MATHE 20:21 - Lacid Common Language Bible

²¹ Yesu gi «nang ci: ca" la"» ga: myid: yu" hau: myiyi: myhi, gi «Aseing gi khokham" bue" lo" da" bidnyid ri re" lo, yo shoid khyoo dayug lo, koung" shoid khyoo dayug zhung: nhang: we'» ga: re" mho'.

MATHE 20:21 교차 참조

1 KHOKHAM 2:19

Houg: yoomo Bathsheba gi Adoniya gungthid Sholumon ri yhe: tid byid: wa ga: vang loo" bye:. Khokham phoo gi to' yab wigi nya: myhi' ri lo, zei: zei: lho: goeb pid bye: zi nghoid. Hau: thang: nyang: gi nya: khokham zhungtang moo zhoung: wigi nya: myhi' shid re" zhungtang daloem: yu lho: nya: lo, yo shoid moo zhung: nhang: bye:.

1 KHOKHAM 3:5

Hau: myen ri Aseing gi nya: yhoebmo, moo thu re" lho: «Ngoo nang ri ce: noem byid: wa ziri nang vho: lha"» ga: myid: bye:.

ESTHA 5:3

Khokham phoo gi «Khokham myhi' Estha we" ce: sei: bo la". Nang vho: ziri ngoo ri tid kyoo" la. Houg: lang" nga" mungdain: agung dayhi" nghoid loug we' nang shoug" yu wa» ga: myid: da:.

COUNG" NGHEI 110:1

Aseing gi re" gyivoo joem ri re" da" khoovoo khoug: moo: kaid pyam da" ayo, ju" sho' hid: nga" da" lo, yo shoid moo: zhoung: jo, we' ga: wigi: nga" Aseing khokham pho ri tid bye:.

COUNG" NGHEI 45:9

Re" khokham khoo" mo zoomyi: yi moo khokham yi da" zoomyi: yi we' bo nyid boem ago". Re" zhungtang da" lo, yo shoid moo myo, yi lo" da" sheing: ziyo' lho, yhoung ci: da- khokham myhi' yab jo.

YEREMIA 45:5

Nanya: shid re" gooki lhid khyoo: ri shoo: wa la". Hougsu" akoid. Ngoo gi byu dangain" bang: adang moo yau: khi" ci: loo byid: wa nghoid loug we' nang gi khakhyoo: loo" loo" neing: thang nanya: apyaid yo" loid wa. Ngoo Aseing tid too" bye:.

MATHE 18:1

Houg: lang" cangzoo: yigi Aseing Yesu jang" moo ju" re" lho: «Mougkhung: Mungdain: moo je gyi: thang su: kha yug nghoid wa lha"» ga: wigi zheung: myid: boem.

MATHE 19:28

Yesu gi «ngoo gyeing" gyeing" tid ba: ju" loo wa da" mungdain: seig moo Byu da" nya: zoo: gi myonhoo: yoeb' bang joeb byeung" da" zhungtang tho' moo zhoung: jo, da" uri nga" cangzoo: yi nanu" we' zhungtang daxe: eig loem: tho' moo zhoung: jo, lho: Israela daxe: eig kung: mo mo, dangain" ri yo" vhoeb' khang" wa zi nghoid.

MATHE 20:22

Yesu gi «nanu" ce: noem mho' nyid zi nanu" nyang: asi nghoid ago". Ngoo shau" wa da" kyi" khyeug goem ri nanu" yo" shug wa go" la"» ga: wigi myid: nyangnu" gi «ngoonu" yo" shug wa» ga: phoug tu".

MATHE 20:32

Aseing Yesu gi lo" yab theing: lho: Hau: eig yug ri nya: jang" moo khe: yu wigi «re" eig youg shid re" ngoo cikoid: byid: nhang: noug go" la"» ga: myid.

MARKU 10:51

Yesu gi nyang: ri ngoo re" shid' re" cenoem koid' byid: wa zi nang vho: la".- ga: myid:- Houg: lang" myo, jed su: gi Yesu ri sara: we" ngoo myo, doem myang nau"- ga: phoug tid.

MARKU 16:19

Aseing Yesu gi hougsu" ga: cangzoo: yi ri bain tid lang" nyang: gi moug: khung: khyoo: to' yu zi shau" lho: Mangso lo, yo shoid moo zhoung: jo, bye.

MARKU 6:22

Hau: zoo: pui" moo Herodia da" nya: zoo: zoomyi: gi voem: zoo: pui" moo vang re" lho" re" go" nhoin, shug da- hau: ziri Herod yo' nya: beung" voo yi gi yu" ngei nyid ago". Houg su" kho' kham" gi hau: myiyi" nu" ri Nang ci who:- nang vho" ja: ci cvoo: ci - ngoo nang ri byid: wa"- ga: tid.

LUKA 18:41

Yesu tid zigi re" shid' re" ce: noem koid: nhang: nau? ga: nyang: ri myid. Myo, amyang su: gi ‹‹Sara: we"» ‹‹ngoo gi myo, doem myang nau ga: tid.»

LUKA 19:11

Byu phung yi hau khyoo: ri tam" gyo: nyid shi" ri Yesu gi xo' lo: nyangnu" ri dang: tu, daloem tid. Hau: uri Yesu gi Yerusalem voo yam moo ju" lo" nyid. Byu yi gi Mangso mungdain: gi kho: nyang: thu' loo wam: bye:- ga: nyangnu" jho: nyid boem.

LUKA 22:24

Cangzoo: yi gi nyangnu" mo kha: yug gi aya: je gyi: su: nghoid da: khyoo:- ngeig go" nyid boem.

YOHAN 15:7

Nanu" gi ngoo yo" dadeing: daloem: za: nyid wigi Nga" da" Mungdang: we' nanu" da" nheigloem: ung: khoug: moo bo jo, nghoid rigi nanu" mho' da" akyu" ci: mho' ci: yo" yu boem wa nghoid.

ACTS 1:6

Yesu gi lagyoo: yi yo' dage" zeung: phoung nyid da" uri nyangnu" gi Yesu ri Aseing: we" Israela byumyu" yi ri he: ayo moo hau: mungdain ri doem toug" byid: wa la"» ga: myed: ago".

Roma 12:10

Nanu" dayug yo' dayug gi mang: seing: nhung" seing: ri yhang: ti" jheddab kang: tei" go" nyid ge'. Dayug wigi dayug ri coung" byid wa so' phyed' nyid ge'.

Roma 8:34

Houg: yoomo nyangnu" ri hang" we' yoobo dam yo" byid: wa zi anghoid. Shid: kham: da" zi za anghoid. Shid: jang" mo doem dei to'' lo da" Aseing Yesu Khristu gi Mangso: da lo yo shoid' moo zhoung: jo lho: ngoonu" da" shid' re" bo mho' tung" bain: byid: nyid.

KOLOSE 3:1

Nanu" gi Khristu yo' dage" doem dei to'' loo bye: ziri shau" kham: yu boem, bye: yoomo Mangsoo, yo shoid mo nya: Khokham" zhung: tang moo zhoung: jo, da" Khristu nyid da" moug: khung: mo zi joem ri nheig danhei: nyid ge'.