MATHE 16:28 - Lacid Common Language Bible

²⁸ Ngoo nanu" ri deung" deung" tid ba,- he: joyoo moo nyid mo, dayham" gi Byu nya: zoo: ri khokham" khyo" nyang gyoo" lo zi amyang shi" rigi ashid: goo" wa» ga: tid.

MATHE 16:28 교차 참조

MATHE 10:23

Davoo moo nanu" ri pyi: sho: loo lang" gi goo" voo khyoo phang: loo" ge'. Israela amyu" yi da" voogung joem moo nanu" moo" abain zei: shi" ri hau: byu da" nya: zoo: gi ju" gyoo" loo wam: bye.

MATHE 16:13

Aseing Yesu gi Kesare Philib moug: moo ju" lo" da" uri nya: cangzoo: yi ri «subi" gi byu da" nya: zoo: ri hang" nghoid ga: tid go" nyid ago" lha"» ga: myid.

MATHE 24:3

Yesu gi zhainlun boem tho' moo zhoung: jo, da" uri cangzoo: yi gi nya: jang" moo nyangnu" kyeing" re" lho: nyangnu" myid: da" zigi «Hau: khyoo: gi kha: yo, kha u" moo bue" loo wa lha". Aseing doem gyoo" loo wa da" bidnyid yo' he: da" thang lo" da" jang" moo ce: ja: alhoo: again myang thu' loo wa lha". ngoonu" ri tid kyoo" we'» ga: zheung: myid: boem.

MATHE 24:34

Ngoo nanu" ri deung" deung tid ba"- he: da moo" bain sho' gi akhid" dei nyid mo abain shid: shi" ri boin: nyid ge'.

MATHE 24:42

Houg: su" nghoid yoomo zed" lhid zoore" lang" nyid ge'. Nanu" da" Aseing: gi kha: yo, khakhyeing: moo gyoo" loo wa zi nanu" asi.

MATHE 26:64

Yesu gi «nang nyang: tid abye: nghoid loug we' akhid" mo byu da" nya: zoo: gi myhang: thang su: da" lo, yo shoid moo zhoung: jo ziyo'- moug khung: mo jhoem: moug" zhoung: lho: ju" re" ziri nanu" myang boem wa» ga: nyang: ri tid.

MATHE 8:20

Yesu gi «zeigni joem gi khyung: yo" ago"- moug moo dang: yen" da" ngho' zoo: joem we' soid jo: ago" hau: byu nya: zoo: koem gi vhuloem too" jang: we' ajo,» ga: nyang: ri tid.

MARKU 13:26

Houg: lang" byu nya: zoo: gi yoem: so' phung" yoeb yo' dage" jhoem: moug khyoug: moo re" ziri nyangnu" myang boem wa.

MARKU 8:38

Khasu" wim ga: ri Mangsoo ri aloem khau: ziyo' akhyeung" ashoeb da" he: pyaid moo ngoo yo' nga" jhoug myeung" ri sho' su: hang" nghoid lug we' byu nya: zoo: gi nya: pho, phung" yoeb bang yo' gyeungshang: da" moug: lagyoo: yi yo' dage" ju" re" da" uri nyang: ri sho' thu' nhang wa nghoid.

MARKU 9:1

Houg: lang" nyang gi nyangnu" ri ngoo nanu" ri gyeung" nyang: tid zigi Mangso mungdan gi yoem: so' yo' ju" re" ziri ashau" myang myang gi hid: Moo nyid mo, mo dayham" gi ashid: shi" goo" wa, ga: xo' tid.

LUKA 18:8

Nanu" ri ngoo tid zigi Aseing: Mangsoo gi houg: bang: shid' re" myab myab dang: kho" byid: wam: bye. Houg: nghoid loug we' Byu da" nya: zoo: doem gyoo" lo da" uri He: mougmyid mo loem" jeing" mo, ri re" myang shi" wa la"» ga: tid.

LUKA 2:26

Gyeungshang: da" Venyi: gi nyang: yo" dage" nyid. Nyang: gi Mangso dang: theing to" da" Meshia ri ashau" noku ku" gi ashid: wa" ga: gyeungshang: da" Venyi: khyo" wigi ayoeb abang ri yo" kham: yu nyid su: nghoid.

LUKA 9:27

Nanu" ri ngoo deing" deing tid ba- he: khyi, moo nyid mo, mo dayham" Mangso mungdain ri amyang myang gi ashid: shigoo" wa.

YOHAN 21:22

Yesu gi ngoo doem gyoo" re" da" bidnyid ju sho' nyang: ri dei nyid nhang: nau nghoid rigi houg: gi nang yo' ci: sen: lha". Nang gi nga" thang: cang we' ga: tid.

YOHAN 8:51

Deing" deing nanu" ri ngoo tid ba- Nga" da" jhoug" myeing" dang: ri tam" gyo: yu su: gi khanham we' shid: wa zi anghoid ga: tid.

YOHAN 8:52

Nyangnu" gi nang gi yu vang ci: su: dayug nghoid da" khyoo: ri akhid" ngoonu" yo" si' bye. Abraham gi shid: led: loo" bye:- Lapi: yi we' shid: led: loo" bye. Houg: su" danghoid ri nang gi nga" dang: tam" gyo: yu su: gi khanham we ashid: wa ga: tid.

ACTS 1:11

Galile byu yi we"- nanu" ciwim wigi moug: khung: khyoo: nghang yu" nyid go" la". Nanu" shid khoin" mo moug: khung: khyoo: to' yu shau" da" hau: Yesu gi-moug: khung: khyoo: do, lo" ziri nanu" myang ziyo' dakhyoo" ti-houg: su" nyang: doem gyoo" ri" wa zi nghoid- ga: tid kyo.

1Korinthians 15:23

Nghoid loug we'- byu yug khang" moo" gi nyang: nya: da" too' eung: da" ayo, moo: doem tu: to' kaid wa zi nghoid. Khristu gi dangain" mo, da" shid' khyoo: doem dei to' loo" bye- hau: thang: ri Khristu doem ju" re" da" ayo, mo nyang: yo' sen: bang: doem dei to' loo wa zi nghoid.

1THESALONI 1:10

Moug: khung: moug: di khyo" ju" ri" wa da" Mangso nya: zoo: ri dalang" nyid boem ziri we' hau" byu yi dangain" mo, gi tid fu" nyid boem abye: go- Hau: nya: zoo: Yesu gi shid: bye: jang" mo Mangso wigi doem dei to'' loo nhang: yoomo ju" loo wa da" Mangso nheig yo: lo bidnyid mo, nanu" ri khyoid khyi: yu su: nghoid nyid.

HEBRE 2:9

Nghoid loug we' ngoonu" shau" myang su: gi Mangsoo jeju" yoomo dangain" bang: shid' re" yo" kham" shid: sho' ayo, aboin: daso' za: uri moug: lagyoo: yi vhoo: moo khyo, nyhoem: pyam' shau" da" Yesu Khristu nyang: nghoid nyid. Hau Aseing koem gi shid: loo" no lo" da" kyi" khyeug khyoo: ri kham : yu bye yoomo Akhid" gi myonhoo: phung" yoeb da" bidmug zhung" byid: too" bye: ziri ngoonu" shau" myang boem bye.

YAKU 5:7

Hougsu" nghoid yoomo mang: nhung" yi we"- Nanu" gi Aseing: gyoo" lo da" ayo, ju" sho' zeing: kham lho: nheig byu zoore" dalang" nyid ge'. Yoo thung" phug su: gi nya: yoo thung" mo phoug" dab, da" amyoug: ashi" ri yo" yu sho-zain moug: vo shid" lo jang" mo zi lid" jhin" yu: moo ju" sho' yoem: kaid zeing: shang" lho: lang" nyid.

2PETRU 1:16

Ngoonu" da" Aseing Yesu Khristu da" yoem: moo" phung" yoeb yo' ju" re" da" khyoo: nanu" ri si' nhang: wa da" shid re" ngoonu" gi byu yi koid: zheung" koid to" da" moomyed: ri ayang: koid khyoo: akoid boem loo. Ngoonu" nya: myu, jid" yo' nyang:- nya: da" gyi: sheung reung: da" khyoo: ri nyang:- shau" myang boem bye.

1YOHAN 2:28

Nghoid bye"- myi: yi: zoo: yi we"- nyang: thu' myhang lo da" bidnyid ri nanu" gi sho' gyoug lho: phang: gau" yen" anoo" wa shid' re" nya: shid' khoin" moo asho' agyug loo: yo" yab, jo, sho' nyang: yo' daloem: za: dakoid nyid ge'.