MATHE 13:42 - Lacid Common Language Bible

⁴² Dadab jo, da" moo myi: khyoem moo khyo kaid nhang: wa houg: moo vang loo" bang: dangain" gi ngougmyeing" shoo" thui: yo' zei yang: ngaid kyeig ga: nyid boem wa.

MATHE 13:42 교차 참조

2 SAMUELA 23:7

Hau: ziri tain" wa shid re" joto' jonu" anghoid lang" lham: dakhaid ci: ca"- Hau: zu: gam joem gi bain sho' nghe' pyam wa zi nghoid.

COUNG" NGHEI 21:9

Nyang: thu lo uri myiyham: wigi mhe: kyoug pyam yhang: ti" nyangnu" ri mhoin pyam loo wa. Aseing gi nheug khoo" yo: ziyo' nyangnu" ri myhau: pyam, lho: myi: gi nyangnu" ri nge" joem: pyam loo wa nghoid.

DANIELA 3:6

Agoeb pid ano' bang: hang" ri nghoid loug we' gye" dab nyid da" myikhyoem moo" khoug: khyoo: hougjang: nyang: du" zei kaid zi shoug" wa» ga: nyho: tid ago".

MATHE 13:50

Hau: joyoo moo ngougmyeing" shu: thui: to"- zei yang: ngaid zeing to" zi shau" boem wa nghoid.

MATHE 22:13

Hou thang: khokham" phoo gi nya: dei zoo: yiri ‹He: yug da" khyid: lo, moo tei" joeb lho: nghe: shoid mo moug coid khoug: khyoo du" zei kaid ge'› ga: tid. Hau: joyoo moo nyang gi" ngoug byid: ngoug nhab' yo"- zei yang: ngaid zeing kham: yau nyid wa"- ga: tid.

MATHE 25:41

«Hau: da" thang: ri khokham" gi lo, koung" shoid khyoo nyid mo, ri ‹joem: so: zhung" da" byu yi we"- nga" jang" mo gang: loo" ge'. Yu satan: yo' nya: lagyoo: yi shid re" ein: nyheing to" da:- moo myi: apyaid atoo: thoem" khyoo vang loo" ge'› ga: tid.

MATHE 3:12

Nya: da" lo, moo gug khyoo' lhang" khang" dakhyam" ci: wigi nya: gug boem ri geig khyo' kyeing yu" lho: mo da" gug shi" rigi nya: da" gug jhi: moo kaid' too" wa. Amo da" gug shi" rigi ayo" said da" myi: moo nghe' pyam' wa» ga: tid.

MATHE 8:12

Xang: shid" mo mougkhoung: mung" byu bui" eung: mo, gi nghe: shoid' mo moug: coid' khoug: khyoo: khaid zei kaid zi shau" boem wa. Hau: jang moo ngougmyeing" sho" thui: yo,- zei yang: kyeig ga: ngaid wi zheung: yau nyid goo" wa"» ga: tid.

LUKA 13:28

Nanu" Mangso da" Mungdain: khoug: moo Abraham- Isag Yaku yo"- Lapi: yi dangain" mo, ju" nyid ziri myang lho: nyang: rigi Mungdain: da" ngi zain shoid khyoo:- khaid thu' too" lang" kha: yhi' kyi: ngau, zei yang: ngaid nyid goo: wa lha".

Pang Shug 14:10

Hau: tho' moo gootu: gyeungshang: da" moug: lagyoo: yi yo' yang nu" da" shid' khoin" mo fang myi: khyoem, moo shen" yhen zi shau" boem wa nghoid.

Pang Shug 19:20

Hau" akhyeung" da" gougnyhoug ni, zeing gi nya: shid khoin" moo mau" pho" alhoo: again joem ri toin" shid mo, mhau' da" lapi: yi yo' dage" thung: myheug lhoung pyam' zi shau" bye. (Nyang: gi akhyeung" goug nyhoug zeung: da" soolhoo: dab, mo, yo' akhyeung" gougnyhoug da" soolhoo: rinoku goeb, pid' bang: ri mau" pho" alhoo: again joem yo' mhau' yu su: nghoid) Nya: eig yug gi fang yo' nge" nyid da" myimi: thoem" khoug: khyoo: - adei phab' phab' du" zei kaid' zi shau" nyid ago".

Pang Shug 20:10

Hau: thang: rinyang: nu" ri mhau' da" main: yu we' myi: yo' fang nge" nyid da" thoem" khoug: khyoo:- du" khyo' kaid' zi shau" bye- hau: jang" moo hau" akhyeung" da" gougnyhoug ni zeing yo' mhau' da" lapi: joem we' loung" jo. Nyang: nu" ginyid" rimyen" ri kyi" kyeig shau" nyid ziyo' apyaid' atoo: moo daloung" jo, boem wa nghoid.

Pang Shug 21:8

Nghoid loug we' gyoug da" nheigloem: boo mo, aloem" ajeung" mo, anyhoin: athoung" bang:- aved, avhu: youg: shoo: goo: bang:- goem, phain" maintain: khyoug" bang:- soolhoo: ri noku mo, yo' no" zo mhau' fain" da" dang: ri tid mo, dangain" gi houg: bang: da" joyoo gi myi: yo' fang nge" nyid da" myimi: thoem" moo nghoid. Hau" zigieig lheing: ein: da" shid: lo" khyoo: nghoid- ga: tid nyid.

Pang Shug 9:2

Hau: kyi: gino, athang da" duang: khuang" ri phang kaid uri myi khoug" gi myikhyoem, moo" zeing mo thu lo da" myikhoug" yhang: te" da" zi hau: duang: khuang" khoug: mo neung" thu' lo nyid Hau: myikhoug" zoo" yoomo bid yo' moug: laid moug: khung: gi ceug yo' no, loo" khari" bye.