MATHE 16:21 - Lacid Common Language Bible

²¹ Aseing Yesu gi Yerusalem voo moo" khyoo yhe: lho: Mangso khyoo: yo" sen: da" vhu" jhung: yi khainjung moo" yi yo"- Tarha" sara: yi da" lo, moo said kham: noo kham: loo" wa da" khyoo: ri we' soem" nyid" nyid" ri shid: jang" mo doem dei to' loo wa da" khyoo: ri we' hau: ayo, mo nya: cangzoo: yi ri bang bang tid kyoo" bye.

MATHE 16:21 교차 참조

MATHE 12:40

Yona gi ngoo: zeing da" voem: doug khoug: moo soem" nyid soem" myen, loung" jo, yhangti"- Byu da" nya: zoo: gi myidjang: khoug: moo soem" nyid" soem" myen, loung" jo, wa zi nghoid.

MATHE 16:22

Petru gi Yesu ri khe: kang" yhe: lho: «Aseing we" nang tid da" khyoo: gi nang moo abue" loo baja"- Mangoo gi toem too" baja"- Aseing gi he: da" moo" khanham we ayo" bui" wa» ga: wigi gyikoid.

MATHE 16:28

Ngoo nanu" ri deung" deung" tid ba,- he: joyoo moo nyid mo, dayham" gi Byu nya: zoo: ri khokham" khyo" nyang gyoo" lo zi amyang shi" rigi ashid: goo" wa» ga: tid.

MATHE 17:12

«Nanu" ri ngoo tid nau da" zigi Elia gi gyoo" loo bye. Nghoidloug we' byu yi nyang: ri asi yoomo nyang: ri cinoug cikoid lo abye: go. Houg: yo' dakhyoo" ti" Nyangnu" gi byu da" nya: zoo: ri we' Houg: bang: da" lo, moo kyi" khyeug shen" yhen zi kham: wa» ga: wigi tid.

MATHE 17:9

Hau: thang: ri Aseing Yesu yo' nya: cangzoo: yi gi boem mo doem gyoo" lo ago". Houg: su" zheung: gyoo" lo da" uri Aseing Yesu gi «nanu" shau" myang bye: da" khyoo: joem ri Byu da" nya: zoo: shid: jang" mo doem dei to' lo da" bidnyid ju" sho' hang" ri we atid kyoo" goo"» ga: wigi cangzoo: yi ri toung: to".

MATHE 20:28

Khasu" wim gari Byu da" nya: zoo: lang" Su" be" ri deizoo:, zoo: wa ga: ju" re" zi anghoid. Sube" da" dei zoo: koid: wa ziyo'- Byu myoo" sho' ri khyoid yu wa shid re"-nya: kangso' ri byid: pyam wa ga: daju" re"» ga: Yesu tid.

MATHE 26:2

«Lhid: kaid" da" pui" ju" wa zi nghoid. Hau: uri byu da" nya: zoo: ri said pyam wa shid re" sube" da" lo, moo" ab pyam beom wa nghoid.»

MATHE 26:47

Houg: su" ga: Aseing dang: da tid nyid shi" uri nyang:- cangzoo: daxe: eig yug moo bo da" Yuda gi thung" keing:- sham: lham: ci: da" byu myoo" sho' mo yo" dage" ju" ri" bye. Houg: bang: gi khainjung moo" yi yo" phung nheig boo yi wigi nhang: kaid mo, nghoid.

MATHE 27:12

Nghoidloug we' khainjung agyi yi yo' Yuda zoug: yi yooboo foin: da" khyoo: ri Yesu gi dakhoin" we' aphoug tu.

MATHE 27:63

«Zoug: Phoo we"- hau: da" byu mhoug phoo gi dei nyid shi" uri ‹ngoo gi shid thang" mooseom" nyid ri doem dei loo wa› ga: nyang: tid tid zi ngoonu" xoem" too" shi.

MATHE 28:6

Nyang: gi hid: moo: anyid loo:- nyang: tid ziyo' dakhyoo ti" dei to' loo bye. Re" yu" ge' nyang: ri kaid to" joyoo ri yu" yu" ge'.

MARKU 8:31

Yesu nya: cangzoo: yi ri jhau byid: zigi byu nya: zoo: gi khyeug shu: da" khyoo: myoo" sho' ja: kham: zoo: ca" wa nghoid-zoug: ludaid, yi Khainjung zeing yi yo' tarha" sara yi wigi ngeug pyam zi shau" lho: said pyam zi shau" wa. Nghoid loug we' soem" nyid lang" doem dei to'' loo wa ga: jhoug" byid.

MARKU 9:12

Nyang: doem tid zi gi nyangnu" ri ja: khang" moo" jen" jen" soin' nyheung too" wa shid re" Elia gi gyeung" nyang: xang: shid" ju" ri" wa nghoid. Nghoid loug we' jhoem: mungdang: moo byu nya: zoo: gi khyeug shu: zi myoo" sho' kham zo: lho: ngeug pyam zi toung" shau" wa ga: cikoid tid to lha".

LUKA 17:25

Nghoidloug we' He: pyaid mo byu yi da" keing" pyam ziyo'- jamjau zi xang: shid" shau" wa zi nghoid.

LUKA 24:46

Nyang: nyangnu" ri tid zigi Meshia gi kyi" khyeug kha, lho: hau: thang: ri shid: jang" mo soem" nyid" kyoo: lang" doem dei to' loo wa ga: lhid" to".

LUKA 9:31

Nya: eig yug gi moug: khung: phung" yoeb, yo' thu jhu, lo wigi Yesu gi atoung" myang" ri Yerusalem voomoo" moo shid: kham: khyo" wigi Mangsoo myid' vho: khyoo: ri joeb, byeung" loo" nhang: wa ziyo' sen: lho: wigi Yesu yo' zheung: doem, go" nyid go".