MATHE 21:14 - Lacid Common Language Bible

¹⁴ Mangso yhoem: moo" moo myo, amyang mo, yo"- khyid: agi mo, ge:- Aseing jang" moo ju" re" boem. Aseing gi nyangnu" da" noophyoo" ri ge loo" nhang.

MATHE 21:14 교차 참조

ESAIA 35:5

Myo, jed su: myo, myang loo wa. Nujed su: nukhyab shau" gyo: loo wa.

MATHE 21:15

Nghoidloug we' Khainjung moo" yi yo"- tarha" sara: yi gi Aseing koid: da" mau" pho" moo" ri zheung: myang ziyo' «David da" nya: zoo: ri coung" nghei byid: ge'» ga: zooshang mi" akyu" mho' yhoem: khoug: moo nyho: yoid nyid da" thui: ri shau" gyo: boem lang" gi nheig zheung: gyo: yo: ago".

MATHE 4:23

Hau: lho: Yesu gi Galile mung" goin" cang koem" yen" zoore"- nyang: bang: da" Tarha" jung yi moo cang jhoug" byid: yen" wigi hau: mungdain: da" ngeibu: lu dang: cang kho" yen" ziyo' mung" byu yi da" noo phyoo" aja: ja:- nooboug: aja: ja: ri zheung: ge loo nhang: yen.

MATHE 9:35

Hau: thang: ri Yesu gi voogung khang" moo" moo cang koem" yen" wigi nyangnu" nya: da" tarha" jung joem moo cang jhoug" byid: zoore"- ana: yoga: aja: ja: yo"- noophyoo" aja: ja: ri cang ze: gi byid.

ACTS 10:38

Houg: yoomo Nazred mo da" Yesu ri Mangsoo gi gyeungshang: da" Venyi yo' yoem: so' khasu" foid, shoin" kaid' byid: bye: da" khyoo: ri nanu" si' abye: go. Khasu" wim gari Mangsoo gi nyang: yo' dage" nghoid wigi ge, da" moozoo" ri zei: lho: yu, join: yoem: so' khoug: moo loung" jo, mo, dangain" ri cang ge, loo" nhang: yen" bye.