MATHE 15:28 - Lacid Common Language Bible

²⁸ Houg: su" wi Yesu gi «Myiyi: zoo: we" re" da" loem" jeung" khyoo: gi gyi: jo, da. Nang vho: nyid khyoo: bui" baja" ga:» nyang ri tid. Hau: ayo, mo nyang: nya: myiyi: zoo: gi ge loo" khari" bye.

MATHE 15:28 교차 참조

YOBA 13:15

Ngoo gi nga" myid byu khyoo: dangain" ri ci: phyug pyam bye:. Hougsu" yoomo Mangso wigi ngoo ri said pyam nghoid rigi ciwim wa la". Ngoo gi nga" moo" ri nyang: jhang yhe: tid kyoo" wa.

YOBA 23:10

Nghoid loug we' Mangsoo gi ngoo so" yhe: da" khyid: byi khang" moo" ri se' da:. Nyang: ngoo ri joeb ca: yu" nghoid rigi ngoo gyeung" shang: ziri shau" myang wa.

COUNG" NGHEI 145:19

Nyang: ri gyoug phoug" bang: da" ca" yo, nyid khyoo: joem dangain" ri nyang: jhoeb, byeing byid: nyid wigi nyangnu" da" mho' yoid thui: ri shau" gyo: lho: nyangnu" ri khyoid yu bye:.

NGOUG JI: 3:32

Nyang: gi ngoonu" shid re" kougshu: nhang: nghoid loug we' ngoonu" ri jheddab khyoo: gi deung wigi yoem: bo nyid.

MATHE 14:31

Houg: lang" Yesu gi nya: lo, ri Petru jhang myab myab yhoin" kaid lho: zei: wigi tid zigi «loem" jeung" da" yoem: neing: su: we" ciwim wigi loem gyam nyid lha"» ga: tid.

MATHE 15:27

Myiyi: myhi, gi «Nghoid da: Aseing we"- nghoid loug we' lakhuid" joem lang" yhoem: seing: da" zoobui" mo gyo" da" voem cab' voem: thang: ge koid: zo: da:» ga: tid.

MATHE 8:10

Hau: dang: ri Yesu shau" gyoo: lang" gi nyang: gyo: mau" lho: nya: thang: cang mo, ri «nanu" ri ngoo jhug jhug tid ba- Israela amyu" moo lang" houg: yhi' loem" jeung" da" byu gi ngoo amyang yu" shi.

MATHE 8:13

Yesu gi hau: gyizoug: phoo ri we' «nang loo" re'- nang loem" jeung" ziyo' dakhyoo" ti"- nang moo bui" baja"» ga: tid kaid. Hau: uri nyang- nya: zooshang: gi ge lo" byug bye.

MATHE 9:22

Yesu lheing: yu" lho: nyang ri myang lang" «nga" zoomyi: zoo: we"- nheig ange nyid re" da" loem" jhing" zigi nang ri ze: ge abye:» ga: tid. Hau: ayo, mo wigi hau: myiyi: zoo: ge loo" bye.

MARKU 5:34

Yesu gi nyang: ri nga" zoo: we" re" loem" jeung" zigi nang ri gi byid: bye- yug yoo tung" loo" re'- nang kham, zo: nyid noo ge shang loo" baja"- ga: tid kaid.

LUKA 17:5

Lagyoo: yi gi Aseing: ri ngoonu" da" loem" jeing" khyoo: ri myo: loug loo nhang: we' ga: re" tid boem.

LUKA 7:50

Nghoidloug we' Yesu gi hau: myiyi: ri «Re" da" loem" jeing" khyoo: gi nang ri khyoid yu bye. Nheugloem: pyoo" pyoo: za: daloo" re'» ga: tid kaid.

LUKA 7:9

He: da" dang: ri Yesu shaug" gyoo: lang" gye" gyo: mau" nyid. Nyang: gi thang: moo cang lo da" byu phung: ri lheing: yu lho: ngoo tid zigi hid: yhi loem" jeing" da" khyoo: ri Israela byumyu" moo ngoo amyang yu" ashau" yu" shi" ga: tid.

2 THESALONI 1:3

Jheddab, da" mang nhung" yi we"- nanu" da" khyoo; yo' sen: lho: wigi Mangso jeju" ri nyhang" khanham we' coung" nghei nyid boem ca:. Hougsu" coung" nghei byid: da" khyoo: moo ngoonu" zei: wa zigi ngoonu" nyang: zei: ca" khyoo: nyang: nghoid bye- khasu" wim ga: ri nanu" da" loem" jeung" khyoo: gi gye" gyi: sheung: loo bye: ziyo' byu yi ri jheddab da" e" myed we' je" je; gyi: sheung: yang" deung lo nyid boem bye.

1 SAMUELA 2:30

Ngoo Israela byumyu" yi da" Aseing Mangsoo gi lid loo bye: da" ayo, moo re" ikoin deungkhu: yo' re" akung: ako' yiri khainjung moo" zoo" khyo" wigi pyaid goin" ngoo ri dei byid: wa shid re" dangsoo" to" too" bye: zi nghoid. Nghoid loug we' hau: zi khanham we' deing loo zi anghoid ein: ngoo tid. Hau: da" gungthid ngoo ri phau" myang: mo, ri ngoo we' phau" myang: wa zi nghoid. Ngoo ri anoug akhyoid koid mo, rigi ngoo we' anoug akhyoid koid wa zi nghoid.