MATHE 24:35 - Lacid Common Language Bible

³⁵ Mougkhung yo" myidjang: led: loo" nghoid loug we' nga" Mungdang: gi aled: loo" wa.

MATHE 24:35 교차 참조

COUNG" NGHEI 102:26

Houg: bang: gi byoug shang loo" Nghoid loug we' nang gi dageung: jo Houg: bang: dangain" gi byimi joid yhang: ti" axoug" bue" lo" wigi byimi ri yhang: ti" nang hau: ziri thid pyam lho: bei: shoem: lo" byoug boem wa zi za: nghoid.

COUNG" NGHEI 119:89

Aseing we" re" da" mungdang: gi apyaid atoo: moo: dageung: teung jo. Hau: zigi mougkhung: tho' moo: apyaid atoo: dageung: teung jo.

COUNG" NGHEI 19:7

Aseing: da" tarha" gi joeb byeung" nyid yoomo yoem: vhoo" aseig ri lung: byid: nyid. Aseing: da" dangsoo" khoin" gi loem ge" nyid. Phajhi' abo mo, ri phajhi" byid: nyid.

COUNG" NGHEI 89:34

Nyang: yo' koid to" da" nga" dang: theing khoin" joem ri we' ngoo lhu: phyo' pyam wa zi anghoid. Nyang: moo: to" da" dangsoo" khoin" rilang" ngoo doem tau" yu wa zi anghoid.

DANG: ZHOEM 30:5

Mangsoo gi nyang: tid to" da" dangsoo" khoin" joem ri cang byeung" nyid. Nyang: wigi goin' coung: byid: baja" ga: sho: nyid mo, ri nyang: gi goo, yo' dakhyoo" ti" bui byid: nyid.

ESAIA 34:4

Bid- Lhammoo"- Kyi:- joem gi pheilhoug: bui" sho' gyoeb byug wa. Mougkhung: gi mougsoug" deing: lhoem" byug yhang: ti" byug loo" wa. Kyi: joem gi zabyid nei mo anghoid lang" lafoem gam mo afu' joem shu: gyo" lo" yhang: ti" shu: gyoo" lo" byug wa.

ESAIA 40:8

Nghoid bye:. Myo, gam gi yhau" lo lho: bain joem gi shoem lo" byug da:. Nghoid loug we' ngoonu" da" Mangso dang: gi apyaid atoo: moo geing teing nyid, da» ga: tid da:.

ESAIA 51:6

Mougkhung: khyoo: nghang yu" kaid ge'. Mougmyid khyoo: goeb yu" kaid ge'. Mougkhung: gi myikhoug" yhang: ti" bei: byug wa. Mougmyid gi byimi xoug" yhang: ti" yoem: lo" byug wa. Nya: byu dangain" gi yangkhung" joem yo' dakhyoo" ti" shid: lo" byug wa. Nghoid loug we' ngoo ci: lo da" khyoid yu zigi apyaid atoo: moo deing jo, wa. Nga" oungdoid zigi lo" thang moo nghoid wa.

ESAIA 54:10

Boem joem yo' bouggung joem gyoeb ri gyoeb loo" goo" wa. Nghoid loug we' nang ri jheddab da" nga" jheddab myid gi khanham we' athang wa. Nga" da" ngei pyo: yug yo da" dang: so" ri apyaid atoo: moo cang nyid wa» Aseing tid. Nang ri jheddab da" Aseing gi hougsu" tid da:.

ESAIA 55:11

Ngoo tid da" mungdang: we' houg yo' dayhang: ti" bui" wa. Hau: zigi ngoo soin' to" da" khyoo: ri koid wa shid re" ahe: pyam wa. Hau: zigi ngoo zei: nhang: to" da" ja: khang" moo" ri koid loo wa.

DANIELA 4:28

He: zi dangain" khokham Nebukhadneza moo gyeing" nyang: bue" loo bye:.

GYUNG: SOO" 23:19

Mangsoo gi se' mhau' da" byu yi yhang: ti" anghoid. Nyang: gi myid se' thid da" byu xangsu: ti" anghoid. Nyang: dangsoo" khoin" byid: to" zi cinghoid loug nyang: koid da:. Nyang: tid ziyo' dakhyo" bue" lo da:.

MATHE 5:18

Nanu" ri ngoo deung" deung tid ba- Mougkhung: yo' myidjang: abyo, loo" shi" ri hau: zi abui" bui" gi hau: toung: to" da" Tarha" mo dang: myhi' dakhoin" yo' dang: khyoo: dakhoin" we' yo" led loo" wa zi anghoid.

MARKU 13:31

Moug: khung: yo' myidjang: lid lo" byug nghoid loug we' nga" mungdang: gi khanham we' alid loo" wa.

LUKA 21:33

Mougkhung: yo" myidjang: lid lo" byug nghoid loug we' nga" mungdang: gi khanham we' alailoo" wa.

TITU 1:2

Hau: loem khau: khyoo: gi apyaid ato: kangso ri myid byu da" khyoo: moo ayang: qei" to" zi nghoid. Ase mhoug ase fain" da" mangsoo gi goonham gooco, mo nyang: apyaid ato: kangso' gi ngoonu" ri byid: wa shid re" dang: soo" khoin" byid: too" bye.

1PETERU 1:25

Nghoid loug we' Mangso da" mungdang: koem gi apyaid' atoo: moo geung: teung jo, - ga: wigi jhoem: mungdang: moo tid to"- hau" mungdang: gi nanu" kho" kyoo" bye: da" ngei bu: lu dang: gi, nghoid bye.

Pang Shug 20:11

Hau: thang: moo phyu: da" zhung: tang yo' hau: tho' moo zhoung: jo, su: ri ngoo myang- Nya: da" myo, shid' ti: mo wigi mougmyid yoosoo" yo' moug: khung: moug di gi bei: loo" khare" lho: hau: eig ja: gikhanham we' adoem myang loo.

Pang Shug 3:14

Ladoki phung da" mauglagyo: jhang khyoo: hidsu" ein: lhid" we' He: da" mungdang: gi Mangsoo phain" to" da" ziyoo dangain" da" apoem: ayang: geung: teung jo, ziyo' deing byeung" da" sagsi: phoo- Amen, ga: su: jang" mo mungdang: nghoid.

Pang Shug 6:14

Moug: khung: gi mougsoug" deing: ri deung: lhoem" lo" yhang: ti"- byug loo" khare" lho: - boem, lang yo" gugyoo: kang: joem dangain" gi nya: joyoo mo hei" loo" khare" zi shau" nyid.