MATHE 26:38 - Lacid Common Language Bible

³⁸ «Ngoo gi shid: loo" sho' nheigloem: myid myo: nyid. Nanu" gi he: joyoo moo ngoo yo' dage" gyeing" gyeing: lang" nyid ge'» ga: wigi cangzoo: soem" yug ri tid.

MATHE 26:38 교차 참조

COUNG" NGHEI 116:3

Shid: su: da" gyoug ci' khyoo: gi ngoo ri: lheung khoem to" wigi moo: vo, moug: mo byoodain byoo sho" khyo: joem gi nga" nam, moo: tain" loo bye:- ngoo gi gyoug ziyo' amyen akhyoid phu" zo: zi shau" nyid bye:.

COUNG" NGHEI 42:5

Ci: yoomo ngoo gi hid: yhi' gyeing" kougshu: nyid lha". Ngoo gi ciyoomo hid: yhi' gyeing" kyi" khyeug zi shoug" nyid lha". Ngoo gi Mangsoo moo: nheug byu nyid lho: nga" da" khyoid yu Aseing yo' nga" Mangsoo ri dalheung: doem coung" nghei wa nghoid.

SHOLUMON JIKHOIN" 5:3

Ngoo byisheing: khyoid pyam bye:. Ngoo khasu" wigi dalheing: doem yo" void wa lha". Ngoo gi nga" khyid: ri cid" yung" cid" lho' too" bye:. Ngoo khasu" wigi aco' ajhoid dalheing: doem yo" koid wa lha".

ESAIA 53:10

Aseing tid zigi «Nyang: yau: khe" kyi" khyeug kham zo: wa zigi nga" myid vho: da" khyoo: nghoid. Nyang: shid: zigi yooboo khyoid byid: ziri bui" nhang: da" xoin" nghoid da:. Houg: lho: nyang: gi nya: amyed ashen yiri shau" myang loo wa. Nyang: gi kang: sheing: sho' dei nyid wa. Nyang: khyo" wigi nga" myid soin' khyoo: oung: doid loo wa.

ESAIA 53:12

Houg: yoomo ngoo gi nyang: ri ngi: shab da" joyoo byid: wigi Byu zeing yi yo' yoem so' yo" da" byu phung: moo joyoo byid: wa. Nyang: gi nya: kangso' ri ngei ngei za: byid: pyam wigi akhyeing" da" byu yi vhu" pi: lo, kyo' moo bo kham yu bye:. Nyang: gi yooboo yoo" bang: myoo: sho' da" yooboo joem ri voin wigi Nyangnu" yooboo khyoid pyam byid: zi shoug" goo" wa shid re" akyu" mho' da» ga: tid da:.

ESAIA 53:3

Ngoonu" gi nyang: ri aphoug" akhyoid koid wigi nyang: ri ngeug he: pyam bye:. Nyang: gi yau: khi" ziyo' no kyi" khyeug zi kham zoo: bye:. Nyang: ri hang" dayug lang" ayu" nghoid ago". Ngoonu" gi nyang: ri ci: anghoid yug ri yhang: ti" yu lid: pyam bye:.

MATHE 25:13

Houg: su" nghoid yoomo nanu" we' hau: bidnyid hau: ayo, ri asi yoomo zed" lhed lho: lang" nyid, ge'.

MARKU 14:34

Houg: lang" nyang: gi nyangnu" ri nga" nheigloem: boug go' wa yhi' gye" kougshu: nyid-nanu" hid: moo lhid lho: lang" nyid shi" ge' ga: tid da:-

YOHAN 12:27

Ngoo gi nheigloem: gye seing" kho" nyid ngoo khasu" ein: tid loo: wa lha". Phoo we"- ngoori he: da" kyi" khyeug jamjau yo, mo loid byoin loo" nhang: we' ein: wigi tid wa la". nghoid loug we' ngoo gi he: da" kyi" kyeig jamjau ri kham: yu wa shid' re" gyoo" re" zi nghoid.

Roma 8:32

Mangsoo: gi nya: zoo: gyeing" ri - vhoo" abyid' looza: - ngoonu" dangain" mo shid' re" gung leig xoin" to' pyam' bye: nhung. Ngoonu" shid' re" nya: zoo: ri byid: da" Aseing gi zi jo, moo jo, ngoonu" ri noug noug za: abyid: loo: khasu" se' nyid wa la".

2~KORINTHU 5:21

Khristu gi ce: youg: noo yooboo adab su: nghoid loug we' ngoonu" gi Khristu yo' dadeung: daloem: za: bue" lo wigi Mangso da" deung: byeung" ziri kham: yu wa shid re" Mangsoo gi Khristu ri ngoonu" shid re" nyhang" yhang: te" yooboo yo" su: - bue" loo nhang: bye.

GALATI 3:13

Seig zeing moo jen" lhang" too" shau" su: hang" nghoid loug we' Mangsoo da" tarha" dang: phyed' zi shau" su: nghoid nyid, ga: wigi jhoem: mougsoug" moo tid to" ziyo' dakhyoo" ti"- Khristu gi ngoonu" da" shid re" tarha" dang: phyed zi shau" byid: khyo" wigi toung: to" da" tarha" dang: phyed jang" mo ngoonu" ri khyoid khyi: yu bye.

1PETERU 2:24

Ngoonu" gi youg: noo yooboo ri she: pyam kho lho-deing main" mo, khyo" kangso' yo" dei nyid wa shid re" nyang: gi ngoonu" da" yooboo ri nya: gung du: moo nyang: voin, lho: pyang" zeing tho' khyoo: yhe: loo" bye-

1PETERU 3:18

Khasu" wim gari Khristu gi yooboo yoo" mo, gung thid' -dalheing: dam, bain' sho' shid: kham: pyam bye- nanu" ri Mangso jang" moo shu" ju" loo wa da" shid' re" yooboo yoo" mo, shid' mo byu gi dayug gi shid: bye-nyang: gi moug: myed, gung shoo" ri said' pyam zi shau" bye- nghoid loug we' venyi khyo" doem dei loo nhang: zi shau" bye.

1PETERU 4:7

Ziyoo jo, moo jo, thang loo" wa ayo, ju" bye: yoomo nanu" gi akyu" mho' wa shid re" nyang: nya: da" nheigloem: ri zed" lhed' lho: nheig boo ung: gyeung" nyid loo: ge'.