MATHE 18:33 - Lacid Common Language Bible

³³ Nang ri ngoo nheig khyeig yhangti"- nang we re" da" byen cang" ri nheig ge khyeig anghoid rhe" ga: tid.

MATHE 18:33 교차 참조

MATHE 18:32

Houg: lang" khokham" gi hau: da" moo" voin su: ri khe: yu lho: He: da" deizoo: gang:- nang ngoori toung: pain: da" uri nang xab' ca" da" jhen: dangain" ri ngoo kho" pyam byid: bye: anghoid la".

MATHE 18:34

khokham" gi nheig gye" yu" yo: wigi hau: da" deizoo: ri we' jhen: abain xab' xab' gi thung: moo lhung to".»

MATHE 5:7

«Subi" ri nheing se' khyeig mo, gi ngilho' boem wa. Khasu" wim gari nyanu" nyang: ri Mangsoo nheig khyeig zi doem shau" boem wa.

MATHE 6:12

Subi" ngoonu" ri shoid' da" yooboo- ngoonu" khyoid pyam' byid: yhangti"- ngoonu" da" yooboo ri we' khyoid pyam' byid: we'.

Ephesu 4:32

Hougsu" koid wa da" gung khoo: gi nanu" nyang: cang" nyang: nheig khyeig go" khyoo: nheigloem: nu" nham, ziri toin" shid go" nyid wigi Mangsoo gi Khristu khyo" wigi nanu" da" yooboo ri khyoid pyam byid: bye: ziyo' dakhyoo" ti"- nanu" we' nyang: cang" nya: da" yooboo ri khyoid pyam' byid: go" nyid ge'.

KOLOSE 3:13

Nanu" mo dayug yug da" atho' moo yooboo foin: jang: jo, nghoid rigi nyang: cang" nyang- kham, zeing: go" ziyo' nyang: cang" nyang: yooboo ri khyoid pyam' byid: go" nyid ge'- hau: Aseing: gi nanu" da" yooboo ri khyoid pyam' byid: bye: ziyo' dakhyoo" ti"- nanu" nyang: cang" we' yooboo ri khyoid pyam byid: goo" ca" nyid.