13 Yesu gi Yohan da" khyoo: shau" gyoo: lang" nyang: kyeing" lhid zhoung: lho: ci: sam: aso" da" joyoo khyoo thu' yhe: lo" da" khyoo: byu phung: yi shau" gyoo: lang" voo mo, thu' lho: tung khyoo khyo" nya: jang" moo cang yhe: lo" boem.
Davoo moo nanu" ri pyi: sho: loo lang" gi goo" voo khyoo phang: loo" ge'. Israela amyu" yi da" voogung joem moo nanu" moo" abain zei: shi" ri hau: byu da" nya: zoo: gi ju" gyoo" loo wam: bye.
Nyang: ri said pyam wa phajhi" khyau" nyid ziri Yesu se' wigi joyoo gootu: khyoo: lo" ri Byu ajoem' ayo mo, gi nya: thang: moo cang lo ago". Yesu gi nyangnu" mo noophyoo" shau" mo, dangain" ri ze: ge pyam byid: bye.
Yohan da" cangzoo: yi gi Yohan da" mang ri re" yu myhoeb shoung: pyam boem. Hau: thang: ri Yesu jhang lo" tid kyo" ago".
Thang: nyid: nab kyoo moug: boo" myen: ri yesu to' lho: myen, jham" da" jo yoo daloem: moo akyu" yhe: mho' nyid,
Myo, myang loo lang" Kaperna-um voo mo thu' lo" lho:-ci: sam: aso" da" joyoo daloem: moo ju" lo. Byu yi gi Yesu ri cang sho: yen" boem.
