MATHE 19:19 - Lacid Common Language Bible

¹⁹ Myhi, phoo ri phau" myang: ge' re" yhoem: kyoo" cang" ri nanya: gung yo' dakhyoo" ti" jheddab we'» ga: tid kyo.

MATHE 19:19 교차 참조

THU' LO" MOUGSOUG" 20:12

Ngoo nanu" ri byid: wa da" mungdain: moo kangso' sheing: nyid goo" baja" nanu" da" nya: phoo yo' nya: myhi' ri phau" myang: nyid ge'.

DANG: ZHOEM 30:17

Nya: phoo ri yinoug tu' pyam, lho: nya: myi, mang: lo" ri anoug ashoo" koid su: hang" nghoid loug we' join yu joem wigi phyo' zo: pyam wa zi moin: yi" nyid. Anghoid lang" gi nya: myojid" ri kano, joem wigi thei" phoug pyam, byid: wa zi moin: yi nyid.

XOIN" NGEI" 19:18

Hang" ri we' latoo: aphug goo". Anghoid lang" nyang: ri angheing" nyid goo". Re" yhoem: kyoo" cang" ri nanya: gung yhang: ti" jheddab nyid we'. Ngoo Aseing nghoid.

XOIN" NGEI" 19:3

Nanu" yugkhang" moo" gi nanu" da" yhed yo' ba" ri phau" myang: nyid ge'. Ngoo amyeing" byid: to" ziyo' dayhang: ti" Dougno: Bidnyid ri cang nyid ge'. Ngoo gi nanu" Aseing Mangsoo nghoid.

MATHE 19:20

Hau: da" zoolu: phoo we' «hau: da" tarha" dangain" ziri ngi, shi" pyaid mo, bain cang nyid bye:. Ngoo gootu: ce: noem cang ca" shi" lha"» ga: doem myid.

MATHE 22:39

Eig loem: moo gyi: thang da" tarha" gi ‹re" yhoem: kyoo" cang" ri nanya: gung yo" dakhyoo" ti" jheddab we'› ga: da" tarha" nghoid.

MATHE 5:43

«‹Re" byumyu" ri te: jheddab lho: re" gyivoo yi rigi anoug angei koid we'› ga: da" dang: gi nanu" shau" gyoo: goo" wam: bye.

LUKA 10:27

Hau: yug tid zigi Re" da" Aseing: Mangsoo ri Re" nheigloem: soo zoo: dangain"- Re" yoemso' dangain"- re" nyain: phajhi" dangain" yo' jheddab we'. Re" yhoem: kyoo" cang" ri nanya: gung yo' dakhyoo ti" jheddab we' ga: doem tid.

Roma 13:9

Khasu" wim ga: ri subi" myiyi: alhoid'. Byu asaid'. subi" da" zi akhoug" - myo, no: vhoo: aboo ga: da" Moshe tarha" yo" goo tu: da" tarha" dangain" gi re" yhoem: kyoo" cang ri nanya gung yo" dakhyoo" ti" jheddab we' - ga: da" tarha" moo jhung: shoem: nghoid bye.

GALATI 5:14

Khasu" wim gari re" yhoem: kyoo" cang" ri nanya: gung yo' dakhyoo" ti" jheddab we' ga: byid: to" da" dang: dakhoin" ricang pyeung ziyo' toung: to" da" tarha" dangain" ri bain' cang zi bui" bye.

TARHA" TID POIN" 5:16

«‹Nanu" Aseing Mangsoo ngoo nanu" ri amyeing" byid: to" ziyo' dakhyo" nanu" nya: phoo yo' nanu" nya: myhi' ri phau" myang: ge'. Houg: lang" nanu" nyid gi yab ge lho: ngoo nanu" ri byid: wa nghoid da" mung" moo kang: sheing: sho' shoug" nyid boem wa.

YAKU 2:8

Nanu" gi nanya: yhoem: kyoo" cang" ri nanya: gung yo' dakhyoo" ti"- jheddab goo" ge' ga: bo da" dang: ri cang lo" rigi ge zi nghoid.