MATHE 23:23 - Lacid Common Language Bible

²³ «Ayid void to" da" Tarha" sara: yi yo" Pharishe yi we"- Nanu" gi joem: lo" abye: go". Nanu" gi sheing: nham"- pagyoem, rin" soi: shi" mo daxi: boem mo daboem da" alu: ri byid: nghoid loug we' hau: tarha" moo bo da" je yhoug gyen: da" tarha" nyeung veung" jheddab da" khyoo:- nheig khyeig da" khyoo: yo"- deungmain" da" khyoo: rigi nanu" lid too" kho, ago". He: gu: ri we' cang pyeing" nyid ri ge'.

MATHE 23:23 교차 참조

DANG: ZHOEM 21:3

Deingmain" ziyo' nyeung veung" khyoo: ri koid we' hau: zigi Aseing ri ngei" byid: wa xoin" du: ci: yhe: tho' re" vho: ngei nheig shed: khyoo: nghoid nyid.

ESAIA 28:25

Nyangnu" nyang: gi myidgung ri phug ziyo' dage" pajhi" yo' sheingnham" yhang: te" nghang" pho myau: shi" joem ri nyang: lhung sain" da:. Nyang: gi sungsoo: yo' Yoono, ri ajen jen koid wigi sain" da:. Yoothung" gyoem: moo myau: shi" gootu: ri nyang: sain" da:.

YEREMIA 22:3

Hau: zigi «Ngoo Aseing gi deingmain" ziyo' jo ziri koid wa shid re" nanu" ri amyeing" byid:. Mhau' fain" zi shau" da" su ri nyang: ri mhau' fain" su: da" lo, mo goem loem byid: we'. Tungbau byu yi coug" zoo: yi cougmoo" yiri age zi akoid goo"- azeig zoo: goo"- he: gyeung" shang: joyoo moo ce: yooboo ayo" da" bang: ri asaid pyam go".

HOSEA 6:6

Ngoo gi nanu" da abei abyo, da" jheddab myid ri vho da:. Nanu" da" gougnyhoug xoin" ri avhoo:. Ngoo nga" byumyu" yi wigi ngoo ri nghe' ngei" xoin" to' byid: tho' nga" byumyu" yi wigi ngoo ri se boem wa zi je vho: da:.

XOIN" NGEI" 27:30

Shivoo: nghoid ri nghoid shi" nghoid ri nghoid mougmyid mo thu da" gu dangain" daxi boem mo daboem gi Aseing shid re" nghoid.

MIKHA 6:8

Anghoid- Aseing gi ngoonu" ri ge da" khyoo: ri toin" shed too" bye:. Nyang: ngoonu" mo vho: nyid zigi tarha" dain: khyo" zei: so' khyoo:- geung: teing jheddab khyoo: ri toin" shed wa ziyo' nheigloem: khyo' nyhoem: khyoo: Mangsoo yo' zoem" khau: wa khyoo: nghoid.

MATHE 12:7

‹Xoin" to' byid: zi anghoid- nheig khyeig da" khyoo: ri ngoo vho:› ga: da" jhoem: dang: ri nanu" se gyo: boem nghoid rigi ce: yooboo ayoo" mo, ri yooboo foin: boem wa zi anghoid.

MATHE 23:13

«Akug void da" tarha" sara: yi yo' Pharishe nanu" gi joem: loo" goo" wa. Subi" mougkhoung: mungdain: khyoo: vang loo" wa ga: soin' lo" da" uri nanu" gi khoem" myhid" byid: ago". Nanu" nyang: we' avang lo" boem. Vang loo" wa ga: yoem: kaid nyid mo, ri we' vang loo" wa da" akhang" abyid: boem zigi nanu" shid re" khayhi gyoug phyoo" nghoid.

MATHE 9:13

«Houg: su" wigi xoin" ngei" byid: da" khyoo: anghoid- nheig khyeig khyoo: ri ngoo vho: nyid ga: da" dang: ri se' loo" goo" baja"- re" jhau" yu ge'. Khasu" wim gari deung byeung" mo, ri khi: wa zi anghoid. Yooboo yoo" mo, ri khi: wa ein: ngoo dare"» ga: tid.

LUKA 11:42

Pharishe yi nanu" gi joem: loo" goo" wa. Nanu" gi nghang" pho, nyoug yu: fu- shabain sheing: nham: mo ju sho' to xi: boem mo daboem da" alu: kaid boem nghoid loug we' myonhoo: khyen: ziyo'- Mangsoo ri jheddab deung main" khyoo: aboo. Nanu" gi daxi: boem mo daboem da" alu: kaid zi za: anghoid. Myo, nhoo: akhyen: ziyo'- Mangsoo ri loem: khau gyoug phau" khyoo: we' bo koid: tho.

LUKA 18:12

Ngoo gi labain daloem: khoug: moo-zoo: noem eig lheing: nyang: zeung: akyu" mho'- Hau: lho: yo" da" ziyoo daxi: boem mo daboem we ngoo nang ri byed.

1 SAMUELA 15:22

Samuela gi «Aseing gi ce: noem ri vho: nyid lha". Jidang: gyo: ziri lha". Anghoid lang" xoin" ngei" ziyo' xoin" joem ri lha". Nyang: ri ge thang da" yang xoin" ngei" tho' mo nya: jidang: gyo: zigi je ge nyid zi nghoid.