MATHE 13:5 - Lacid Common Language Bible

⁵ Ashi" dayham" gi myid zhoo" athu: da" lug phoug tho' moo gyoo" lo" lho: myid zhoo" poo" yoomo myab, myab, youg re.

MATHE 13:5 교차 참조

EZEKIEL 11:19

Ngoo gi nyangnu" ri nheigloem: aseig yo' myid aseig byid: wa. Ngoo gi nyangnu" da" thain: da" lug boem nheigloem: ri yu pyam byid: wigi tam" gyo: cang yhe: da" nheigloem: byid: wa.

EZEKIEL 36:26

Ngoo gi nanu" ri nheigloem: aseig yo' myid aseig kaid byid: wa. Ngoo gi lugzeing su" thain: da" nheigloem: ri yu pyam byid: lho: tam" gyo: cang yhe: da" nheigloem: ri kaid byid: wa.

AMO 6:12

Lug moo" boem tho' moo myang: joem gi yo" peug byam yen" wa la". Byu yigi panglai: gyid thoem" ri nujung loo: joem yo' yoothung" su" yo" phug wa la". Nghoid loug we' nanu" gi nyeung veung" tarha" ri myino, bui" nhang: pyam lho: jo, khyoo: rigi shoid khyoo: bui" nhang: pyam boem ago".

ZEKHARIA 7:12

Nyangnu" gi nyangnu" nheigloem: ri lugzeing su" thain: nhang: to" ago". Khasu" wim ga: ri nyangnu" gi shid phyang" mo lapi: yi khyo" tid kaid da" nga" jhoug" myeing" ri acang yoomo ngoo gye" nheig yoo: nau loo bye:.

MATHE 13:20

Lug phoug tho' moo sain" khyo da" myoug: shi" gi mungdang: ri shau" gyoo: lang" gau yi nheigloem: yo" dalheing: dam lhoem: yu bang: ri tid nau zi nghoid.

MATHE 13:4

Ashi" ri sain" kaid da" uri dayham" gi khyoo: gung moo gyoo" loo" yoomo ngho' joem gi hau: ashi" ri koid: zo: pyam.

MATHE 13:6

Nghoidloug we' bid zho: nge" loo lang" gi agyi: no, sho' ayo" cen, yoomo nyhau" kyoug shid: lo.

MARKU 4:16

Gootu: dayham" gi myid zhoo" athu: da" lug phaug tho' moo gyoo" lo" da" myoug: shi" joem yo' du. Hau: mungdang: ri shau" gyoo" lang" su- nyangnu" gi ngeibu: ziyo' lhoem: kham: yu ago".

MARKU 4:5

Dayham gi lug phug tho' moo gyoo" lo". Myid zhoo" athu: yoomo houg: jang: youg re" boem,