MATHE 23:13 - Lacid Common Language Bible

¹³ «Akug void da" tarha" sara: yi yo' Pharishe nanu" gi joem: loo" goo" wa. Subi" mougkhoung: mungdain: khyoo: vang loo" wa ga: soin' lo" da" uri nanu" gi khoem" myhid" byid: ago". Nanu" nyang: we' avang lo" boem. Vang loo" wa ga: yoem: kaid nyid mo, ri we' vang loo" wa da" akhang" abyid: boem zigi nanu" shid re" khayhi gyoug phyoo" nghoid.

MATHE 23:13 교차 참조

ESAIA 33:14

Ziun moo nyid boem da" yooboo yoo" bang: gi gyoug wigi ko' ko' nain" nyid ago". Nyangnu" gi «Mangso da" dang: phyed khyoo: gi apyaid atoo: moo nge" nyid da" myi: yo' du da:. Houg yhang: te" da" myi: mo ngoonu" hang" dayug yo" nyid deing wa la"» ga: tid ago".

ZEKHARIA 11:17

Hau: akhyeing" da" yang zung" su: gi byo, yoin" loo" wa. Nyang: gi nya: yang phung: ri she: pyam' abye:. Gyipui" gi nya: yoem: so' ri bain sho' phyo' shoin' pyam' wa. Nya: lo, yoem: gi shid: kyung: loo" wa. Nya: lo, yo shoid myo, jed" gi jed loo" wa nghoid.

MATHE 23:16

«Khyoo: shid da" myo, jed mo, we"- nanu" gi joem: lo" abye: go. Hang" nghoid loug we' Noku yhoem: moo" myeing ri lang: lho: nheung" rigi ci: aca" ga: myid boem nghoid loug we' hau: zigti nanu" shid' re' yhoem: mo da" sheing: ri nheung" su gi hau: nheing" khoin" ri cang pyeing ca" ga: jhau" boem rigi nanu" shid re" khayhi' gyoug: hoo" nghoid.

MATHE 23:23

«Ayid void to" da" Tarha" sara: yi yo" Pharishe yi we"- Nanu" gi joem: lo" abye: go". Nanu" gi sheing: nham"- pagyoem, rin" soi: shi" mo daxi: boem mo daboem da" alu: ri byid: nghoid loug we' hau: tarha" moo bo da" je yhoug gyen: da" tarha" nyeung veung" jheddab da" khyoo:- nheig khyeig da" khyoo: yo"- deungmain" da" khyoo: rigi nanu" lid too" kho, ago". He: gu: ri we' cang pyeing" nyid ri ge'.

MATHE 23:25

«Akug void tarha" sara: yi yo" Pharishe yi we"- nanu" gi joem: lo" abye: go. Nanu" gi khu, bain ri atho' moo za: te: cid" lho: nghoid loug we' nheigloem: ung: khoug: moo gi myo, no, vhoo: bo- akhyeing" ashoeb- khoug" zo: mhoug zo: da" ziyo' byeung" jozi gi nanu" shid' re" khayhi' gyoug phoo" nghoid.

MATHE 23:27

«Akug void Tarha" sara: yi yo" Pharishe yi we"- Nanu" gi shoo" fid" joid to" da" loeb yo" du nyid. Hau: da" loeb gi adang shoid' moo young" jo, nghoid loug we' akhoug: moo gi byu shid: shoo" youg: yo" mang boeb byeung" bo jo zigi nanu" shid' re" khayhi' gyoug phoo" nghoid.

MATHE 23:29

«Akug void da" tarha" sara: yi yo" pharishe yi we"- nanu" gi joem: lo" abye: go. Nanu" gi lapi: yi da" loeb' ri koid: lho: deung byeung" mo da" loeb' ri we' shoung: yhung byid: boem da zigi nanu" shid re khayhi' gyoug phoo" nghoid.

MATHE 3:7

Akhid" Pharishe" yo' Saduke myoo" sho' mo, baptisma kham: yu wa ga: ju" re" boem zi Yohan lhoem: myang lang" nyang: bang: ri Yohan tid zigi «Akhyeing" da" myuno, Byumyu" yi we"- Mangso dang: khoo' da" zi thung" shau" zoo: wa da" yooboo shed: gyoin noo gyoin mo yo" phang: thu' loo" goo" baja" ga: nanu" ri hang" tid poin" go" lha".

LUKA 11:52

Tarha" sara: yi nanu" gi joem: loo" goo" wa. Nanu" gi se' da" nyan: phajhi" yhoem: mo, khoem" soo" zo, ri yhoem" to" lho: wigi nanu" nyang: we' avang lho. Vang loo" noug mo, ri we' toem to" boem ago" ga: tid.

YOHAN 9:22

Hid: su" ga: phoid: kyo" zigi Yuda zoug: myeing" ci: mo, ri gyoug yoomo nghoid. Aseing: ri Meshia nghoid ga: loem" jeing" mo, bain sho' ri Tarha" jung: mo khaid thu' wa ga: Yuda zoug: yi sham: phyid' go" too" bye.

YOHAN 9:24

Pharishe yi gi myo, amyang wim led: lo yu" su: ri eig lheing: ga: lheing: doem khe: lho: Mangso da" shid' khoin" moo nghoid main" da" dang: ri tid we' jham' tang: we' nang ri myo, myang loo nhang: su: gi yooboo dab, su nghoid zi ngoonu" se' bye: ga: doem tid boem.

YOHAN 9:34

Houg: bang: gi nang gi ung: khoug: mo, yooboo yo" gyi: sheung: loo su: nghoid lho: wigi ngoonu" ri dajhoug" byid: nyid shi" la"» ga: tid boem lho: tarha" jung mo khaid thu' kaid.

ACTS 13:8

Nghoid loug we' Grid" myeing" khyo" - Eluma ga: da" goem, phain" phoo gi Yesu khyoo: ri mung" zoug: phoo alhoem: vhoo: wa shid re" Barnaba yo' sholu eig yug ri lhoem: ngeug toem, pyam.

ACTS 5:28

Nyang: gi hau: youg myeing ri lang: lho-ci" we' ajhoug" byed: wa shid re" nanu" ri ngoonu" gi jhug jhug nyang: amyeing" byid: too" bye- nghoid loug we' yu" ge'- nanu" gi Yerusalem davoo goin" jang" moo nanu" da" jhau" mho' khyoo: za: byeung" shoin: loo" sho' koid to" abye: go- houg: yoomo nanu" gi nyang: shid: da" xang: gyoug: ri ngoonu" da" atho' moo foin: nau boem ago- ga: lagyoo: yi ri tid.

ACTS 5:40

Nyang: nu" gi lagyoo: ri khe: fang yu lho: nyangnu" ri baid' lho: wigi Yesu da" myeing ri lang: lho: khanham we' akho" kyoo" loo: goo" ga: nyangnu" ri amyeing" byid: kaid' ago". Hau: thang: rigi nyangnu" gi lagyoo: yi ri nhang: kaid' abye: da.

ACTS 8:1

Sholu gi stephain ri said' wa zi myid bo veing" su: nghoid. Hau: bidnyid moo Yerusalem voomoo" moo nyid da- loem" jeung" phung byu yi gi dayam, dayoo: shen" yhen zi gyisho' shau" nyid boem bye. Lagyoo: yi mo we' je" wigi loem" jeing" mo, dangain" gi Yuda mung" yo' Samari mung" gyoo: khyoo: goem: sho' phang: byo, sain" lo" boem abye: go.

2 TIMOTHI 3:8

Akhui" yanne" yo' Yanbre eig yug gi Moshe ri thoutheung ngeug pyam' ziyo' dakhyoo" ti"- he: byu joem we' hau: deingmain" khyoo: ri thoutheung ngeug pyam nyid boem ago". Hau" byu joem gi nyangnu" ase' myid soin: yu" boem, loo: yoomo loem" jeung" khyoo: moo byo, yoin" soem" joem: lo" boem, ago".

2 TIMOTHI 4:15

Nanyang: hau: yug ri lhed' lho: jang" pyam' nyid we' Khasu" wim ga: ri hau: yug gi ngoonu" kho" kyo" da" mungdang: ri gye" tu: lhoin" thoutheung nyid su: nghoid.