MATHE 24:31 - Lacid Common Language Bible

³¹ Byu da" nya: zoo: gi laboo" zeing myeing: lo da" uri nya: da" moug: lagyoo: joem ri mougmyid myonhoo: myid: shoid khyoo nhang: kaid wigi Mougmyid dashoid mo zi dashoid khyoo thang sho' moo nyid da" Aseing khyen: too" mo, ri nyangnu" zeung: foem: nyid wa.

MATHE 24:31 교차 참조

COUNG" NGHEI 22:27

Byumyu" yi bain sho mo, gi Aseing ri boin: so" loo wa. Mougmyid gyab, goin" mo mo, gi re" jhang khyoo: doem tau" lo boem wa nghoid. Byukung: byuko' dangain" gi nyang: ri noku coung" pid lo boem wa nghoid.

COUNG" NGHEI 67:7

Mangsoo gi ngoonu" ri mainkaid byid: bye:- joyoo khyi khang" moo" moo: nyid da- mung" byu bain sho bang: gi nyang: ri phoug" tab ngi: byid: nyid goo" baja" o".

COUNG" NGHEI 81:3

Lhoo' xain" yo' lhoo, leung" nyid" ri pui" koid wa shid re" laboo" ri moid: kaid ge'.

THU' LO" MOUGSOUG" 19:16

Soem" nyid" ein: da" nab soin: ri mouggoem: goem:- moug lab' myeig- boem gung moo jhoemmoug" pung zeing thu re" wigi laboo" thui: zeing mhoid zi shoug" gyoo: bye:. Byumyu" yi dangain" gi zoem" khoug: moo dain wigi nain" nyid ago".

ESAIA 11:12

Aseing gi nyid byo: sain" jo, da" Israela yo' Yuda byumyu" yiri dalheing: doem zheing" yu nyid khyoo: ri byumyu" yiri ci: shug byid: wa shid re" aved asoo" dung khoin: ri tu: to' loo wa. Houg: lho: mougmyid myonhoo: myid: shoid goin" mo nyangnu" ri doem shu" tau" yu loo goo" wa.

ESAIA 13:5

Nyangnu" gi mougmyid athang: moo jo, da" mungdain: joem mo ju" re" nyid ago". Nya: nheig yo: zigi mungdain: goin" ri phyo' shoin' pyam wa shid re" Aseing ju" re" nyid da:.

ESAIA 27:13

Hau: bidnyid ju" lang" Asuri yo' Egutu mung" moo yhe: pyoung" shu" nyhid: too" shau" da" Israela byu dangain" ri doem khe: tau" yu wa laboo" ri moid loo goo” wa. Nyangnu" gi Aseing da" gyeung" shang: bouggung tho' mo jo, da" Yerusalem mo Aseing ri lo noku byid: loo goo" wa.

ESAIA 42:10

Aseing gi jilkhoin" seig yo' jikhoin" khoin" ge' mougmyid gyab goin" we' nyang: ri coung" nghei jikhoin" khoin" ge'. Panglai: ri gu: bang: nanu" we"- nyang: ri coung" ge'. Panglai: mo dei noem dangain" we"- nyang: ri coung" ge'. Ve: da" mungdain: joem yo houg moo nyid bang: dangain" we"- jikhoin" khoin" ge'.

ESAIA 43:6

Ngoo gi mougzhung: we"- houg: bang: ri nhang: kaid byid: we'. Mougpyi: we"- houg: bang: ri atoem' too" ein: tid wa. Nga" byu yiri ve: da" mungdain joem mo mougmyid khyi khang" moo" mo thu loo nhang: wa.

ESAIA 45:22

«Mougmyid tho' mo byu yi we"- akhid" nga" jhang" lheing: lo wigi khyoid yu khyoo: ri kham: yu ge'. Ngoo dayug za: Mangsoo nghoid.

ESAIA 49:18

Lheing khoem khyoo: lheing: yu" kaid we'. Houg: lang" bue" nyid ziri myang wa. Re" byu yigi zeing: foem: nyid boem ago". Nyangnu" yhoem: khyoo: lo nyid ago". Ngoo gi dei nyid da" Mangsoo nghoid ziyo' dakhyoo" ti" Myhi' seig gi nya: phoug" dab da" sheing: zi ri langi: koid yhang: ti" nang gi re" byu yi yoomo langi: koid loo wa.

ESAIA 60:4

Re" ayam aqei: khyoo: yu" lho: cibue" nyid ziri yu" we'. Re" byumyu" yigi yhoem: khyoo: loo wa shid re" zeing: foem: nyid ago". Re" yuggi zoo: yigi vi: mo ju" loo ri" wa. Re" myiyi: zoo: yigi zooshang: ri yhang: ti" bau: lo zi shau" goo" wa.

DANIELA 7:2

hau: myen ngoo shau" myang ziri lhid" xoem" to" zi nghoid da:. Shoid khang" moo" khyo" lid hau' hau' lo lho: Nammugdara: dang moo hau' khyoid lid lo" da:.

ZEKHARIA 14:5

Nanu" koem gi boem eig gang gyam: lo" da" lang: khoug: khyo" wigi phang: thu loo" goo" wa nghoid. Yuda khokham" Uzia pyaid moo myid leig leig da" uri nanu" phoug" phyid" yi phang: lid lo" yhang: ti" nanu" shau" phang: loid loo" goo" wa. Hau: uri Aseing nga" Mangsoo gi nya: moug: lagyoo: yi yo' dage" ju" loowa nghoid.

ZEKHARIA 2:6

Aseing gi nya: mung" byu yiri hid su" tid-«Ngoo gi nanu" ri mougmyid myonhoo: shoid khang" moo" khyoo:- byo sain" loo" nhang: bye:. Nghoid loug we' akhid" pyoung" she: lo" zi shoug" mo, nanu" gi Babelon mo wigi Yerusalem khyoo: doem tau" loo" loo we'.

ZEKHARIA 6:5

«He: zigi mougmyid gyab goin" da" Aseing shidkhoin" mo thu lo" da" lid myid: loem: nghoid» ga: tid.

ZEKHARIA 9:10

Aseing gi hidsu" ga: tid «Ngoo gi Israela yi da" gyimyang: rheing" ri yu pyam' byid: wa nghoid. Yerusalem mo gyi zain: myang: joem ri we' shoem" pyam' byid: wa. Gyipui" moo ci: da" lo, lid: joem ri we' khyau" pyam' byid: wa nghoid. Nyangnu" da" khokham ri ngoo gi byumyu" yi veing" go" da" lu dang: ri tid fu" loo" nhang: wa. Nyang: gi panglai: dathoem" mo zi thei: dathoem" khyoo: ju" sho' Uphrad gyid lang mo wigi mougmyid thang sho' moo vhoeb wa nghoid» ga: tid.

ZEKHARIA 9:14

Hau: uri Aseing gi nya: byumyu" tho' moo thu shug wa zi nghoid. Nya: myoo: kaid joem gi lhab' myheug yhang: ti" thu loo" khari" wa Aseing Mangsoo gi laboo" moid kaid wigi mougpyi: uglid zoo" yo' dage" gyi jen" jen" do, to' loo wa zi nghoid.

MATHE 13:41

Byu da" nya: zoo: gi nya: moug: lagyoo: yi ri nhang: kaid lho: byu yi ri shoid vhang: nhang: mo, yo"- atarha" da" moo" zei: mo, bain, sho ri Nya: mougkhoung: Mungdain: mo khyen: thu' yu lho: wigi

MATHE 24:22

Nghoidloug we' Mangsoo: gi hau: ayo, bidnyid ri ashoung" kaid nghoid rigi xangsu: byu yi hang" kangso' we yo" loid wa zi anghoid. Nghoidloug we' Mangsoo gi nyang: khyen: yu too" mo, shid re" hau: ayo, bidnyid ri shoung" kaid byid: wa nghoid.

MATHE 24:24

Khasu" wim gari mhau' da" Meshia yo" mhau' da" Lapi: po" thu' lo lho: ge bue" rigi Mangsoo khyen: yu too" bye: mo, ri lang" khyoo yo" shu" vhang: sho'- alhoo: again mau" pho" moozoo" zeing yo"- zei: shug lo boem wa zi nghoid.

MATHE 24:32

«Lafoem gam mo he: akhyoo" daja: ri jhau" yu ge'. Hau: seig gam mo akung: ako'' nu" lo lho: afu' toid loo lang" gi zain vang khoem" ju" loo bye: ziri nanu" se' ago".

MATHE 25:31

«Byu nya: zoo: gi khokham" khyo" - Mouglagyoo: dangain" yo" dage" ju" gyoo" lo da" uri Nya: da" khokham" zhung: tang tho' moo zhoung: jo, wa nghoid.

MATHE 28:18

Aseing Yesu gi cangzoo: yi jang" moo tain re" lho: mougkhung: tho' yo' myidjang: dang moo jo, da" amyeing" a: na: dangain" gi ngoori byid: too" bye.

MARKU 13:27

Byu nya: zoo: gi mau: lagyoo: joem we' moug: thang myid thang mougmyid myid khyoug: goin" khyo" nhang: kaid wigi nyang: khyen: yu too" bye: mo, ri cang zheung" yu re" boem wa.

LUKA 24:47

Nya: myeing khyang" ri loem" jeing" lho: yooboo ri khyoid pyam byid: khyoo: yo" yu nheigloem: thid lo da" khyoo: ri Yerusalem voo mo ayang: qei" lho: byumyu" bain sho' ri kho" kyo" loo" ge'.

YOHAN 11:52

He: zigi nyangnu" shid' re" za anghoid byo sain" nyid da" Mangso byumyu" yi bain sho' ri dadeing: daloem: za: bue" loo wa shid' re" we' nghoid nyid.

Roma 10:18

Hougsu" nghoid loug byu yi gi - hau da" mungdang: shaug" gyoo: wa akhang" ajo la" ein: ngoo myid nau. Byu yi gi shaug" gyoo: wa da" akhang" gyeing" gyeing" yo" boem. Jhoem: mungdang: moo Mungdang: tarha" ri kho" khyoo" su: da" thui: gi - mougmyid, dagyab goin" moo fu" nheing" loo" bye. Nyanu" da" tarha" dang: yi gi moug myid ayam loem: kheing goem: sho' ngam' loo" bye.- ga: tid zi yo" dakhyoo" nyang: nghoid bye.

1Korinthians 15:52

Nghoid loug we'- lo" thang da" laboo" myeung lo da" uri- nyeigdain tung" myo, damyeig mo:- nyhang" dangain" bang: yo, zoo: ti" yoem" khyoid' loo" khari" wa nghoid. Khasu" wim gari- hau: laboo" zeing moid' kaid da" uri- shid: byug bye: bang: ri khanham we' ashid: loo: wa shid re"- doem dei tu: to' kaid wa ziyo'- nyhang" dangain" mo, gi yo, zoo: ti" yoem" khyoid' loo" khari" boem wa nghoid.

Ephesu 1:10

Ayo, bidnyid byeung" loo lang" gi Mangso wigi joeb byeung" loo nhang: wa da" hau: soin nyheung lo" da" khyoo: gi moug: khung: moug: di mo we' myid' jang: tho' moo we' phain" too" moo too" dangain" ri Khristu moo dadeing: daloem: za: bui" wa khyoo: nghoid.

TARHA" TID POIN" 30:4

Nanu" gi moug: gyab mo ve: thang da" ajhoin: khyoo: khaid sain" pyam zi shoug" sho' nghoid loug we' nanu" Aseing Mangsoo gi nanu" ri doem khe: zheing" yu lho: doem shu" tau" yu wa zi nghoid.

TARHA" TID POIN" 4:32

«Nanu" akhu: shi" lid lo da" ayo, mougmyid dang moo Mangsoo byu ri phain" so: ayo, dangain" ri joeb ca: yu" we'. Mougmyid gyab goin" ziri joeb ca: yu" ge'. Hid: yhi' gyi: sheung: da" moo"- shid phyang" bui" yu" bye: go" rhe". Hid: yo' du ziri hang" gyo: yu" bye: go" lha".

1THESALONI 4:16

Hau" Aseung: da" yoid nyho: amyeing" thui: yo' mauglagyo: agyi da" thui:- Mangso laboo" thui: zeing yo' Aseing: nyang: moug: khung: moug: di mo gyoo" loo wa zi nghoid- Khristu riloem" jeung" lho: shid: loo" bang: gi xang: shed" moodei to'' lo boem wa zi nghoid.

2 THESALONI 2:1

Nga" mang nhung" yi we"- yha" Aseing Yesu Khristu doem ju" ri" wa khyoo: yo'=Aseing: yo' dage" zoeb, foem: wa khyoo: yo' sen: wigi nanu" ri ngoo mho' kaid' nau zigi

HEBRE 12:19

Laboo" myeung ziyo' thui: zeing myeung lo da" Sina, boem moo nanu" ju" lo" yu" boem zi anghoid. Na nu" gi hau: soin: yoid, thui: shau" gyo: uri gootu: dang: dakhoin" we' ashaug" gyoo: loo: baja" ga- mho' tung" pain: boem.

Pang Shug 1:20

Hid: nang myang da" nga" lo, yo lo, moo kyi: nyhed cab, yo' zhoung: to" da" sheing: myibung: nyhed loem: da" zau" to" dangkang: gi hid: su" nghoid. Hau: sheing: myibung: nyhed loem: we' phung nyhed loem nghoid.

Pang Shug 11:15

Hau: thang: ri nyhed, yug ein: da" moug: lagyoo: gi nya: laboo" ri doem moid kaid' lang" moug: khung: mo thui: zeing myeung thu lo zigi mougmyid' ri vhoeb, khang" da" amyeing" gi ngoonu" da"Aseing: we' Meshia da" lo, khoug: khyoo: vang loo" bye: wigi apyaid' atoo: moo vhoeb khang" nyid wam: bye: o"- ga: tid.

Pang Shug 7:1

Hau: thang: ri moug: lagyoo: myid: yug gi mougmyid' ajhoin: myid: shoid moo yab, jo, lho: nyangnu" gi tung: goung myidjang: tho' moo yo' Panglai gyid thoem" tho' moo we' seig gam dangain" tho' moo we' lid' ayo" hau, loo wa shid re" myid: shoid goin" mo lid' ri zei: zeung ci: boem, ziri ngoo myang.

Pang Shug 8:2

Hau: thang: ri Mangsoo da" shid khoin" moo yab, jo da" moug: lagyoo: nyhed yug ri ngoo myang- nyangnu" rilaboo" nyhed loem: zheung: byid: to.