MATHE 18:35 - Lacid Common Language Bible

³⁵ Houg: su" nghoid yoomo nanu" gi mang: nhung" nyang: cang"- dayoug da" yooboo ri dayug- re" da" nheigloem: ung: khoug: mo, gyeing" gyeing" khyoid pyam byid: go" nghoid rigi Mougkhung: tho' mo Nga" phoo we' nanu" da" yooboo ri gyeing" gyeing" khyoid pyam byid: wa zi nghoid ga: wigi jhoug" byid.

MATHE 18:35 교차 참조

DANG: ZHOEM 21:13

Nang gi myoung shoo" su: yoid, ngau nyid ziri atam" gyoo: byid: nghoid rigi pang" thoug byid: wa shid re" nanyang: ngau yoid thui: ri hang" we' tam" gyoo: byid: wa zi anghoid.

DANG: ZHOEM 21:2

Nang koid zi ja: khang" moo" gi joo bye: ein: nghoid loug we' nang myid da" khyoo: ri Aseing gi yu" nyheing byid: nyid ziri boin: soo" we'.

YEREMIA 3:10

He: gu: dangain" bain thang: ri Israela da" jhug azug da" bi: nhung" Yuda gi nga" jhang doem lheing: tau" loo goin koid mhoug wigi gyeing" ga: ri hougsu" anghoid. Ngoo Aseing tid bye:.

ZEKHARIA 7:12

Nyangnu" gi nyangnu" nheigloem: ri lugzeing su" thain: nhang: to" ago". Khasu" wim ga: ri nyangnu" gi shid phyang" mo lapi: yi khyo" tid kaid da" nga" jhoug" myeing" ri acang yoomo ngoo gye" nheig yoo: nau loo bye:.

MATHE 18:34

khokham" gi nheig gye" yu" yo: wigi hau: da" deizoo: ri we' jhen: abain xab' xab' gi thung: moo lhung to".»

MATHE 6:12

Subi" ngoonu" ri shoid' da" yooboo- ngoonu" khyoid pyam' byid: yhangti"- ngoonu" da" yooboo ri we' khyoid pyam' byid: we'.

MARKU 11:25

Nanu" akyu" mho' yab, jo, uri nanu" ri shoid too" mo, da" yooboo ri khyoid byid: ge' Houg: lang" za: moug: khung: tho' mo Phoo, Mangsoo: gi nanu" shoid vhang: da" yooboo joem ri we' khyoid pyam byid wa nghoid.

MARKU 11:26

LUKA 16:15

Yesu gi nanu" ri nyang: nya: da" gung du: ri byu gi yi nghoid ga: subi" ri myang nhang nau ago". Nghoidloug we' Mangsoo: gi nanu" da" nheigloem: ri se' nyid. Byu yi gye" vho: ngei jheddab nyid da" zigi Mangso da" shid' khoin" moo gi ce: phoug" adab da" zi anghoid.

YAKU 2:13

Khasu" wim gari Mangsoo gi nheig ase' khyeig su: ri nheig akhyeig loo: za: dang: phyed' byid: loo wa zi nghoid. Nghoid loug we' nheig khyeig shoo" myen: khyoo: gi tahra" dang: phyed' khyo: tho' moo yoem: je bo.

YAKU 3:14

Nghoid loug we' gyeing" nyang: ga: rigi nanu" da" nheigloem: khoug: moo no" zo nheigloem:- nheig yo: da" nheigloem: yo' nya: akyu" za: shoo: nau ziyo' nghoid boin: phau: khuang khyoo: yo' za: byeung" jo, nghoid rigi hau: deungmain" da" khyoo: ri shoid vhang: khyo" koid nyid zi nghoid.

YAKU 4:8

Mangso jhang yu: tain" ri" ge'. houg: lang" Mangsoo we' nanu" jhang khyoo: yu: tain" loo wa yooboo yoo" bang: we" nanu" da" lo, ri cid" pyam' ge' nheigloem: eigkoo, boo mo, we"- nanu" da" nheigloem: ri cid" shang: pyam ge'.

Pang Shug 2:23

Nya: thang: cang mo, ri we' ngoo said' pyam loo wa. Houg: lang" ngoo gi yug khang" mo" da" nheigloem: yo' myid soin: khyoo: joem ri myang kyang nyid su: nghoid ziri phung yi dangain" se' lo boem wa zi nghoid. Nyangnu" nya: da" lo, moo" yo' dakhyoo" ti"- aphoug" ri ngoo byid: loo wa zi nghoid.