MATHE 15:27 - Lacid Common Language Bible

²⁷ Myiyi: myhi, gi «Nghoid da: Aseing we"- nghoid loug we' lakhuid" joem lang" yhoem: seing: da" zoobui" mo gyo" da" voem cab' voem: thang: ge koid: zo: da:» ga: tid.

MATHE 15:27 교차 참조

APOEM AYANG: 32:10

Re" dei zoo: phoo ngoo gi nang ngoo ri toin" shed wa da" nheig khyeug shoo" gyo: khyoo: yo' nheigloem: zung" khyoo: dangain" ri kham moin: su: ngoo anghoid loo:. Ngoo gi Yodan gyid lang ri gu: byed loo kho' uri lhamdung: daloem: yo' gung koem: danghoid. Nghoid loug akhid" ngoo gi hid: su" eig phung: kho' lho: doem tau" lo nyid bye:.

EZEKIEL 16:63

Ngoo gi nang koid shoid lid: lo da" shoid moo" dangain" ri yooboo khyoid pyam byid: wa. Nghoid loug we' nang gi hau: joem ri myid boin: wigi re" nhoid ri ayo" foo' loo: sho' myid sho' loo wa» yoem: moo" bo Aseing tid too" bye:.

DANIELA 9:18

O" Mangsoo we"- ngoonu" ri tam gyoo: byid: la. Ngoonu" ri yu" yu" we'. Houg: lho: ngoonu" yau: khi" shoug" nyid ziyo' re" myeing voin da" voomoo" kham zoo: nyid da" yau: khi" ri myang byid: la. Ngoonu" gi ngoonu" jo zi koid da" gang mo anghoid. Nang nheig khyeug myid bo da" gang mo ngoonu" nang ri akyu" mho' nyid boem bye:.

MATHE 15:26

Yesu gi «zoo: yi: da" zoo: noem ri yu lho: lakhuid" joem ri du" byid: wa zi gi adu nghoid da» ga: phoug tid.

MATHE 15:28

Houg: su" wi Yesu gi «Myiyi: zoo: we" re" da" loem" jeung" khyoo: gi gyi: jo, da. Nang vho: nyid khyoo: bui" baja" ga:» nyang ri tid. Hau: ayo, mo nyang: nya: myiyi: zoo: gi ge loo" khari" bye.

MATHE 5:45

Houg: su" nghoid ri za: Mougkhung: tho' moo nyid da" phoo Mangso da" nya: myid: nya: zoo: yi gi nanu" yo" bui" wa zi nghoid. Khasu" wim gari agi mo, yo" gi mo, da" tho' moo nya: bid ri thu' nhang: nyid wigi deung byeung" mo, yo" adeung byeung" mo, da" tho' moo moug: ri voo byid: nyid.

MATHE 8:8

Houg: lang" gyizoug: phoo gi «Aseing we" nga" yhoem: khoug: moo nang vang ri" wa zigi amoin yi"- re" dang: dakhoin" za: tid kaid byid: we'. Houg: lang" nga" da" zooshang: gi ge loo" wam: bye.

MARKU 7:28

Myiyi: myhi, gi nghoid bye: sara we"- nghoid loug we' lakhuid" joem lang" zoo shang: yi zo: khyo, to" da" zoo: bue" gyid mo, voem: cab, joem ri shau" zo: ago"- ga: nyang: ri phoug tid.

LUKA 16:21

Sathi" pho da" zoobui" mo gyoo" da" voem: gyoo" voem: thang:- re" zhoo" wa shid' re" vhooloo kho" nyid. Lakhuid" joem gi nya: dam noo ri re" yo, byid: nyid boem.

LUKA 18:13

Nghoidloug we' kheing" khyu: zo: su: gi vi" moo yab jo, lho: mougkhung: khyoo: lang" avoem" nghang yu" loo za: O" phoo Mangsoo we"- yooboo shoid vhang su: ngoori nheig khyeig yu shi" we' ga: nya: yanggang moo baid lho:-tid nyid.

Roma 10:12

Phoo Mangsoo: gi byu xangsu: yi dangain" bang: da" kangso' Aseing: nghoid lho: - nyang: gi akyu" mho' mo dangain" ri joeb byeung" da mainkaid jeju" byid. Houg: yoomo Yuda byumyu" yo" - tungbau byumyu" - ga: suid" aphyed'.

Roma 3:19

Tarha" moo bo da" zi dangain" gi - tarha" khoug: moo nyid mo shid' re" za: danghoid da" khyoo: - byu yi da" kyiyang myeing da" nhoid' joem ri nghoeb' pyam' byid: wa zi yo" - xangsu: byu dangain" gi - Mangso: da" tarha" dang: phyed' da khyoo: ri kham nhang: wa shid' re" nghoid. da" zi ri akhid" ngoonu" se boem bye.

Roma 3:29

Mangsoo: gi Yuda byumyu" yi da" Mangsoo: za danghoid la". Tungbau byumyu" yi da" Mangsoo: gi abo nghoid la". Tungbau byumyu" Mangsoo: gyeing" gyeing" nghoid.

Roma 3:4

Gyeing" ga: rigi houg: su" ayo" tid. Byu yug khang" moo" mhoug nghoid loug we' - Mangsoo: gi deingmain" wa zi nghoid. Jhoem: mungdang: moo- nang tid to" dang: gi deing byeung" loo wa. Tarha" dang: phyed nyid" ri nang za: oung: loo" wa.- ga: lhid" to" ziyo' dakhyoo" ti" nghoid.

Ephesu 3:19

Nghoid bye"- nya: da" jheddab nheigloem: rigi khanham we' bain si wa zi anghoid- Nghoid loug we' nanu" gi nya: da" jheddab nheigloem: ri se' lo wigi nanu" moo we' dabo jo, baja" ein: akyu" mho' nyid.

Ephesu 3:8

Ngoo gi Mangso byu yi dangain" bang: mo nge thang su: tho' moo lang" je" ngi su nghoid- Nghoid loug we' Mangsoo gi Khristu da" athang agoin soidgain da" khyoo: ngei bu: lu dang: gi, ri nghi: zain' byumyu" yi jhang khyoo: ci: yhe: wa akhang" ngo ri byid: bye.