MATHE 19:28 - Lacid Common Language Bible

²⁸ Yesu gi «ngoo gyeing" gyeing" tid ba: ju" loo wa da" mungdain: seig moo Byu da" nya: zoo: gi myonhoo: yoeb' bang joeb byeung" da" zhungtang tho' moo zhoung: jo, da" uri nga" cangzoo: yi nanu" we' zhungtang daxe: eig loem: tho' moo zhoung: jo, lho: Israela daxe: eig kung: mo mo, dangain" ri yo" vhoeb' khang" wa zi nghoid.

MATHE 19:28 교차 참조

1 KHOKHAM 18:31

Aseing wigi Israela ga: myeing myheing too" bye: da" Yaku nya: yuggi zoo: yi myeing khyo" cang wigi akung: daxe: eig kung: shid re" lug boem daloem: loem: khyo" daxe: eig loem: ri yu bye:.

2 KHOKHAM MHOOMYID: 9:19

Zoem" lhang: moo khangkhyi lhoo: daxe: eig loem: dab lho: zoem" lhang: khoem: khang" moo" mo athang: thang: moo khangkhyi lhoo: dadu: du: dab da:. Gootu: kha: mungdain: moo we' he: zhungtang yo' du zi khanham we' ajo, yu" nghoid da:.

EZRA 6:17

Yhoem: vang pui: shid re" xoin" ngei" khyo" wigi nu: 100 du: yang 200 du: yang zoo: 400 du: yo' yooboo khyoid wa shid re" Israela byumyu" dakung: moo dadu: khyo" wigi coidbaid 12 du: ri shugbyid: ago".

THU' LO" MOUGSOUG" 15:27

Thang: ri nyangnu" gi gyid bug daxe: eig duang: jo, wigi thab gam nyhed xi: gam jo, da" Elim moo ju" lho: nyangnu" hau: gyid yam moo theing: ago".

THU' LO" MOUGSOUG" 24:4

Moshe gi Aseing dang: dangain" ziri lhid" to" da:. Thang: nab soin: no' mo nyang: gi boem khyid: moo phoin: daloem: koid wigi Israela akung: daxe: eig kung: shid re" dakung: ri lug boem daloem: khyo" wigi lug boem daxi: eig loem: koid: zhug to" da:.

THU' LO" MOUGSOUG" 28:21

Israela akung: daxe: eig kung: da" gungthid nghoid wa shid re" lug dacab moo myeing dacab khyo" Yaku da" nya: zoo: yi da" myeing ri lug daxe: eig cab moo kyung" lhid" too" ca" da:.

ESAIA 65:17

Aseing tid zigi «Ngoo gi mougmyid seig yo' mougkhung: seig joem ri phain" so: lid: lo da" ayo, moo bue" da" khyoo: joem dangain" gi bain sho' to" myhid pyam' zi shoug" wa.

ESAIA 66:22

«Myid gung seig yo' mougkhung: seig gi nga" yoem: so' khyo" jo, jo, loo wa. Houg: yoomo re" amyed ashen yi yo' re" myeing gi jo, jo, loo wa.

XOIN" NGEI" 24:5

Cen: moin" khyug joid: dakyen" jain" ri yu wigi zooyho' daxe: eig loem: bung: wa zi nghoid.

MATHE 16:27

Byu da" nya: zoo: gi Nya: pho, da" myonhoo: phung yoeb bang ri void' ci: lho: Mouglagyoo: yi yo" dage" gyoo" loo wa. Hau: da" bidnyid ri mougmyid byu yi dayug yo" dayug ri nyang: nyang: koid: da" moozoo" yo' dakhyoo" ti" doem tau" byid: wa zi nghoid.

MATHE 19:27

Hau: uri Petru gi «Yu" we' ngoonu" gi ziyoo jonu" dangain" she: pyam kho' lho: Aseing thang: cang boem bye:. Ngoonu" gi ce: noem akyu" ri shau" kham: zoo: wa lha"» ga: myid:.

MATHE 20:21

Yesu gi «nang ci: ca" la"» ga: myid: yu" hau: myiyi: myhi, gi «Aseing gi khokham" bue" lo" da" bidnyid ri re" lo, yo shoid khyoo dayug lo, koung" shoid khyoo dayug zhung: nhang: we'» ga: re" mho'.

MATHE 25:31

«Byu nya: zoo: gi khokham" khyo" - Mouglagyoo: dangain" yo" dage" ju" gyoo" lo da" uri Nya: da" khokham" zhung: tang tho' moo zhoung: jo, wa nghoid.

MATHE 6:33

Nanu" koem gi nya: da" mungdain: yo' nya: da" deung byeung" khyoo: ri xang: shid" sho: nyid ge'. houg: lang" hau: zi dangain" nanu" ri poug lung: byid: wa nghoid.

MATHE 8:20

Yesu gi «zeigni joem gi khyung: yo" ago"- moug moo dang: yen" da" ngho' zoo: joem we' soid jo: ago" hau: byu nya: zoo: koem gi vhuloem too" jang: we' ajo,» ga: nyang: ri tid.

MARKU 10:37

Nyang: tang gi Yesu gi nang myonhoo: phung" yoeb yo' re mungdain mo khokham" bue" lo" bidnyid ri nga" eig yug ri-re" lo, yo shoid khyoo: dayug lo, koung" shoid khyoo: dayug- nang yo dage" zhung: nhang: we' ga: tid ago".

ACTS 3:21

Mangsoo gi goonham mo Nya: gyeungshang: da" Lapi: yi nhoid dang: khoin" thui: khyo" tid kyo" to" ziyo' dakhyoo" ti" ja: khang" moo" ri aseig doem koid pyam da" ayo, aju" ju" gi Nyang: gi moug: khung: tho' moo nyid nyid ca" da.

2 TIMOTHI 2:12

Ngoonu" xo' lho: wigi kham' zeung nyid boem nghoid rigi ngoonu' nyang: yo' dage" mung" ri shau" vhoeb nyid boem wa zi nghoid.

YOSHU 3:12

Akhid" Israela byumyu" kung: khang" moo" mo byu dayug yug khyo" daxe: eig yug ri khyen: yu ge'.

2PETRU 3:13

Nghoid loug we' Ngoonu" gi Mangsoo dangsoo" khoin" byid: too" bye deung byeung" bang: nyid wa yhoem: ein: da- moug: khung: aseig- myed jang: aseig ri ngoonu" nheig byu dalang" nyid boem.

Pang Shug 11:16

Hau: uriMangso da" shid' khoin" mo zhung: tang tho' moo zhoung: jo, da" ludaid' yi eig xe: myid: youg bang: gi Mangso shid khoin" moo nyangnu" da" myonhoo: ri goeb, khyo, lho: Mangsoo ri coung" pid' zoore" tid nyid boem zigi

Pang Shug 12:1

Hau: thang: ri moug: laid' phyoo" moo mau" pho" da" aved alhoo: zeing daja: doem, bue" thu' loo ziri ngoo myang- houg: moo myi: yi: myhi, dayug gi-Bid' ri gang" ci: lho: lham" moo" tho' moo nang: zeug ci: wigi kyi: daxe: eig cab, dab, da" bidmug ri zhoung" ci.

Pang Shug 20:4

Hau: thang: moo zhung: tang joem ri ngoo myang kaid- hau" zhung: tang tho' moo zhoung: jo, mo, gi dang: phyed wa da" amyeing" yem: so' yoo" mo, nghoid nyid boem. Hau" tho' mo gootu: Aseing Yesu da" sagsi: kham, yoomo we' Mangso mungdang: yoomo we' zain: said' zi shau" mo, yo' hau: da" akhyeung" da" goug: nyhoug ri we' nya: da" alhoo: ri we' abo no" mo, yo' nya: da" laxoem" nghab youg ri nyangnu" da" ngeilang: yo' lo, moo abo tab ci: mo, da" soo" byoo joem ri ngoo myang. Nyangnu" gi doem, dei lo boem wigi zain nyid dakhyeing" ju" sho' Khristu yo' dage" vhoeb khang" nyid boem wa zi nghoid.

Pang Shug 21:5

Hau: thang: ri zhung: tang tho' moo zhoung: jo, su: dayug gi " Ziyoo jo, moo jo, dangain" ri ngoo gi Aseig doem koid too" wa,, ga: wigi tid. Nyang: ngoori we' tid zigi He: zirilhid" too" we' he: da" dang: gi deingmain" ziyo' loem, ge" da" dang: nghoid.

Pang Shug 22:2

Hau" da" gyid moo" lang gi voogung kang mo fu" moo" khyoo: cang yau, gyoo" lo nyid. Hau: gyid yam, shoid khang" moo" moo lham" moo" khyab, khang" moo" dazain moo daxe: eig lheing: ashi" zei: da" kang: so' shi" gam youg jo.hau: shi" gam, da" afu' joem we' byumyu" yi da" noo boug: ri ze: gi byid: wa shid re" - moocid" moo" nghoid nyid.

Pang Shug 22:5

Hau: voogung moo myen" khanham we' ajo, yoomo nyangnu" gi myiboung: da" bidbang we' bid da" boo" bang we' aca" loo: wa Khasu" wim gari Aseing: Mangsoo gi nyangnu" da" bidbang bue" lo wigi nyangnu" gi apyaid atoo: moo Khokham" yi yhang: ti" vhoeb khang" lo" boem wa.

Pang Shug 3:21

Ngoo gi oung: doid lo" wigi nga" pho, da" zhung: tang tho' moo nyang: yo' dage" shau" zhoung: jo, yhang: ti"- oung: doid loo" su: ri we' nga" zhung: tang tho' mo nga" nam, moo zhoung: jo, wa da" akhang" ngoo byid: wa.

Pang Shug 4:4

Hau: zhung: tang da" ayam, aqei: lheing khab, moo gi zhung: tang eig xe: myid: loem: bo jo- Hau: zhung: tang tho' moo phyu: gyeung" da" byimi ri void ci: lho: sheing: bidmug zhoung" ci: da" ludaid' eig xe: myid: yug khyam, lheung zhoung: jo, ziri myang.

Pang Shug 7:4

Hau: thang: ri dazid' bain tab too" bye: bang: da" nghab youg ri ngoo shau" gyo:- Hau: nghab youg joem gi 144000, bo lho: - Israela daxe: eig kung: mo bang: nghoid.