MATHE 17:2 - Lacid Common Language Bible

² Nyangnu" da" shid khoin" moo Yesu da" gungdu: gi goo" zang" led loo" khare". Myonhoo: gi bid yhangti" doug bang lho: void to" da" byimi we' doug bang lo.

MATHE 17:2 교차 참조

COUNG" NGHEI 104:2

Nang gi re" da" gung moo: bidbang ri void ci: da- nang mougkhung mougdi ri zoem" yhang: ti" pei: khang" to" wigi

SHOLUMON JIKHOIN" 6:10

Nyang: gi bid yo' lhammoo" yhang: ti" doug bang wigi young" gyeing: nyid. Gooyug hang" su: gi myo, myang yid, ti" yo" bang nyid wa la".

MATHE 17:1

Khyug nyid" koo: myang" thang: ri Yesu gi Petru Yaku yo' nya: nhung" Yohan ri khe: shu" lho"- myhang: da" boem tho' khyoo: nyangnu" kyeing" do, lo" boem.

MATHE 17:3

Hau: lho: cangzoo: soem" youg bang: gi Moshe yo" Elia thu' lo lho: Yesu yo" doem, go" nyid zi zheung: myang boem.

MATHE 28:3

Nya: da" aved asam" gi lhab su" myeig nyid wigi nya: da" byimi gi gyu: su" bo" bang lho: nyang: thu' re".

MARKU 9:3

Nya: byimi bang lo ziyo' bang: bang: phyu: loo". Moug: myid tho' mo byimi cid" zoo: mo, hang" we' houg: yhi' bang: bang: phyu: sho' ayo" ced" phyu: nghoid ago".

LUKA 9:29

Nyang: akyu" mho' nyid uri nya: myo nhoo: gi thed' loo khare" wigi nya: byimi joem gi yeing: yeing: lo,- moin: moin: phyu loo" khare".

YOHAN 1:14

Mungdang gi Byu gung bue" lo lho: Jeju" yo" deingmain" khyoo: byeung" zoore"- ngoonu" jang" moo re" nyid bye. Ngoonu" gi nya: da" Phung" yoeb ri yo" myang boem bye. Hau: da" phung" yoeb gi Nya: pho, zooti" zoo: khyo" yo" kham: yu da" myonhoo: phung" yoeb nghoid.

YOHAN 17:24

O" nga" phoo we"- Moug aphain" myid aphain" shi" mo Nang ngoori jheddab yoomo byid: to" da" myonhoo: phung" yoeb' ri Ngoori nang byid: too" mo, myang se' loo wa shid' re" ngoo nyid da" joyoo moo nyangnu" ri we' nyid nhang: nau.

Roma 12:2

Nanu" gi mougmyid asam" aved ri acang nyid goo" nanu" gi Mangsoo: ri nyang: tu: nya: da" nheigloem: xoug" bain' sho' thed' pyam' lho: nheigloem: ung: khoug: aseig khyo" kham: yu ge". - Hougsu" koid' lang" gi geda" khyoo: - Mangsoo: vho: da" khyoo: ce: yooboo foin: jang: ajo lo: da" khyoo: ga: da" Mangsoo: vho: da khyoo: gi ci nghoid ga: ziri nanu" yo" se' lo boem wa.

Pang Shug 10:1

Hau: thang: ri yoem: moo" bo da' moug: lagyoo: gootu: dayug gi moug: khung: mo gyoo" lo ziri ngoo myang- Nyang: ri jhoem" moug" thoeb, to" lho: nya: da" vhuloem lheing khab, moo- seing: yhang: lheung kham, to. Nya: da" myonhoo: gi bid yo' du lho: nya: da" khyid: gi myizeing joem ti" du nyid.

Pang Shug 20:11

Hau: thang: moo phyu: da" zhung: tang yo' hau: tho' moo zhoung: jo, su: ri ngoo myang- Nya: da" myo, shid' ti: mo wigi mougmyid yoosoo" yo' moug: khung: moug di gi bei: loo" khare" lho: hau: eig ja: gikhanham we' adoem myang loo.