MATHE 16:17 - Lacid Common Language Bible

¹⁷ Yesu gi «Yona da" nya: zoo: Simon we"- nang ngilho' bye. He: khyoo: gi Xangsu: byu dayug yug nang ri toin" shid' zi anghoid. Mougkhung: mo nga" phoo Mangsoo toin shid yoomo za: nang dayo" se' ga: tid.

MATHE 16:17 교차 참조

ESAIA 54:13

Re" voobyu yiri ngoo nyang: jhau" shid wa. Nyangnu" ri yoo" zoo: yoo" shug khyoo: yo' ngei pyo: yug yo khyoo: ri byid: wa.

LUKA 22:32

Houg: yoomo Simun e" re" da" loem" jeing" nheigloem: emyid geing: teing wa shid' re" ngoo akyu" mho' byid: bye. Nang doem boin: gyeing: lo da" uri re" mang: nhung" yi ri yoem: doem lung: byid: ca" wa"- ga: tid kyo.

YOHAN 1:42

Hau: thang: ri nyang: gi Simun ri Yesu jhang khyoo: khe: shu" yhe. Yesu gi Simun ri yu" lho: tid zigi ‹‹Nang gi Yohan nya: zoo: Simun nghoid. Nghoidloug we' nang rigi Kepha ein: myheing wa zi nghoid. (Hau: zigi Petru ga: ziyo' du: lho: lung: moo" boem ga: da" dangkang: bo.)

YOHAN 6:45

Lapi: yi da" jhoem: dang: moo Houg: bang: dangain" gi Mangso da" jhoug" myeing" jhoug" thui: ri kham: yu boem wa ga: bo. Houg: su" nghoid yoomo Phoo Mangso da" jhoug" myeing" ri shau" gyo: lho: phoo jang" mo, thung" lid kham: yu mo, dangain" gi nga" jang" moo jure" boem bye.

1Korinthians 15:50

Mang: nhung" yi we"- ngoo nanu" ri tid kyoo" nau da" dang: gi suid" shoo" yo' phain" so: to" da" gung doem: gi Mangso mungdain ri- agyid asoo: khyo" ayo" kham: yu ziyo'- se' shid: byug da" gung doem: gi ase' shid: byug da" gung doem: ri ayo" seing: yu.

GALATI 1:16

Hau: thang: ri tung bau, byumyu" yi ri nya: zo: da" ngei bu: lu dang: kho" kyoo" wa shid re" nya: zo: ngoori toin" shid' da" uri ngoo gi hang" da" phajhi" byid: khyoo: ri we' amho, yu yu".

Ephesu 2:8

Khasu" wim gari loem" jeung" khyoo: yoomo nanu" gi Mangso da" jeju" khyo" za: khyoid khyi: yu zi shau" khyoo: nghoid. Hau: zigi nanu" yoem: kaid' yoomo yo" yu da" akyu" anghoid - hang" we' phau: khuang jang: ajo, baja"- Mangso da" jeju" jhung: shug za: danghoid.

Ephesu 3:5

Lai loo" bye: da" ayo, joem moo he: no, thang da" khyoo: byu xangsu: yi ri atid kyo" yu" shi"- Nghoid loug we' Mangsoo gi akhid" nya: da" gyeungshang: lagyoo: yi yo' Lapi: yi ri hau: venyi khyo" wigi pang shug byid: bye.

Ephesu 6:12

Khasu" wim gari ngoonu" gi byu xang: su: yi yo' khaid zain: go" nyid zi anghoid- moug: khung: moug: laid' phyoo" moo nyid da" akhyeing" ashoeb da" yu gyiphung: moo" joem yo' we' he: coid no, thu: jo, da" apyaid' ri vhoeb khang" nyid da" coid doem: boo" doem: da" zoug: yi amyeing" akhang" ci: bang: yo" we' zain: go" nyid boem.

HEBRE 2:14

Nya: zoo: yi ga: nyang: nyangnu" ri myheung byid: ziyo' dakhyoo" ti"- suid" shoo" kham: voin, da" byu yi nghoid ago- Yesu nyang: we' suid" shoo" kham: voin, da" xang: su: byugung re" kham: yu bye. Hougsu" kham: yu khyoo: gi shid: loo" no lo" da" khyoo: ri vhoeb khang" nyid da- yu join: da" yoem: vho" ri lhu: phyo' lhu: shoin, pyam byid: wa shid re" nghoid nyid.

1PETERU 5:1

Ngoo gi phung ludaid' dayug khyo" nanu" mo phung ludaid' yi ri mho' tung" pain: kaid. Ngoo gi Khristu kham' zo: da" kyi" khyeug khyoo: ri bo myang se' da" sag si: dayug khyo" thang: phyang" toin" shid' byid: loo wa da" myonhoo: phung" yoeb, ri-bo shau" kham: yu wa su: nghoid nanu" gi nanu" nyang: riab, byid: too" bye: da".

1YOHAN 5:20

Mangso nya: zoo: gi ju" re" nyid wigi deingmain" da" Mangsoo ri yo" se' yu wa da" nheigloem:- nyang nyhang" ri byid: too" bye: ziri nyhang se' nyid. Ngoonu" gi nya: zoo: Yesu Khristu yo' dadeing: daloem: za: koid lho: wigi dei nyid boem yoomo deingmain" da" Mangsoo yo' we' dadeing: daloem: za: bue" lho: dei nyid boem. Nyang: gi Mangsoo gyeing" nyang: nghoid nyid ziyo' athang agoin kangso' we' nghoid nyid.