MATHE 19:17 - Lacid Common Language Bible

¹⁷ Yesu gi «nang gi ge da" moo" yo" sen: lho: cikoid: ngoori myid:- gi su: gi dayug za: date: nyid. Nang apyaid ato: da" kangso' yoo" nau nghoid rigi Mangso da" amyeing" tarha" ri cang we'» ga: tid.

MATHE 19:17 교차 참조

NEHEMIA 9:29

Nang gi nyangnu" ri re" jhau" shid khyoo: joem ri cang wa shid re" tid poin" da:. Nghoid loug we' re" tarha" cang zigi kangso' dei khyoo: nghoid loug nyangnu" da" nghoid boin: myid yo' re" tarha" ri ngeug he: pyam ago". Nyangnu" gi myo, yang" ziyo' nheigloem: thain: yoomo anau cang nghoid ago".

COUNG" NGHEI 119:68

Nang gi khayhi' gyeing" ge lhoo su: nghoid ziyo' nheig khayhi' se' khyeug su: nghoid nhung: lha". Ngoo ri: re" amyeing" tarha" joem jhau" byid: we'.

COUNG" NGHEI 52:1

Bugthu sheing" jhu" da" byu we"- nang gi ciyoomo re" da" akhyeung" khyoo: moo phau: khuang nyid lha". Mangso jeju" gi pyaid didu moo: dageung: teung jo.

EZEKIEL 20:21

Nghoid loug we' hau: xeig mo bang: we' ngoo ri pyi: sho: boem ago". Hau: ziri phau" cang da" yugkhang" moo" ri kangso' byid: da" nga" tarha" ri phyo' shoin' pyam lho: nga" amyeing" dang: ri azoem: nghoid ago". Nyangnu" gi Dougno: Bidnyid ri aco' ajhoid koid pyam da:. Ngoo gi nyangnu" ri hau: dain" pyoid yoo moo nga" nheig joem: yo: ziri kham zoo: nhang: wa yo' nyangnu" dangain" ri said pyam wa jen" jen" nghoid bye:.

XOIN" NGEI" 18:5

Ngoo nanu" ri byid: to" da" moo" yo' tarha" joem ri cang koid nyid ge'. Hougsu" koid khyo" wigi nanu" gi nanu" da" kangso' ri khyoid yu wa zi nghoid. Ngoo gi Aseing nghoid» ga: tid.

Roma 10:5

Moshe da" tarha" ri cang lho: Mangso: da" shid' moo deingbyeing" mo, yo" bue" lo da" khyoo: yo" lho: - Moshe gi tarha" cang mo gi kangso' dei nyid wa ga tid to".

YAKU 1:17

Ge, da" joeb byeung" jeju" dangain" gi moug: khung: mo bidbang joem ri phain" to" da" Mangsoo jang" mo wigi we"- gyoo" lo zi nghoid. Mangsoo moo khanham we' athed loo" alid loo" atoug" ashu: aphug asi: wim yoomo nyang: moo bid shoem: yoeb, bui" nhang: zi ci" we' aboo.

1 SAMUELA 2:2

Aseing yhang: te" gyeung" shang: zigi hang" we' anyid loo. Nyang: yhang: te" zi hang" anyid- ngoonu" da" Mangsoo yhang: ti" yo" goem loem byid: su: hang" we' anyid.