MATHE 18:27 - Lacid Common Language Bible

²⁷ Khokham" gi nyang: ri nheig yu" khyeig yoomo nya: jhen: joem dangain" ri lhid" xoem" pug mo kho" pyam byid: lho: lhoid pyoid kaid bye.

MATHE 18:27 교차 참조

NEHEMIA 9:17

Nyangnu" gi tam" gyoo: cang yhi: wa shid re" ngeug he: pyam ago". Nyangnu" gi nang koid lid lo zi dangain" ri to" myid pyam ago". Nyangnu" gi nang koid da" mau" pho" alhoo: again joem ri to" myid pyam ago". Nyangnu" nghoid boin: yoomo nyangnu" gi nyangnu" ri Egutu khyoo: doem shu" tau" phang: wa vhujhung: dayug ri khyen: ago". Nghoid loug we' nang gi yooboo khyoid byid: da" Mangsoo nghoid da:. Nang gi jeju" byeung" lho: jheddab myid bo ziyo' nheig yoo: wa ahain: su: nghoid da:. Re" nheig khyeug myid gi gyi: sheung: da:. Nang gi nyangnu" ri ashe: pyam too" nghoid da:.

COUNG" NGHEI 145:8

Aseing gi jheddab ziyo' nheig se' khyeug su: nghoid yoomo nyang: gi nheig khoo" yo: khyoo: ri yo" kham: zeung: ziyo' athang agoin jheddab myid yo' byeung" jo.

COUNG" NGHEI 78:38

Nghoid loug we' Mangsoo gi nyang: byu yiri nheug khyeug nyid. Nyang: gi nyangnu" ri atoem" pyam loo: za: nyangnu" da" yooboo joem ri: khyoid pyam byid: lho: nyang: gi nya: nheigloem: nge" khyoo: ri myoo" sho' lheing: jham" loo" nhang: wigi nyang: nheug yo: khyoo: ri zeung: pyam nyid.

COUNG" NGHEI 86:15

Nghoid loug we' Aseing we" nang gi nheug khyeug shoo" myen: se' ziyo' jheddab se' da" Mangsoo nghoid. Nang gi khanham we' kham zeing: su: nheigloem: zung" su: yo' nheug khyeug su nghoid.

COUNG" NGHEI 86:5

Nang gi ngoonu" tho' moo ge nyid su: nghoid yoomo yooboo ri khyam" sa: byid: nyid. Nang ri akyu" mho' nyid mo, dangain" bang: shid re" re" da" geung: teung jhed khyeing: kang: khyeing: ri joeb, joeb, byeung" byeung" kham: zoo: nhang: nyid bye:.

HOSEA 11:8

«Israela byumyu" yi we" nanu" ri khasu" tho' se' to" pyam wa la". Nang ri ngo wigi khasu" tho' she: pyam khoo' wa la". Adma ri ngo wigi phyo' shoin' pyam ziyo' dakhyo"- anghoid lang" Zeboim ri ngoo baid yhang: ti" nang ri ngoo khasu" se' koid wa lug la". Nga" nheigloem: gi hougsu" koid wa shid re" agyoo: wa. Nang ri jheddab da" nga" nheigloem: gi gye" gyi: sheung: nyid da:.

MATHE 18:28

«Nghoidloug hau: yug gi houg: mo thu' lo" da" uri nyang: ri ngei jhen: daxoo: dab da" nya: byen cang" dage" moo" zoem" voin, su: yo" thoung" shau" goo" lang" hau: jhen: dab su: da" leingzeing: moo gya, zeing ci: lho: wigi nang ngoori byid: ca" da" jhen: myab xab' we' ga: nhain.

MATHE 18:32

Houg: lang" khokham" gi hau: da" moo" voin su: ri khe: yu lho: He: da" deizoo: gang:- nang ngoori toung: pain: da" uri nang xab' ca" da" jhen: dangain" ri ngoo kho" pyam byid: bye: anghoid la".

LUKA 7:42

Nya: eig yug gi jhen: ayo" xab loo: yoomo jhen: seing: gi hau: eig yug goin" da" jhen: ri khyoid pyam byid: bye. Hau: eig yug mo kha: yug gi jhen: seing: ri je jheddab wa lha"» ga: myid:.

LUKA 7:43

Simun gi «ngei je myo: khyoid pyam byid: su gi je jheddab wa» ga: tid. Yesu gi «nang myid soin khyoo: gi jo» ga: tid.

TARHA" AGYI 10:16

Houg: yoomo nyangnu" gi nyangnu" da" tungbau yu phara" joem ri yu pyam lho: Aseing ri noku ago". Nyang: gi Israela byumyu" yi da" yau: khe" kyi" khyeug ziri nheig yo" khyeug byid: da:.