MATHE 20:15 - Lacid Common Language Bible

¹⁵ Nga" ngei ri ngoo vho: khyo" age ci: yhung: rhe" Ngoo gi koid: ziri nang no" zo: da" nheigloem: bo rhe"»› ga: myid:.

MATHE 20:15 교차 참조

THU' LO" MOUGSOUG" 33:19

Aseing gi «Nga" younglho' gyi: sheung: zi dangain" re" shidkhoin" moo ngoo lhid: byid: wa ziyo' nanu" akhoug: moo nga" deungbyeung" myeing ri ngoo fu" kyoo" wa zi nghoid. Ngoo gi Aseing nghoid. Ngoo khyen: yu bang: da" adang moo jheddab myid yo' nheig khyeug shoomyen: myid ri ngoo ci: shug wa zi nghoid.

DANG: ZHOEM 23:6

Cen" su: da" zoo: shug pui" moo: dage" ayhe: bo zoo: nyang: zho" da" ngham" noem, zoo: shug ri: we' aso kho' nyid.

DANG: ZHOEM 28:22

Nya: shid re" za: myab, myab, yo" de, loo wa so' kho' nyid mo, gi nyangnu" da" tho' moo: sho" jhen: da" khyoo: ju" loo wa ziri asi, nghoid nyid boem ago".

YEREMIA 18:6

«Oug" koid su: myid vhu" nug khyi' ri koid yhang: ti" ngoo gi nanu" Israela byu yiri koid wa akho: akhang" yo" anghoid rhe". Myid vhu" nug khyi' gi oug" koid su: da" lo, khoug: moo bo yhang: ti" nanu" gi nga" lo, khoug: moo bo ago".

MATHE 11:25

Houg: lang" Yesu gi «Mougkhung: yo" myidjang ri vhoeb da" nga" phoo we"- Phajhi" byen ya yo" nheigloem: yeig kung mo jang" mo he: da" khyoo: ri nang yhoem" nghoeb to" lho: ci: asi mo, ri phang shug yoomo ngoo nang ri jeju" boin.

MATHE 20:14

Nang yu eung: gu: dayu loo" we' moo" vang thang: gyoo" su: ri we' nang ri byid: ziyo' dakhyoo" ti" byid: wa zi ngoo vho: nyid.

MATHE 6:23

Re" da" myojid" age nghoid rigi re" da" gung goin" moug: coid' nghoid nyid. Nang moo bo da" bidbang gi moug: coid bue" byug nghoid rigi hau: moug: coid' gi khayhi' thu: no, jo, wa lha".

MARKU 7:22

Myi: lhoid lang lhoid go zi jhu phyo' go" khyoo: - mhau' nyam khyoo:- myed, nau: zi gei sang: khyoo:- nghoid boin: ziyo' akoo" apya doid koid da" khyoo: yo' age khyoo: myoo" sho' thu' lo nyid zi gi

YOHAN 17:2

Re" zoo: ngoo gi ngoo nya: lo, moo pho wigi ab byid: to" da" moo" ri apyaid' ato: kangso' yo" byid: wa da" shid' re" nang nyang: ri Byu xangsu: bain sho' mo ri yo" vhoeb khang" da" zoug: myeing" ri byid: too" bye.

ACTS 13:45

Yuda byumyu" yi gi hau: mung" byu yi ri re" zheung: myang lang- nyangnu" gi myid yu" nau: boem yoomo-Polu kho" kyo" da" mungdang: ri ngeug pyam' boem lho: wigi nyang: ri aphoug" akhyoid ga: rue" da" dang: ri tid ago".

1Korinthians 4:7

Kha: youg wigi: nang ri- sube" tho' moo: je nghoid ga: tid nyid la" nanu" yo" da" zi dangain" gi Mangsoo byid: to" zi anghoid goo" la" Hougsu" nghoid ri nanu" yo" yu to" da" zi dangain" gi jeju" jhung: shug anghoid yhang: ti" nanu" phau: khuang nghoid boin: khyoo: gi ce: noem' yoomo koid nyid go" lha"

Ephesu 1:11

Jo, moo jo, koem gi Mangso da" myid soin nyheung lo" da" khyoo: yo' myid phyed' to" khyo" bue" loo bye- hau: lho: xang: shid" mo myid soin to" da" khyoo: moo ayang: qei" lho: Khristu moo dadeing: daloem: za: nghoid nyid khyo" wigi nyang: myid soin to" khyo" nyangnu" ri nya: da" byumyu" yi bue" loo wa shid mo khyen: nyheung too" bye.

Ephesu 2:1

Lai loo" bye: da" ayo, moo nanu" gi nanu" nyang: atam" gyoo: wigi shoid vhang: lo" da" moozoo" yo' youg: noo yooboo yoomo venyi: khyoo: moo shid: mang danghoid loo: ago".

Ephesu 2:5

Ngoonu" da" atam" gyoo: loo: shoid vhang: lo" da" khyoo: yoomo venyi moo shid: leung jo, uri Khristu yo' dage" ngoonu" ri doem dei loo nhang: bye hau: khyoo: gi Mangsoo da" jeju" yo' ngoonu" gi khyoid yu zi shau" da" khyoo: nghoid.

TARHA" TID POIN" 15:9

jhen: khyoid pyam wa da" zain nyid ju" lo nyid bye: yoomo nyang: ri daja: ja: jhid" byid: wa ziri ahe: pyam nyid. Houg: yhang: ti" akhyeing" da" myid ri re" nheigloem: khoug: khyoo: avang nhang:. Nang jhid" byid: wa he: pyam nghoid rigi nyang: gi nang ri thougtheung wigi Aseing ri yoid: nyho: loo wa. Houg: lang" nang gi yooboo yoo" su: bue" loo wa.

TARHA" TID POIN" 28:54

Byu zeing kung: mo nu" nham' thang yug lang" gyivoo joem lheing khoem to" da" ayo, khoug: moo zoo: shug gootu: ayoo" yoomo nyang: nya: zooshang: dayham" ri zo: pyam loo goo" wa. Nyang: gi nya: mang: nhung" yiri anghoid lang" nyang: jheddab da" yhoem: seing: myhi' ri anghoid lang" deing shi" da" nya: zoo: yiri lang" dajhi' we' abyid: zhoo" loo koid ri" wa zi nghoid.

YAKU 1:18

Mangsoo gi nyang: phain" to" da" byu xang: su: yimoo- xang: shed" ri zei: lo da" ashi" yhang: ti" bui" wa shid re" deingmain" da" tarha" mo wigi nyang: myed vho: ziyo' dakhyoo" ti"- ngoonu" da" pyaid seig ri doem thid' byid: bye.

YAKU 5:9

Mang: nhung" yi we"- nanu" nyang: gung nyang:- Mangso ca: kyeing yu: zi ashug" wa shid re" nanu" nyang: cang" nyang: dayug gi gootu: dayug ri yooboo afoin: go" nyid goo"- tarha" agyi phoo gi khoem" moo" duang: moo yab, jo, bye.