MATHE 25:9 - Lacid Common Language Bible

⁹ Phajhi" bo nheig gyeing: bang: anghoid ‹nanu" shid re" we' ngoonu" shid re" we' ein: rigi tham: zi anghoid. Nanu" shid re" ung" jang: moo yhe: qei yu ge› ga: phoug tid kaid ago".

MATHE 25:9 교차 참조

YEREMIA 15:1

Hau: thang: Aseing gi ngoo ri «Moshe yo' Samuela eig tang: nyang: he: joyoo moo: yab jo, wigi ngoo ri mho' nyid boem nghoid loug we'. Ngoo gi he: byumyu" ri nheig khyeug myid aci: shug byid: wa. Nyangnu" ri phang: loo" nhang: ge'. Nyangnu" ri nga" shidkhoin" mo khaid pyam we'.

EZEKIEL 14:20

Noa- Danela- Yoba bang: houg: moo nyid boem nghoid loug we' yoem: moo" bo Aseing ngoo kangso' dei da" Mangsoo nghoid ziyo' dayhang: ti" nyangnu" gi nyangnu" da" nya: zooshang: yiri lang" ayo" khyoid yu goo" wa. Nyangnu" da" ge khyoo: gi nyangnu" nya: kangso' joem ri za: dayo" khoid yu wa.

MATHE 10:16

«Zeigne phung: moo nhang: kaid da" yang joem yhangti"- nanu" ri ngoo nhang: kaid. Houg: yoomo nanu" gi lhang: myu yhangti" nheig boo ung: gyeing: lho: pheing" kyoug" yhangti" nu" nham nyid ge'.

MATHE 25:2

Nyangnu" mo wim: yug gi phajhi boung: gyeing; bang: nghoid. Wim: yug gi nheig agyeung: bang: nghoid.

MATHE 25:8

Nheig agyeung: da" myiyi: yi gi ‹ngoonu" da" myibung: shid: lo" nyid bye. Nanu" da" myi: xu: dajhi' jhi, gam byid: ge'› ga: nheig boo mo, ri zheung: mho' boem.

MATHE 7:24

«Hid: nga" da" dang: ri shau" gyo: lho: cang zei: loo" mo, hang" nghoid loug we' nyang nya: da" yhoem: ri lugmoo" boem tho' moo zhug to" da" phajhi" boo su: yo" du nyid.

ACTS 8:22

Houg: yoomo he: akhyeung" da" lo, moo" mo nheigloem: thid' we'. Houg: su" myed shoid' da" yooboo ri khyoid pyam' byid: zi shau" wa shid re" Aseing: ri akyu" mho' we'.