MATHE 24:27 - Lacid Common Language Bible

²⁷ Bid thu' shoid mo bidvang shoid ju" sho'- mougkhung: ri we dangain" bang yi loo" nhang: da:- lhab' myeig lo" yhangti"- byu da" nya: zoo: doem gyoo" lo ri we' houg: su" wim loo" wa zi nghoid.

MATHE 24:27 교차 참조

YOBA 37:3

Nyang: gi mougkhung: dashoid athang: mo zi dashoid athang: ju" sho' mougkhung: khyo" moug: lhab' myeig nhang: da:.

YOBA 38:35

Houg: lho: nang gi moug: lhab' ri myeig nhang: wa shid re" amyeing" byid: kaid ri hau: zigi re" jhang re" wigi «Nang aseing ri dei byid: wa» ga: tid wa rhe".

ESAIA 30:30

Aseing gi yugkhang" moo" ri nya: phung" bo dang: ri shau" gyo: nhang: lho: nyang: nheig joem: yo: da" yoem: ri kham zoo: nhang: loo wa. Hau: zigi myiyham:- dalheing: dam vo da" moug:- leig voo khyo'- moug: moo" vo loo wa.

EZEKIEL 1:14

Dei noem joem nyangnu" nyang: we' thang: khyoo: shid khyoo: myijhen" yo' thu jhu" yen" da:.

ZEKHARIA 9:14

Hau: uri Aseing gi nya: byumyu" tho' moo thu shug wa zi nghoid. Nya: myoo: kaid joem gi lhab' myheug yhang: ti" thu loo" khari" wa Aseing Mangsoo gi laboo" moid kaid wigi mougpyi: uglid zoo" yo' dage" gyi jen" jen" do, to' loo wa zi nghoid.

MALAKHI 3:2

Nghoid loug we' nyang: ju" lo da" hau" bidnyid moo gi kha: yug yo" theung yab jo, wa lha". Nyang: thu myang lo ri hang" yo" se' dei nyid loo: wa lha". Nyang: gi thain: da" sapya: yhang: ti"- to' ri: kyeing sain da" myi: yhang: ti" nghoid nyid da:.

MALAKHI 4:5

Nghoid loug we' gyi: myhang: lho: gyoug pho" da" ngoo Aseing ju" ri" wa da" bidnyid aju" loo shi" uri lapi: phoo Elia ri nanu" jhang khyoo: ngoo nhang: kaid wa zi nghoid.

MATHE 16:27

Byu da" nya: zoo: gi Nya: pho, da" myonhoo: phung yoeb bang ri void' ci: lho: Mouglagyoo: yi yo" dage" gyoo" loo wa. Hau: da" bidnyid ri mougmyid byu yi dayug yo" dayug ri nyang: nyang: koid: da" moozoo" yo' dakhyoo" ti" doem tau" byid: wa zi nghoid.

MATHE 16:28

Ngoo nanu" ri deung" deung" tid ba,- he: joyoo moo nyid mo, dayham" gi Byu nya: zoo: ri khokham" khyo" nyang gyoo" lo zi amyang shi" rigi ashid: goo" wa» ga: tid.

MATHE 24:26

«Houg: yoomo gyeing" nyang: nyangnu" gi ‹Yu" ge' Meshia gi dain" pyoid yoo moo re" nyid› ga: tid boem nghoid ri nanu" athu' yhi: goo. He joyoo moo gau" nyid bye: ga tid nghoid loug we' hau: dang: ri agyo: loem" goo.

MATHE 24:3

Yesu gi zhainlun boem tho' moo zhoung: jo, da" uri cangzoo: yi gi nya: jang" moo nyangnu" kyeing" re" lho: nyangnu" myid: da" zigi «Hau: khyoo: gi kha: yo, kha u" moo bue" loo wa lha". Aseing doem gyoo" loo wa da" bidnyid yo' he: da" thang lo" da" jang" moo ce: ja: alhoo: again myang thu' loo wa lha". ngoonu" ri tid kyoo" we'» ga: zheung: myid: boem.

MATHE 24:37

Noa da" bidnyid moo bue" lo ziyo' dakhyoo ti"- Byu da" nya: zoo: bidnyid moo we bue" loo wa.

MATHE 24:39

Nyangnu" gi ti gyid shi, jang" moo myu: shid: doem lo" da" bidnyid ju" sho' asi aboin: loo: nyid boem ago". Byu da" nya: zoo: doem gyoo" loo wa da" bidnyid moo we' houg: yo' dakhyoo" ti"- bue" loo wa zi nghoid.

MATHE 24:44

Byu da" nya: zoo: gi nanu" amyid to" da" ayo, akhyeing: moo ju" ri" wa nghoid yoomo nanu" khanham we' jen" jen" koid nyid ge'.

MATHE 8:20

Yesu gi «zeigni joem gi khyung: yo" ago"- moug moo dang: yen" da" ngho' zoo: joem we' soid jo: ago" hau: byu nya: zoo: koem gi vhuloem too" jang: we' ajo,» ga: nyang: ri tid.

YAKU 5:8

Nanu" we" zeing: shang" lho: nheig byu lang" nyid ge' Aseing Yesu doem gyoo" loo wa da" ayo, gi jhang loo bye: yoomo nanu" geing: geing: teing teing dalang" nyid ge'.

2PETRU 3:4

Ngoonu" da" phoug" pho, gi shid: lid lo" boem bye. Nghoid loug we' dangain" gi moug: myed ri phain" da" bidnyid mo dakhyoo" ti" da nghoid nyid shi" nhung: lha"» ga: wigi myed: lo boem wa nghoid.