MATHE 25:41 - Lacid Common Language Bible

⁴¹ «Hau: da" thang: ri khokham" gi lo, koung" shoid khyoo nyid mo, ri ‹joem: so: zhung" da" byu yi we"- nga" jang" mo gang: loo" ge'. Yu satan: yo' nya: lagyoo: yi shid re" ein: nyheing to" da:- moo myi: apyaid atoo: thoem" khyoo vang loo" ge'› ga: tid.

MATHE 25:41 교차 참조

COUNG" NGHEI 119:115

Yooboo dab, da" byu yi we"- nga" jang" mo phang: thu' loo" we'. Ngoo gi nga" Mangso amyeing" dang: joem ri tam" gyo: nyid wa nghoid.

COUNG" NGHEI 119:21

Nang gi phau: khuang nghoid boin: nyid mo ri gyikoid jhau" byid: nyid wa re" da" amyeing" tarha" ri: do, rhui, bang: rigi nheing" khoin" zang" nhang: nyid.

COUNG" NGHEI 139:19

O" Mangsoo we"- nheigloem: guid" da" akhyeing" bang: ri said pyam we'. Athoug akhyoug: koid mo, ri ngoo yo' ve: gang: loo" nhang: we' ein: mho' nyid.

COUNG" NGHEI 6:8

Akhyeung" bang: nanu" nga" jang" mo thu loo" ge'. Aseing gi nga" ngougmyeing" shoo" thui: ri tam" gyo: nyid.

ESAIA 66:24

«Nyangnu" thu lo boem uri ngoo ri gyi koid thougtheung mo, da" manggung joem ri nyangnu" myang boem wa. Houg: bang: ri zo: da" lugdung: gi khanham we' shid: wa zi anghoid. Houg: bang: ri nge" nyid da" myi: gi khanham we' joem: loo" wa zi anghoid. Houg: bang: da" bue" nyid khyoo: gi xangsu: byu dangain" shid re" aco' ajhoid nghoid loo wa» ga: Aseing tid.

YEREMIA 17:5

Aseing tid zigi «Ngoo mo phug lo" byug wigi Shid: se' da" byu joem yoem: vhoo" khoug: mo Xangsu: byu yiri loem khau: da" su: ri ngoo dang: phyed wa.

MATHE 13:40

Myo, gam ri khyen: yham" lho: myi moo nghe pyam yhangti"- he: da" mougmyid lo" thang da" bidnyid moo we' houg: yo" dakhyoo" bue" loo wa.

MATHE 13:42

Dadab jo, da" moo myi: khyoem moo khyo kaid nhang: wa houg: moo vang loo" bang: dangain" gi ngougmyeing" shoo" thui: yo' zei yang: ngaid kyeig ga: nyid boem wa.

MATHE 13:50

Hau: joyoo moo ngougmyeing" shu: thui: to"- zei yang: ngaid zeing to" zi shau" boem wa nghoid.

MATHE 18:8

«Re" da" khyid: nghoid loug- lo, nghoid loug re" da" loem" jeung" nheigloem: ri lhu: phyo' nghoid rigi Hau: khyid: yo" lo, ri kho" pyam we'. Khyid: lo, joeb' joeb' yo"- apyaid ato: da" myi: thoem" moo davang loo" wa tho' rigi gungdu: ajoeb' byeung" lo: zi apyaid ato: kangso' yo" yu zigi je ge nyid.

MATHE 25:42

‹Khasu" wim gari ngoo zooyoid nyid uri nanu" ngoori voem: azhoo. Ngoo gyid shid uri gyid abyid: boem.

MATHE 25:46

Houg: yoomo houg: bang: gi apyaid ato: da" yooboo dam shau" kham: zo: wa jang moo ju" lo" boem wa. Nghoid loug we deung byeung" mo, koem gi apyaid ato: da" kangso' khyoo shau" vang lo" boem wa".»

MATHE 3:12

Nya: da" lo, moo gug khyoo' lhang" khang" dakhyam" ci: wigi nya: gug boem ri geig khyo' kyeing yu" lho: mo da" gug shi" rigi nya: da" gug jhi: moo kaid' too" wa. Amo da" gug shi" rigi ayo" said da" myi: moo nghe' pyam' wa» ga: tid.

MATHE 4:10

Yesu gi yu satan: ri hid: su" ga: doem tid. «satan: we"- nga" jang" mo thu' loo" we'. Khasu" wim gari nang gi re" Mangsoo ri za: vhu" pid pid ca"- Cung" nghei byid: ca" ga: tid to" zi nang anghab yu" lha"» ga: phoug tid.

MATHE 5:22

Ngoo nanu" ri tid da" zigi nya: mang: nya: nhung" ri nheig yoo: su: hang" nghoid loug we' yooboo byid: wa zi moin: yi" nyid bye. Nya: mang: nya: nhung" ri yooboo hoeb' ga: tid su: we' hau: ludaid phung: mo dang: khoo' gi" bye. Hau: lho: koo" dau: he: zi ga: tid su: gi ngarai" myi: yo' moin: yi" nyid bye.

MATHE 7:23

Hau: uri ‹ngoo nanu" ri khanham we' asi"- atarha" da" moo" zei: mo, we"- nga" jang" mo gang: loo" ge'› ein: wigi ngoo nyanu" nyang: ri tid wa zi nghoid.

LUKA 13:27

Nanu" kha: yo, ri" mo, nghoid zi ngoo asi- akhyeing" ashoeb mo, we" nga" jang" mo, gang: loo" ge' ga: doem tid wa.

LUKA 16:24

Sathi" phoo gi phoo Abraham we"- ngoori nheig myen: yu shi" we'. Ngoo gi he: da" myiyham: khoug: moo atho' tid loo:- kyi" khyeug shau" nyid. Lazaru da" lo, nyhoug" vhu" mo gyid jham" dazo, nga" yhoo: moo khyo, jham" byid: wa shid' re" nga" jhang khyoo: jen" nhang: kaid we' o"- ga: yoid tid.

YOHAN 8:44

Nanu" gi nya: phoo yu satan da" nya: zoo: nghoid yoomo nanu" nya: phoo vho: da" khyoo: moo cang koid; nyid boem. satan gi xang: shid" mo nyang: byu said da" sarhi' nyang: nghoid. Nyang: moo deingmain" zi ci" we' aboo nghoid yoomo deung main" ziri asi- se' mhau' fain" su: nghoid. Nyang: gi mhoug mo, dangain" da" nya: phoo nghoid yoomo nya: void voo: yo' dakhyoo" ti" mhoug nyid.

2 THESALONI 1:7

Nyang: gi kyi" khyeug jam jau shau" nyid da" nanu" yo' dage" ngoonu" ri we' dajhi' dathang: khyam: sa khyoo: ri shau" yu nhang: wa zi nghoid- nyang: gi yoem: moo" bo da" mau: lagyoo; yi yo" dage" myiyham: doem yo' moug: khung: mo thu re" da" uri.

2 THESALONI 1:9

Nyang: nu" ri gi Aseing: da" shid' khoin" mo gang: loo" nhang: lho: nya: yoem: moo" bo da" myonhoo: phung" yoeb, yo' byed, gang: lo" ein: da" pyaid moo too" moo lhu: phyo' lhu: shoin pyam' da" shid: gyoin, ri shau" boem wa zi nghoid.

HEBRE 6:8

Nghoid loug we' hau" myidjang: gi zugam yo' myo, gam ri za: youg thu' loo nhang: nghoid rigi ce" akyu" we' abo tho' moo agoo"- Mangsoo da" nheing" khoin" yo' gyoug pho" khyoo: za: thoung" shau" lho: myi: moo nghe, jhoem" pyam' shau" wa nghoid.

2PETRU 2:4

Mangsoo gi yooboo koid da" moug: lagyoo: yi ri lang" gi khyam" sa: abyid: loo: za: ngarai khyoo: khyo' pyam lho: wigi hau: joyoo mo moug: coid khoug: moo myeug" tei" to" wigi tarha" dang: phyed' wa da" bidnyid ri dalang" nyid nhang.

1YOHAN 3:10

Hau: khyoo: gi Mangso da" nya: myid: nya: zoo: yi yo' yu satan da" nya: myid: nya: zoo: yi gi gyi" sho' shai" go" da" khyoo: ri bang bang nyang: myang se' da" khyoo: nghoid. Hang" nghoid loug we' deing byeung" da" moo" ri azei: ziyo' houg: su" anghoid lang" gi - nya: mang: nya: nhung" yi ri ajheddab bang: gi Mangsoo da" nya: zoo: yi anghoid.