MATHE 24:29 - Lacid Common Language Bible

²⁹ «Houg: te" da" gyoug dain' jam joug khyoo: bain thoug" shau" da" hau: nyid" ri Bid gi moug: coid bue" loo" khari" wa. Lham" moo" we bang loo: wa zi anghoid. Kyi" joem gi mougtho' mo byid gyoo" lo boem wa. Mougkhung: moo jo, da" yoem: so' dangain" we' nyangnu" da" khyoo" mo nain" yu: phang: lo" boem wa.

MATHE 24:29 교차 참조

PHAJHI" DANG: 12:2

Hau: bidnyid moo re" shid re" bid kyi: lhammoo" joem da" bidbang gi shoem: lo" lho: moug: gyid bo da" jhoemmoug" pung gi khanham we' ayu: lo" byug wa da" bidnyid ju" loo wa.

ESAIA 13:10

Kyi: cab khang" moo" yo' kyi: phung khang" moo" bang zi theing: pyam boem goo" wa. Bid thu ri" loug moug: coid loo" khari" wa. Lhammoo" gi bang loo: wa zi anghoid.

ESAIA 24:23

Lhammoo" no, loo" khari" wa. Bid azhoo: loo: wa. Ciwim gari myhang: thang Aseing gi khokham bue" loo wa. Nyang: gi Yerusalem ri Ziun boem mo vhoebkhang" wa. Byumyu yi da" vhujhung: yigi nya: da" phung" yoeb ri myang loo goo" wa.

ESAIA 34:4

Bid- Lhammoo"- Kyi:- joem gi pheilhoug: bui" sho' gyoeb byug wa. Mougkhung: gi mougsoug" deing: lhoem" byug yhang: ti" byug loo" wa. Kyi: joem gi zabyid nei mo anghoid lang" lafoem gam mo afu' joem shu: gyo" lo" yhang: ti" shu: gyoo" lo" byug wa.

YOELA 2:10

Nyangnu" jhen" yhe: lo" ri myid leig leug lo lho: mougkhung: we' nain" nyid bid yo' lhammoo" we' coid shoem: lo" wigi kyi: joem we' ayo" bang boem loo.

YOELA 3:15

Bid yo' lhammoo" gi moug: coid teing no, lo" byug lho: kyi: joem gi ayo" doug bang jo, loo.

AMO 5:20

Aseing da" bidnyid moo gi bidbang ajo, moug: coid teing: no, to" bidnyid za: nghoid. Ce: noem wigi thoin" pang zi we' ajo, loo: teing: za: jha" no, to" da" bidnyid bue" loo wa.

AMO 8:9

Ngoo gi bid nyid" gung tu: lo da" uri bid ri vang loo" nhang: lho: myidjang gi nyid" ayo, moo moug: coid lo da" ayo, ju" bye:. Yoem: moo" bo Aseing ngoo tid nyid bye:.

MATHE 24:21

Khasu" wim gari hau: da" bidnyid moo gye" gyi: da" sho" jhen yau: khe" da" bidnyid ju" loo wa. Houg: yhi' gyeing" da" koug shu: yau khe" da" bidnyid gi Moug thu' xang: poin: mo he: gu: moo byu xangsu: yi khanham we' athoung" shau" yu shi" da" jam joug nghoid. Thang: phyang" khanham we' shau" yu" lo: boem wa anghoid.

MATHE 24:8

He: da" khyoo: dangain" gi Zoo: khu: wa su:- bidnyid ju" wigi no shid" re" ziyo' dadu nyid.

2PETRU 3:10

Hau: Aseing: da: bidnyid koem gi-khoug" su: re" yhang: ti: ju" ri wa zi nghoid. Hau: bidnyid moo moug: khung: mougdi gi-gye" gyi: myeung da" thui: zeung yo' bei: loo" byug wa zi nghoid. Moug: khung: mo bidbang gung; joem we' myi: nge" kyu" gyo" pyam' boem wa zi nghoid. Moug: myed yoosoo" yo' jo, moo jo, joem we' bei: lo" byug khare" boem wa zi nghoid.

Pang Shug 8:12

Myid: yug ein: wa da" moug: lagyoo: laboo" moid kaid lang" bid soem" boem mo daboem,- lham" moo' soem" boem mo daboem- kyi: joem yo' bo" bang yi we' soem" boem mo daboem- moug: coid bue" lo" byug yoomo nyid" soem" boem mo daboem yo' myen" soem" boem mo daboem- boo" bang ayoo" loo.