MATHE 19:21 - Lacid Common Language Bible

²¹ Aseing Yesu gi «Nang joeb byeung" su: bui" nau nghoid rigi loo" we' re" da" zi dangain" oung" pyam lho: hau: ngei sho" jhen mo, ri gam byid: pyam we' houg: su" koid: lang" Mougkhung: tho' moo nang yoo" zoo: yoo" shoug wa. Houg: bain gam pyam byid: lho: nga" thang: moo cang we'» ga: tid.

MATHE 19:21 교차 참조

APOEM AYANG: 17:1

Abram goug: xe: goug: zain nghoid ri Aseing gi nya: jhang re" lho: «Ngoo gi myhang: thang da" Mangsoo nghoid. Nga" dang: tam" gyo: lho: ge da" moo" khanham we' dazei: nyid we'.

APOEM AYANG: 6:9

He: zigi Noa da" mhoomyid: nghoid. Nyang: gi Shem- Ham yo' Yaphed ein: da" yuggi zoo: soem" yug yo". Noa gi shoid vhang: khyoo: ajo, wigi nya: pyaid moo nyang: kyeing" za: byugi nghoid. Nyang: gi Mangsoo yo' tab did" nyid.

YOBA 1:1

Uza mung" moo Mangsoo ri noku wigi nyang: ri jhug zug da" Yoba ga: su: dayug nyid da:. Nyang: gi byu gi nghoid wigi akhyeing" ashoeb da" moo" ci: we' akoid loo sho' nyid da:.

COUNG" NGHEI 37:37

Byugi yiri xoem" too" ge'- deungbyeung" su: ri yu" nyid we'. myenjham" su: gi amyed ashen myoo" sho' yo.

MATHE 16:24

Hau: thang: ri Yesu gi «Nga" cangzoo: bui" noug su: hang" nghoid loug nyang: nya: da" gung ri ngeig pyam lho: nyang: nya: da" pyang" zeing ri vu, ci: lho: nga" thang: moo cang ca"» ga: nya: cangzoo: yi ri tid.

MATHE 19:20

Hau: da" zoolu: phoo we' «hau: da" tarha" dangain" ziri ngi, shi" pyaid mo, bain cang nyid bye:. Ngoo gootu: ce: noem cang ca" shi" lha"» ga: doem myid.

MATHE 19:22

Nghoidloug we' hau: zoolu: phoo gi zi gye" yo" sathi" nghoid yoomo Yesu da" dang: ri shau" gyoo: lang" nheigloem: apyo: zoore" thu' loo" khare".

MATHE 19:28

Yesu gi «ngoo gyeing" gyeing" tid ba: ju" loo wa da" mungdain: seig moo Byu da" nya: zoo: gi myonhoo: yoeb' bang joeb byeung" da" zhungtang tho' moo zhoung: jo, da" uri nga" cangzoo: yi nanu" we' zhungtang daxe: eig loem: tho' moo zhoung: jo, lho: Israela daxe: eig kung: mo mo, dangain" ri yo" vhoeb' khang" wa zi nghoid.

MATHE 4:19

Houg: lang" Yesu gi «Nga" thang: cang ge' re" eig yug ri Byu cang kuang da" byu koid' wa» ga: tid.

MATHE 5:48

Houg: su" wigi Mougkhung: tho' moo nanu" da" nya: phoo gi joeb byeung" nyid ziyo' dakhyoo" ti"- nanu" we' joeb byeung" nyid ge'.

MATHE 8:22

Yesu gi «nga" thang: cang loo we' shid: mo, gi shid: mo, nyang: cang" myhoeb go" nyid baja"» ga: tid.

MATHE 9:9

Yesu gi hau: joyoo mo doem so" lo" ri kheing" khyu: yhoem: moo zhoung: jo, da" Mathe ga: su: ri nyang: shau" myang lang" «nga" thang: cang loo we'» ga: nyang: ri tid. Houg: lang" nyang: to' wigi nya: thang: moo cang lo.

MARKU 10:21

Yesu gi nyang: ri jheddab myid yo, tu: yu" lho: nang daja: ca" shi"- nang loo" shi" we-re" soid' gain jo, nu" joem ri lo" oung" pyam' lho: myoung shoo" mo, ri gam byid: we' houg: lang" nang mougkhoung: mungdain: moo soid' gain yoo" wa nghoid. Hau: lho: nga" thang: moo cang we' ga: tid da.

MARKU 2:14

Houg: mo nyang doem so" yhe: lo" ri Alphe nya: zoo: Levi gi nya: yung" moo kheung" khyu zung: jo, ziri myang lang" Yesu gi nyang: ri nga" thang: cang shang ga: tid Houg: lang" jang Levi gi to' lho: nya: thang: cang yhe: lo".

MARKU 8:34

Hau: thang: ri Yesu gi cangzoo: yi yo' mung" byu yi ri nya: jhang khe: yu nyangnu" ri nga" thang: moo cang noug su: gi nyang nya: gungri he: pyam lho: nya: pyang" zeing tu: vu, wigi nga" thang: cang goo" baja" ga: nyang: nyangnu" ri tid..

LUKA 12:33

Nanu" gi nyang: nya: da" ziyoo jonu" oung" pyam lho: sho" jhen: mo, ri gam byid: ge' apyang: ayoin" se' da" ngei thung: ri daci: ge'. khoug" su: aju"- nhau: ayo" zo: da" mougkhung: tho' moo nanu" ziyoo jonu" ri dayoung: too" ge'.

LUKA 14:33

Houg: yo" dakhyooti"- nanu" mo hang" nghoid loug we' nyang: nyang: yo" da" zi dangain" atoo" kho" rigi nga" cangzoo: ayo" bui.

LUKA 16:9

Hau: tho' moo Yesu «gi Mougmyid jonu" yo' bidnoem koid: ge'. Hau: ziyoo jonu" yo" gu: thang loo" lang" Mangsoo: gi ngei pyoo: athang da" yhoem: moo lhoem kham: yu wa zi nghoid.

LUKA 18:22

Hau: da" dang: ri shaug" gyoo: lang" Yesu gi nang zei: ca" da" moo" daja: boo shi. Re" da" ziyoo jo, nu" bain sho' oung" pyam lho: sho" jhen: mo ri gam byid: pyam we'. Hau: thang: ri doem re" lho: nga" thang: moo cang we'. Houg: lang" nang mougkhung: moo soidgain yoo" wa ga: nyang: ri tid.

LUKA 5:27

Hau: thang: ri Yesu gi Kaperna-um voo mo thu' lo" ri kheing" khyu: da" yung" moo Levi ga: su: dayug zhoung: jo lang" zi lo" myang. Nyang ri Yesu gi nga" thang: cang we' ga: tid.

LUKA 6:40

Cangzoo: gi sara: tho' moo aje gyi:- nghoid loug we' Phajhi" bain jhau" yu lang" gi cangzoo: we' sara: yhangti" bui" wa nghoid.

LUKA 9:23

Houg: su" wi, nyang: gi-nyangnu" dangain" mo, ri nga" thang: moo cang noug su: hang" nghoid loug we' nyang: nya: gung ri ngeug pyam ca:. Hau: lho: nya: pyang" zeing ri nyid" khang" moo' vu, ci: lho: nga" thang: moo cang ca.

YOHAN 10:27

Nga" da" yang joem gi nga" da" dang: thui: ri tam" gyo: boem. Ngoo we' nyangnu" ri se' lho: nyangnu" we' nga" thang: moo cang ago".

YOHAN 12:26

Ngoo nyid da" jo, yooo moonga" dei zoo: we' yo" nyid wa shigre" Nga" moo" voin, noug su: gi nga" thang: moo cang ca. Nga" moozoo" ri voin, vu, su: hang" nghoid loug ri nga" phoo we' coung" byid: wa zi nghoid.

ACTS 2:45

Nyangnu" gi nyang: nya: da" ziyoo soid gain joem ri oung" pyam boem lho: wigi hau: ngei zi joem ri kha: yug khamyoo, ca" nyid khyo" cang wigi-nyang: cang" nyang: coem gam go" ci: boem.

HEBRE 10:34

Nanu" gi thung: lung" mo, ri we' nheig khyeug ago- nanu" da" soid gain ziyoo joem ri lhoid yu zi shau" lo da" uri gau yi ziyo' kham zo: boem bye- Khasu" wim gari abyo, abei lo da" soid gain daja: yoo" shi" zigi nanu" se' ago".