MATHE 26:10 - Lacid Common Language Bible

¹⁰ Hau: dang: ri Aseing Yesu si lang" «ci: wim wigi he: da" myhi' zeing ri tid nhung byid: nyid go". Nyang: koid: da" moo" gi nga" shid re" gye" ge da" moozoo" nghoid bye.

MATHE 26:10 교차 참조

NEHEMIA 2:18

Houg: lho: Mangsoo ngoo yo' dage" nyid nyid lho: nyang: wigi ngoo ri khasu" pang" lai lo ziyo' khosen pho wigi ngoo ri citid to" ziri ngoo nyangnu" ri tid kyoo" bye:. Nyangnu" gi «Ngoonu" doem nyheing zhug shid" boem looshang» ga: tid ago". Houg: lho: nyangnu" gi moo" zei: shid" wa soin' ago".

YOBA 13:7

Nang ciwim mhau' nyid la". Nang mhau' tid da" dang: joem gi Mangsoo ri akyu" byid: wa ein: jho: rhe".

MATHE 26:11

Sho" jhen: mo, gi nanu" yo" khanham we' dage" yo" nyid. Nghoid loug we' ngoo koem gi khanham we' nanu" yo" dage" shau" nyid wa zi anghoid.

MATHE 26:9

Khasu" wim gari he: da" moora: xu: ri ngei myoo" sho' mo oung" pyam lho: sho" jhen mo, ri gam byid: ri ge» ga: tid ago".

MARKU 14:6

Houg: lang" Yesu gi nyang: sam: zoo: nyid baja"- nanu" nyang: ri ce: noem wim goin, jang nyid go" lha". nyang: gi ngoori ge da" moo" zei: byid: bye.

LUKA 8:49

Houg: su" ga: Aseing: tid nyid da" ayo, moo Tarha" jung vhoeb da" zoug: phoo yhoem: mo lagyoo: dayug ju" re" Ya-i-ru ri re" zoomyi: zoo: gi shid: bye- Sara: ri akhe: nhung yen" loo: ga: re" tid.

2~KORINTHU 9:8

Mangsoo: gi nanu" vho" nyid tho' moo jain" sho' yo" byid: nyid.Houg: yoomo nanu" gi nyang: tu: nya: shid re" vho' ca" nyid gu: dangain" ri yo" yu boem va zi nghoid. Hou: tho' moo ge da" moo" zo" ja: khang" mo" shid mo ca" nyid hto' moo jan" sho' yo" yu wa.

GALATI 1:7

Gyeing" nyang: ga: rigi Aseing Yesu da" khyoo: mo lid lho: ngei bu: lu dang: gootu: ajo. Nghoid loug we' ngoo hid: su" ein: tid zigi Khristu da" ngei bu: lu dang: ri thed' ze" shoin, wa yoem: kaid' nyid da" byu dayham" nyid boem ziyo' nyangnu" gi nanu" ri myid loem vhu" gyam, myid gyam nyid sho' lhu: phyo' lhu: nhoung nyid boem yoomo tid nyid zi nghoid.

GALATI 5:12

Nanu" ri nheigloem: ze" nhung ze" phyo' nyid mo, gi athang: yham" zi za: we' anghoid- nyang: tu: nyang: yham" phyed' pyam' goo" baja".

GALATI 6:17

akhid" mo gi hang" nghoid loug we' ngoori aze" youg: aze" nhung byid: loo goo"- Khasu" wim gari nga" da" gung moo dab, dam noo joem gi ngoo Khristu da" moo" voin, join, phoo nghoid da" khyoo: ri sagsi: kham: nyid.

Ephesu 2:10

Ngoonu" gi Mangsoo nyang: myid vho ziyo' dakhyoo" ti"- phain" so: to" zi shau" mo, nghoid nyid wigi Khristu Yesu yo' ngoonu" deung: shoin" to" khyoo: yoomo nyang: gi ngoonu" ri ge da" moozoo" joem shid re" phain" so: too" bye- hau: ge, da" moozoo" joem ri ngoonu" zei: soo, wa shid re" soin' nyheung too" byid: bye.

KOLOSE 1:10

Hougsu" nghoid lang" gi nanu" gi Mangsoo myid vho: khyo" kangso dei nyid wigi nya: da" vho: ngei khyoo: moo khanham we' nanu" yo" cang zei: loo" wa zi nghoid- houg: lang" nanu" da" kangso dei khyoo: gi ge da" moozoo" ja" khang" moo" moo ashi" zei: lo wigi Mangsoo ri se' lo da" khyoo: moo gyi: sheung: loung: lo boem wa zi nghoid.

2 THESALONI 2:17

Nanu" ri we' ge, lho, da" khyoo:- khanham we' koid nyid wa ziyo' tid sang: wa shid re" yoem: teing byid: nyid boem.

1 TIMOTHI 3:1

Phoung: da" vhu" jhung: bui" nhoug su: gi ge, thang da" moo" daloem: ri vho: ngei nyid su: nghoid- ga: wigi tid to" da" dang: gi deingmain" da" dang: dakhoin" nghoid nyid.

1 TIMOTHI 5:10

Hau: tho' moo gootu: nyang: gi asam" avoid ge khyoo: moo we' myeing thu nmyid su- nya: myid: nya: zoo: yi ri we' voin: tang: se' shu" jhoug" shu" mho' nyid su- tungbau being" voo, yi ri nya: yhoem: moo goo" lhoo: zoo: kham: yu lho: doo" zhoo" doo" jhug su- Khristain mang: nhung" yi yo' sen: lho: zei: ca" da" khyoo: joem ri khyo, nyhoem: da" myid yo' zei: so' voin vu, si su- yau: khe" jam jau shau" nyid bang: ri-se' pang" thoug su- ge da" moozoo" joem ri voin, vu, xoin" yo" to' su: nghoid ca" nyid.

2 TIMOTHI 2:21

Byu dayug yug gi tid lid loo bye: da" akhyeing" ashoeb khyoo: mo nyang: nya: da" gungdu: ri ced" san pyam nghoid rigi hau: yug gi Aseing: yhoug: gyen: khyo" soin nyheung to" da" khyoo: moo yo" bo ci: yhoung: da" zi bue" lo khasu" wim ga: ri ri nyang: gi ge, da" moozoo" ja" khang" moo" moo-bo zei: wa shid re" jen" jen" nghoid nyid.

TITU 1:16

Nyang: nu" gi Mangsoo ri se' boem bye"- ga: tid nyid boem nghoid loug we' nyangnu" da" koid moozoo" joem gi nyangnu" ri abo pang" thoug nghoid da. Nyang: nu" gi aco' ajhoid zi nghoid nyid boem wigi yu" vho: phoo" adoid bang- ge da" moozoo" daja: ja: ri zei: soo, wa da" yoem: vhoo" aboo bang: nghoid nyid boem.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.

TITU 3:1

Mung" dain ri vhoeb khang" nyid bang: yo' amyeing" akhang ci: bang: da" vhoo: moo tam' gyo: nyid wa ziyo' ge da" moozoo" jid: zoo: jo, moo jo, ri zei: soo, wa jen" jen" nghoid nyid wa shid re" re" da" byu yi ri tid poin" nyid we'.

TITU 3:14

Akhid" nyang: ca" yo nyid akhyoo: joem, ri-yo" joeb, byeung" nhang: sho' yha: da" byu yi nyang" nu" da" ayo, joem ri ge da" moozoo" ri ci: yhung: wa shid re" jhau" yu goo" baja". Nyangnu" da" kangso dei lo" khyoo: moo ce: phoug" adab kangso' age dei nyid.

TITU 3:8

He: da" dang: gi dang: deing khoin" nyang: nghoid bye:- Mangsoo ri loem, khoug: bang: gi byu yug khang" mo" shid mo akyu" bo lho: ge lho da" moo" ri zei: wa shid re" ayo, byid: wa khyoo: ri gooki" lid' ayang: koid lho: jhau" shed nyid wa ziri ngoo vho: ngei nyid.

1PETERU 2:12

Aseing Yesu ri aloem" jeung"- aloem, khau: mo, gi nanu" ri age da" moo" ri zei: nyid mo, nghoid ga- yooboo foin: nyid uri nanu" koid ge da" moozoo" ri shau" yu" myang wigi Yesu doem gyoo" lo da" bidnyid moo Mangsoo riyo" coung" nghei byid: goo" baja"- nanu" gi nanu" nya: da" shid' khoin" moo ge, lho, da" asam" aved, yo' kang: so dei nyid ge'.