MATHE 21:13 - Lacid Common Language Bible

¹³ Nyang: nyangnu" ri «Mangsoo tid jhoem: mougsoug" moo lhid" to" zigi ‹nga" da" yhoem: ri Mangso yhoem: ein: wa› ga: nghoid loug we' hau: yhoem: ri nanu" gi khyangtoug: lug ug dakoid: nyid ago"» ga: tid.

MATHE 21:13 교차 참조

COUNG" NGHEI 93:5

Aseing we" re" da" tarha" joem gi apyaid atoo: moo: dageung: jo, ziyo' Re" da" Noku Yhoem: Moo" we' pyaid moo: too: moo gyeing" nyang: gyeung" shang: nyid.

ESAIA 56:7

«Ngoo gi nanu" ri nga" gyeung" shang: bouggung Ziun khyoo: shu" yhe: wigi nga" akyu" mho' yhoem: moo nanu" ri ngei pyo: khyoo: byid: wa. Houg: lho: nga" phoin: adang moo nanu" ngei" byid: da" xoin" joem ri khab yu byid: wa. Nga" Noku Yhoem: Moo" gi byumyu" dangain" da" akyu" mho' yhoem: ga: myheing loo goo" wa» ga: tid da:.

YEREMIA 7:11

Nga" Noku Yhoem: Moo" gi lhoid zo: da" khyangtoug: yi shid re" goug" wa joyoo ein: jhoo: go" rhe". Nanu" cikoid nyid ziri ngoo shau" myang byid: bye:.

MATHE 2:5

Nyangnu" nyang: tid da" zigi «Yuda mung" mo Bedlehem voogung moo khu: loo wa nghoid» ga: tid kyo" boem. Khasu" wim gari «lapi: yi da" lo, yo' hid: su" ga: lhid" to".

MARKU 11:17

Hougsu" nyang: gi mung" byu yi ri nga" yhoem: ri byumyu" acang: joeb sho' mo da" akyu" mho' yhoem:- ga: myeing boem wa"- ga:Mangsoo tid jhoem: mougsoug" moo lhid" to"- nghoid loug we' nanu" gi hau: ziri khyangtoug: joem gau" to da" lug ug koid pyam boem bye- ga: jhoug" byid: da.

LUKA 19:45

Hau: thang: ri Yesu gi No' ku" yhoem: moo" khyoo: vang lo" wigi kid" ung" mo, ri khaid thu' pyam lho:

LUKA 19:46

Nyang: nu" ri tid zigi Nga" khyu" mho' yhoem: gi Akyu" mho' da" yhoem: ein:- myheing wa ga: Mangso jhoem: dang: moo ‹‹Nghoidloug we' nanu" gi No' ku" yhoem: moo" ri khyangtoug: joem gau" jo, da" lug ug dakoid: nyid goo" nhung: lha"» ga: tid.»

YOHAN 15:25

Hid: su" ngheing" da" khyoo: gi-Nyangnu" da" tarha" moo lhid' to" ziyo' nyangnu" gi ngoori ci: yoo abo da" jang" moo- ngheing" boem ga: to" ziyo' dakhyoo" bue" lo da" khyoo: nyang: nghoid bye.