MATHE 21:37 - Lacid Common Language Bible

³⁷ Lo" thang moo nyang: gi ‹Nga" zoo: rigi houg: bang: phau" myang: boem wa» ga: nya: zoo: ri nyang: khyam: moo" zei: mo, jhang khyoo nhang: kaid bye.

MATHE 21:37 교차 참조

ESAIA 5:4

Hau: khyam: shid re" ngoo daja: ja: akoid loo: to" too" kho' rhe". Houg ri ciwim yoomo ngoo myid lang" nyid da" cau: da" zabyid shi" azei: loo: za: zabyid shi" jhen: joem za: zei: thu lo la".

YEREMIA 36:3

Ngoo nyangnu" adang moo bui" nhang: wa soin' to" da" byo, yoin" khyoo: dangain" yo' sen: wigi Yuda byu yi shoug" gyoo: lang" nyangnu" da" akhyeing" lo, moo" joem mo to' phug lheing: loo goo" abe. Houg: lang" nyangnu" akhyeing" ziri yo' nyangnu" yooboo joem ri ngoo khyoid byid: wa» ga: tid.

ZEPHANI 3:7

Hougsu" wim loo lang" nga" byumyu" yigi ngoo ri gyoug phau" lo boem wigi ngoo byid: to" da" tarha" ri phau" cang loo goo" wa. Nyangnu" ri ngoo jhau" byid: da" khyoo: joem ri we' khanham we' ato" myhid loo: goo" wa ein: ngoo lhoung myid nyid nghoid loug we' nyangnu" gi goonham' yo' dakhyoo" ti" age da" byunyid khyoo: moo danyid ago"» ga: tid.

MATHE 21:36

Hau: thang: ri khyam: seing: gi xang: shid" tho' moo je myoo: da" nya: dei zoo: yi ri doem nhang: kaid. Nghoidloug we' khyam: moo" zei: mo, gi hau: dei zoo: yi ri we' xang: shid" mo mo, ri yhangti" nyang:- lhoem: doem koid: boem.

MATHE 21:38

Nghoidloug we' nyangnu" gi khyam: seing: da" nya: zoo: ri lhoem: myang lang" ‹He: yug gi moid seing: zoo: wa su: nghoid da:- Ri" ge' nyang: ri said' pyam lho: nya: da" ziyoo jonu" lhoid yu byid: pyam shang› ga: zheung: sham: go" lho: wigi

MATHE 3:17

Hau: tho' moo gootu: «he: yug gi ngoo vho: ngei da" nga" jheddab zooshang: nyang: nghoid bye:» ga: mougkhoung: mo thui: myeing thu' lo.

MARKU 12:6

Khyam: seing: gi nhang: kaid wa zi nya: zooti" zoo" dayug za: dadeung jo, lo: da:- hougsu" nyang: gi nga" zoo: rigi loem: phau" myang: boem wa"- ga: tid. lho: lo" nang moo gi khyam: ngho" zei: mo, jhang khyoo:- nya: zoo: ri nhang kaid da.

LUKA 20:13

Hau thang: khyam: seing: gi ngoo khasu" koid: wa lha". Ngoo mo dayug kyeing" da" zooti" zoo: ri nhang: kaid wa danghoid loo: sam. Nyangnu" gi nyang: ri gyeing" gyeing" lhoem: phau" myang: boem wa ga: tid.

YOHAN 1:18

Byu hang" we' Mangsoo ri amyang yu" nghoid loug we' nya: pho da" shid khoin moo nyid da" Mangsoo: yo' dakhyoo" ti" da" zooti" zoo: gi Mangsoo ri thoin" pang shug nyid bye.

YOHAN 1:34

Houg: su" tid to" ziyo' dakhyoo" ti"- ngoo shau" yang bye. Houg: yoomo ngoo nanu" ri tid ba- nyang: gi Mangso da" nya: zoo: nghoid.

YOHAN 3:16

Khasu" wim gari Mangso da" nya: zoo: ri loem" jeing" bang: hang" nghoid loug we' ashid: loo za. Apyaid ato: kangso' yo" yu baja" ga: Mangsoo gi nya: zooti" zoo: ri byid: pyam jang moo ju" sho' Mougmyid xangsu: byu yi ri jheddab nyid.