MATHE 21:44 - Lacid Common Language Bible

⁴⁴ Hau: lugloem: tho' moo gyo" baid mo, gi gyau: moin" loo" goo" wa hang" da" tho' moo" we hau: lugloem: shau" gyo" baid su: gi mhoin' kaid wa» ga: wigi tid.

MATHE 21:44 교차 참조

COUNG" NGHEI 2:12

Gyoug nain" ziyo' nyang: ri goeb pid nyid ge'. Hougsu" akoid zigi nya: nheigloem: nge" loung ziyo' myab" myab, to' lo" wigi nanu" gi nyeigdain tung" shed: lo' boem wa zi nghoid. Zung" lhoug byid: wa shid re" nya: jhang ju" yhi: bang: gi ngilhoo' wa nghoid.

COUNG" NGHEI 2:9

Nang gi nyangnu" ri jo, to' lhamdung: yo' baid sain" kaid wigi nang nyangnu" ri myidzhoo" yam: daloem: ri yhang: ti" ajab, amoin' bue" loo" sho' youg khyoeb sain" pyam wa nghoid.»

ESAIA 28:13

Houg: yoomo Aseing gi lhid" cab dacab bain dacab dajen bain dajen- akhyoo" daloem bain daloem: nanu" ri jhau" byid: loo wa. Hau: thang: nanu" gi khyid: byi ci" khang" moo" khyid: vhu" thoung" loo goo" wa. Nanu" gi dam dab goo" wa lhid' moo myi" goo" wa thung: tei" lhung zi shoug" kham zoo: goo" wa.

ESAIA 60:12

Nghoid loug we' nang ri adei byid: da" byumyu" yigi Bain sho' phyo' shoin' pyam' zi shau" loo goo" wa.

ZEKHARIA 12:3

Hau: da" bidnyid ju" lo ri ngoo gi Yerusalem ri gye" lid: da" lugzeing su" bui" loo" nhang: wa. Hau: voomoo" vu, wa ga: yoem: kaid mo, kha: mungdain: bang: we' dam dab boem wa nghoid. Moug: gyab mo mungdain: dangain" gi hau: myo, ri gyi zain: wa ga: zeung: foem: lo boem wa nghoid.

MATHE 21:43

Yesu doem tid «houg: su" nghoid yoomo nanu" ri ngoo gi athang agoin da" Mangso Mungdain: ri nanu" jang" mo yu pyam lho: hau: mungdain yo" moin: yi" da" ashi" yo zei: byid: wa da" Byumyu" yi da" lo, moo byid: pyam wa nghoid.

MATHE 21:45

Yesu da" dangtu' joem ri Khainjung moo" yo" Pharishe yi shau" gyoo: lang" Yesu gi nyangnu" ri yeing lho: tid zhug nyid ziri se gyo: boem ago".

MATHE 26:24

Jhoem: mungdang: moo nya: khyoo: ri tid to" ziyo' dakhyoo" ti"- shid: wa zi nghoid. Nghoid loug we' Byu nya: Zoo: ri ab pyam su: shid' re" khayhi' gyoug. Yuggi he: yug ri akhu: kaid nghoid rigi nya: shid re" je gi wa zi nghoid, ga: tid.

MATHE 27:25

Meing: byu dangain" mo, gi «He: yug shid: lo' da" yooboo gi ngoonu" yo" ngoonu" da" myed: yam: zoo: xeig ju" sho' ngoonu" nyang: voin wa" ga: yhen yu ago".

LUKA 2:34

Simun gi nyangnu" ri mainkaid byid: lho: Israela byumyu" moo byo, yoin" joem: thang loo" mo, yo' khyoid yu shau" mo, po" thu' loo wa shid' re" He: zoonu" ri Mangsoo khyen: nyheing too" bye. Nyang: gi Mangso da" thang" cab alhoo: nghoid wigi nyang: ri byu myoo" sho' mo, ngeig se: yooboo foin: khyo" nyangnu" nya: da" nheigloem: mo myid khyoo: ri thoid shug goo" wa.

LUKA 20:18

Hau: lugloem: tho' moo gyoo" loo" su: gi adu du gyau: loo" wa. Hau: lugloem: wi doem gyo" baid su: gi mhoin' mhoin' moin" loo" wa ga: tid.

YOHAN 19:11

Aseing Yesu phougtu" zigi nang ri Mangsoo ab byid: yoomo za: hid: yhangti" yo" zi nghoid. Houg: yoomo ngoori we' re" da" lo, moo ab byid: su: gi yooboo je gyi wa nghoid- ga: tid.

Roma 9:33

Jhoem: mungdang: moo- Tam" gyoo: ge' - byu yi thoung" thoe: leung loo" nhang: wa shid' re" lug daloem: ri Zion boem tho' moo ngoo zhug too" wa. Byu yi gi hau: lug loem: ri thoung" lho: leung: loo" goo" wa. Nghoidloug we' hau: lug loem: ein: da Khristu ri nheigloem: ung: khoug: bain" sho' loem" jeing" su: gi - Khanham we' nheigloem: byo loo" wa zi anghoid.- ga: wigi bo jo da.

1THESALONI 2:16

Tung: bau byumyu" yi khyoid yu zi shau" wa shid re" houg: yo' sen: da" mungdang: ngoonu" dakho" kyo" ri lang" nyangnu" gi toung: nghoed, pyam wa shid re" yoem: kaid' lo boem ago- he: lid khyo" nyangnu" shoid vhang: lid lo yu" bye: da" yooboo joem ri joeb, sho' koid boem abye: go"- Houg: yoomo lo thang jang" moo gi Mangsoo nheig yo: da" khyoo: gi nyangnu" da" atho' moo ju" gyo" loo bye.

1PETERU 2:8

Gootu: da" jhoem: mungdang: daloem: moo gi hau: lug loem: gi byu yi ri khyid: vhu" thoung" leung nhang: da" lug loem: yo' nyangnu" ri leung loo" nhang: da" lug zeing ga: lhid" to". Houg: bang: gi Yesu da" lu dang: gi, ri atam" gyo: boem yoomo thoung" thue: leung lo" boem bye- Hau: khyoo: koem gi Mangsoo nyheung to" da" khyoo: nghoid.