhang khyoo doem lo" lho: «nanu" gi gye: yhoeb' pyo: lho: doug no: nyid go" la". Yu" ge' byu da" nya: zoo: ri yooboo dab mo da" lo, moo ab pyam wa ayo, ju" bye.

MATHE 26:45 교차 참조

1 KHOKHAM 18:27

Nyid" gung mo gi nyangnu" ri Elia juang" yi shid" loo bye:. «Yoem: kaid yoid mho' ge'. Nyang: gi yu phara" nghoid. Nyang: gi nyid" gung yhoebmo, mo, nyid la'- anghoid lang" nyang: nghi: yhe: la'- anghoid lang" gyung: thu so" loo" sam"- anghoid lang" nyang: gi yhoeb jo, wa nghoid. Nanu" nyang: ri nhoug" yu ca" wa nghoid» ga: tid.

PHAJHI" DANG: 11:9

Zoomyi: zooyam yi we"- nanu" da" zoomyi: zooyam akhyeing" ri pyoo: pyoo: nyid we'. Nanu" zooyam nghoid shi" uri ngei pyo: nyid ge'. Nanu" koid nau ziri koid lho: nanu" nheigloem: myid vho: khyo" cang ge'. Nghoid loug we' Mangsoo gi nanu" koid zi ci: nghoid loug we dang: phyed byid: loo wa ziri myid boin: we'.

MATHE 26:18

Yesu gi «voo khoug: khyoo vang lo" lho: byu dayug jang" moo yhe: wigi sara: tid kaid- nga" ayo, jhang loo bye: re" da" yhoem: moo led lo" pui" ri nga" cangzoo: yi yo" dage" zoo: wa ein: lo" tid ge'»› ga: tid kaid.

MATHE 26:2

«Lhid: kaid" da" pui" ju" wa zi nghoid. Hau: uri byu da" nya: zoo: ri said pyam wa shid re" sube" da" lo, moo" ab pyam beom wa nghoid.»

MATHE 26:44

Yesu gi nyangnu" jang" mo, doem yhe: lho: akhang: mho' yhangti"- soem" lheing: lheing: akyu" yhe: doem mho'.

MATHE 26:46

Too, ge" nyhangnu" yhe: lo" boem loo shang- yu" ge' ngoori ab pyam wa su: gi ju" loo bye:» ga: tid.

MARKU 14:35

Nyang: gi houg: mo dajhi' zoo: lid: yhe: lo" wigi myid: jang: moo yhe: goeb jo, lho: ge bui" nghoid ri gi ayo' akhyeing: lid: loo" baja".

LUKA 22:53

Ngoo nyid" khang" moo"- No' ku" yhoem: moo" khoug: moo nanu" yo' dage" nyid da" uri nanu" gi ciwim ngoo riamyheig go" Nghoidloug we' he: da" ayo, gi nanu" da" ayo,- moug coid da" phung yoeb nghoeb ci: da" ayo, nghoid ga: tid.

YOHAN 12:23

Yesu phougtu" da" zigi byu nya: zoo: da" myonhoo: phung" yoeb' bang: thu' loo wa da" ayo, ju" bye.

YOHAN 12:27

Ngoo gi nheigloem: gye seing" kho" nyid ngoo khasu" ein: tid loo: wa lha". Phoo we"- ngoori he: da" kyi" khyeug jamjau yo, mo loid byoin loo" nhang: we' ein: wigi tid wa la". nghoid loug we' ngoo gi he: da" kyi" kyeig jamjau ri kham: yu wa shid' re" gyoo" re" zi nghoid.

YOHAN 13:1

Lhed: kaid da" pui" ju" wa ayo, gi danyid" ca" shi" ri Aseing Yesu gi He: mougmyid mo thu' lo" lho: phoo jhang khyoo: loo" wa da" ayo, ju" loo bye: ziri se' boin: loo bye. Yesu gi he: mougmyid moo nyid da" nya: thang cang mo, ri jheddab lid lo bye. Nyangnu" ri lo" thang bidnyid ju" sho' jheddab bye:..

YOHAN 17:1

Hid: su" ga: bain tid kyo" thang: ri Aseing Yesu gi mougkhung: khyoo: nghang yu" to" lho: tid da" zigi O" nga" phoo we"- Ayo, ju" bye:- Nya: zoo: gi nya: pho da" myonhoo: phung" yoeb' ri thoin" pang byid: wa shid' re" re" zo: da" myonhoo: phung" yoeb' ri we' doug bang thu' loo nhang: we'.