MATHE 14:27 - Lacid Common Language Bible

²⁷ Yesu dalheing: dam tid zigi «seing" yang" ge'- agyug goo" ngoo danghoid» ga: tid.

MATHE 14:27 교차 참조

ESAIA 41:10

Agyug goo"- ngoo nang yo' dage" nghoid. Ngoo gi re" Mangsoo nghoid- nang ri agyug nhang: wa. Ngoo gi nang ri yoem: boo: nhang: wigi pang" thoug wa. ngoo gi nang ri goem loem byid: wigi khyoid yu wa.

ESAIA 41:14

Aseing gi Israela we"- nang gi nge wigi yoem: nheing: yhang: ti" nghoid da:. agyug- ngoo nang ri pang" thoug byid: wa. Nang ri khyoid yu su: gi Israela da" gyeung" shang: da" Mangsoo ngoo nghoid.

ESAIA 41:4

He: zi bui" nhang: su: hang" nghoid la". mhoomyid: da" apoem: ayang: ri hang" myid phyed to" la". Ngoo Aseing gi xang: shi" mashid" moo nyang: nyid nyid. ngoo Aseing gi thang: thang moo nyid nyid wa.

ESAIA 51:12

Aseing tid zigi «Nang ri yoem: boo nhang: su: gi ngoo nghoid. Myo, gam tho' mo jain" sho' ayo" zeing: kham da" Shid: se' da" byu ri ciwim gyoug la".

MATHE 14:28

Houg: lang" Petru gi «Aseing nang nghoid deung rigi ngoori gyid dang khyo" re" jhang khyoo so" ri" wa amyeing" byid: we'» ga: tid.

MATHE 17:7

Aseing Yesu ju" lo wigi houg: bang: ri lo, wigi tain" byid: lho: «too ge" agyug goo"» ga: tid.

MATHE 28:10

Yesu gi Agyug goo" ga: nya: eig yug ri tid lo" lho: nga" mang: nhung" yi ri Galile mung" khyoo: ri" wa shid re" tid ge, kyoo" ge' nyangnu" gi hau: mung" moo ngoori shau" myang goo" wa ga: tid.

MATHE 28:5

Hau: moug: lagyoo: gi myiyi: eig yug ri «agyug goo"- pyang" zeing moo baid jen said pyam bye da" Yesu ri re" eig yug sho: nyid zi ngoo se.

MATHE 9:2

Houg: lang" yu" ge'. gung ajoem shid: da" byu dayug ri nyangnu" gi Yesu jang" moo dangzuang mo dang go" re. Nyang: gi nyangnu" da" loem jhing nheigloem: ri myang lang" «Nga" zoo: we" nheig angi loo: nyid we'. Re" yooboo ri khyoid pyam' byid: bye:» ga: ajoem: shid: su: ri tid.

MARKU 6:50

Nyang: ri myang lang" nyangnu" gye" gyoug pyam boem bye- Houg: lang" Yesu gi dalheing: dam nyangnu" ri dang: ji wigi agyug goo" ngoo danghoid- ga: tid.

LUKA 1:13

Nghoidloug we' Mouglagyoo: gi Zakhari we" agyug Mangsoo gi nang mho' da" Mangso thui: ri tam" gyoo: byid: bye. Re" myhi' zeing Elisabed gi yuggi zoo: agyid asoo: yo" khu: loo wam bye. Hau: zooshang: ri Yohan ein: myeing myheing byid: wa zi nghoid.

LUKA 1:30

Mouglagyoo: gi Mari we" agyug- nang gi Mangso da" shid' khoin" moo myonhoo: bug thu' sheing" jhu" bye.

LUKA 12:32

Yang" phung: zoo: we"- agyug goo. Khasu" wim gari nanu" da" nya: phoo gi Mungdain: byid: nau nyid.

LUKA 2:10

Mouglagyoo: gi agyug goo"- ngoo gi byu dangain" mo, shid' re" gye" gau yi ge da" lu dang: ri nanu" jang" moo voin ri" bye.

LUKA 5:10

Simun da" ngoo: kuang byen cang" nghoid da:- Zebedi da" nya: zoo: tang Yaku yo" Yohan eig yug we' houg: su" nyang: dabo mung" go" nyid. Yesu Simun ri tid zigi agyug goo"- akhid" mo wigi Nanu" gi byu kuang mo, bue" loo" wa" ga: tid.

YOHAN 16:33

Nanu" gi ngoo yo" dadeing: daloem: za: khyo" myen, jham" khyoo: yo" yu wa da" shid' re" he: dang: ri ngoo tid bye. Nanu" gi mougmyid moo nyid shi" da" uri shojhen: kyi" khyeug zi shau" zoo: goo" wa. Nghoidloug we' geing: geing: teing teing shang" yab jo, ge' ngoo gi he: mougmyid ri oung: pyam bye:- ga: tid.

YOHAN 6:20

Yesu gi agyug goo"- ngoo danghoid ga: nyangnu" ri tid.

ACTS 23:11

Hau: da" myen" ri Mangsoo gi Polu da" anam moo re" yab, jo, wigi agyug- nang gi he: da" Yerusalem Voomoo" moo nga " khyoo: ri sagsi: yo" kham, byid: abye:- houg: yo' dakhyoo" ti" Roma voomoo" moo we' sagsi: kham, byid: ca" shi" wa ga: tid.