MATHE 21:32 - Lacid Common Language Bible

³² Yohan gi nanu" jang" moo re" lho: deung main" da" khyoo: ri jhoug" byid: nghoid loug we' nanu" nya: dang: ri aloem" jeung" boem. Nghoidloug we' khyu: zoo: mo, yo' shava myiyi: yigi nya: dang: ri loem" jeung" boem bye. He: da" akhyoo" again ri shau" myang uri lang" nanu" gi nheigloem: thed' lho: Yohan da" dang: ri loem" jeung" lo da" khyoo: abo boem nghoid da.

MATHE 21:32 교차 참조

ESAIA 35:8

Hougmo «Gyeung" shang: da" khyoo:» ga: myheing da" fu" moo" khyoo: dakhaid jo, wa. Hau: khyoomoo" moo yooboo yoo" bang: dayug we' khanham we' gyung: yo" soo" wa zi anghoid. Hang" koo" su: we' hau khyoomoo" ri cang da" bang: ri khyoo: vhang: ashu" vhang: wa.

YEREMIA 6:16

Aseing gi nya: byumyu" yiri «Khyoo: kang" moo yab jo, wigi yu" kaid we'. Goonham' mo khyoo: ri myid: yu" wigi khyoo: khakhaid je ge thang ziri myid: yu" we'. Hau: khyoo: khyo" soo" ge' houg: lang" nanu" gi yug yo myenjham" ziyo yo" nyid goo" wa» ga: tid da:. Nghoid loug we' nyangnu" gi «Anghoid- ngoonu" asoo"» ga: tid boem.

MATHE 11:18

Khasu" wim gari Yohan gi azo: ashug loo re" ri nyangnu" gi ‹he: yug gi yu vang su: nghoid nhung:› ga: tid boem ago".

MATHE 21:25

Yohan gyid nyhoed kham: byid: da" zigi Mangsoo byid: da" akhang" aya khyo" nghoid la". Byu yi byid: da" akhang" aya khyo" nghoid la"» ga: myid:. Nyangnu" ngeig go" nyid zigi «Mangso da" akho akhang" khyo" koid: ein: tid nghoid rigi Yohan da" dang: ri nanu" ciwim aloem" jeung" go" ga: doem myid: wa.

MATHE 21:31

Nghoidloug we' ayhi: loo: za: nyid nyid zooshang: eig yug mo khayug gi nya: phoo vho: da" khyoo: ri koid: lha"» ga: myid: yu" nyangnu" gi «Mang: mo" yug nghoid» ga: phoid: boem. Yesu gi «nanu" ri ngoo tid ba"- kheing" khyu: zoo: mo, yo" shava myiyi: yi gi nanu" da" shid moo Mangso mungdain: khyoo vang lo" nyid boem bye.

MATHE 5:46

Na nu" ri jheddab mo, ri za: jheddab nghoid rigi nanu" ce: akyu" boo wa lha". Kheing" khyu: zoo: mo, we' houg: su" koid: boem bye anghoid goo" la".

2 TIMOTHI 2:25

Nyhang" nyang: ri ngeug se: doin: lhoem" keung" lo da" byu yi ri so' koid so' nyheung: jang" moo nu" nham, sam" dab, khyoo: se' koid su: nghoid ca" nyid. Khasu" wim ga: ri nyangnu" gi nheigloem: thed' lo lho: hau" deingmain" da" khyoo: ri se' gyo: loo wa da" akhang"- Mangsoo gi nyangnu" ri byid: ri byid: loo wa zi nghoid.

HEBRE 3:12

Loem" jeung" nyid da" mang: nhung" yi we"- dei nyid da" Mangso jang" mo vhang: lam" loo" sho'-akhyeing" ashoeb da" loem, shoid nheigloem: boo da" byu- nanu" moo dayug we' aboo loo: sho' zed" nyid ge'.

2PETRU 2:21

Deung byeung" khyoo: ri bain se' yu lho: nyangnu" ri ab byid: too" bye- hau: gyeungshang: da" amyeung" mungdang: mo ve: gang: loo" wa tho' moo hau: khyoo: ri dajhi' we' asi loo: nyid rigi je ge nyid.

Pang Shug 2:21

Nyang: ri nya: yooboo mo nheigloem: thed loo wa shid re" ngoo ayo, byid: too" bye- nghoid loug we' nyang: gi nya: avoid avhu: koid khyoo: mo nheigloem: anau htid' loo: nghoid da.