MATHE 13:35 - Lacid Common Language Bible

³⁵ Hid: su" kho" kyo" da" khyoo: gi Lapi: yi da" dang: moo Nga" da" nhoid phang lho: «dangtu' khyo" ngoo tid wa. Moug: phain" myid phain" da" bidnyid mo wigi yhoem" to" da" khyoo: ri ngoo phoid: kyoo" wa» ga: Lapi: tid to" dang: zung: loo wa shed re" nghoid bye.

MATHE 13:35 교차 참조

COUNG" NGHEI 49:4

Ngoo gi phajhi" dang: moo nheigloem: kaid to" lho: hau: da" dang: joem ri teing baid thui: yo' phoid: sho' kyoo" wa nghoid.

COUNG" NGHEI 78:2

Ngoonu" da" nya: phoug" nya: pho, bi" ngoonu" ri tid kyoo" bye: yoomo ngoonu" se' too" bye: da" moo" zoo" jid: zoo" joem yo' lai loo bye: pyaid mo yhoem" to" da- mau" pho" khyoo: joem ri phajhi" dang: joem yo' nanu" ri ngoo tid kyeung kyoo" ba.

ESAIA 42:9

Ngoo lapi: pe: to" da" moo" joem akhid" joeb byeung" lo abye:. Akhid" ngoo gi nyangnu" lang" abui" loo shi" da" khyoo: aseig joem da" khyoo: ri nanu" ri tid kyoo" wa› ga: tid da:.

AMO 3:7

Myhang: thang yoem: moo" bo da" Aseing gi nya: dei zoo: lapi: yiri nyang: myid soin' to" khyoo: ri atoin" shid loo: da ja: ja: lhoung koid thu kaid yu" la".

MATHE 13:14

He: da" khyoo: ri Lapi: Esaia tid to" dang: gi nyangnu" moo joeb byeung" loo bye. He: da" byumyu" gi tam" gyoo: nghoid loug we' se' gyoo: zi anghoid. Yu" nghoid loug we' myang wa zi anghoid. ci: wim gari nyangnu" gi nheig gyeing: mo anghoid.

MATHE 13:3

Hau: uri dangtu' myoo" sho khyo" khyoo: myoo" sho' jhoug" byid: da" zigi «shid phyang" byu dayug gi myoug: shi" sain" wa shed re" thu' lo.

MATHE 25:34

Hau: thang: ri khokham" gi lo, yo shoid moo nyid mo, ri ri" ge' nga" phoo da" mainkaid Jeju" ri shau" kham: zo: mo we"- Moug: aphain" myid aphain" shi" re, nanu" da" shid re" nyheing to" da" Mungdain: ri re" seing: loo ge' ga: tid wa.

MATHE 5:2

Nyang: dang: phang lho: nyangnu" ri ngilho' wa da" Tarha" kho" kyo" da" zigi

LUKA 10:14

Turhu yo"Sidun: gi-tarha" dang: kho: da bidnyid moo-nanu" da tho' moogi-khyam" sa yoo" shi" wa zi nghoid.

YOHAN 17:24

O" nga" phoo we"- Moug aphain" myid aphain" shi" mo Nang ngoori jheddab yoomo byid: to" da" myonhoo: phung" yoeb' ri Ngoori nang byid: too" mo, myang se' loo wa shid' re" ngoo nyid da" joyoo moo nyangnu" ri we' nyid nhang: nau.

ACTS 15:18

He: khyoo: ri goonham, goo co, mo wigi si' nhang: to" da" Aseing: gi hid: su" ga: tid nyid.

1Korinthians 2:7

Ngoo kho" kyo" da" phajhi" gi moug: myid byu yi asi' loo: sho' yhoem" to" da" Mangso no, thang phajhi" khyoo: nghoid- hau: zigi: moug: phain" myid aphain" shi" mo ngoonu" myonhoo: phung" yoeb, yo" kham: yu wa shid re" Mangsoo khyen: yu too" bye: zi nghoid.

Ephesu 3:5

Lai loo" bye: da" ayo, joem moo he: no, thang da" khyoo: byu xangsu: yi ri atid kyo" yu" shi"- Nghoid loug we' Mangsoo gi akhid" nya: da" gyeungshang: lagyoo: yi yo' Lapi: yi ri hau: venyi khyo" wigi pang shug byid: bye.

Ephesu 3:9

xo' lho: wigi Mangso da: no, thang myid soin' to" khyoo: khasu" bue" thu' loo wa da" khyoo: xangsu: byu dangain" bang: ri myang se' loo nhang: wa shid re" we' Mangsoo gi hau" amyeing" akhang" ngoori byid: bye- jo, moo jo, ri phain" so: to" da" nya: da" no, thang khyoo: ri lid loo" bye: da" pyaid dangain" jang" moo yhoem" to" gyo" loo bye.

HEBRE 1:1

Goonham, da" apyaid moo Mangsoo gi ngoonu" da" phoug" phyid " yi ri dang: tid da" khyoo: myoo" sho' lheing- akhyoo" again aja: ja: khyo" lapi: yi da" nhoid mo tid kyo" lid loo bye.

Pang Shug 13:8

Said' pyam' shau" bye: yang nu" da" kangso' mougsoug" pug moo moug: aphain" myid aphain" shi" mo nyang- myeing bo jo, bang: mo gootu- mougmyid moo nyid da" xang: su: byu yi dangain" bang: gi hau: akhyeung" gougnyhoug zeing ri coem noku boem wa zi nghoid.

Pang Shug 17:8

Hau: akhyeung" da" gougnyhoug gi shid' phyang" dei nyid yu" bye- nghoid loug we' akhid" gi adei nyid loo- nghoid loug we' nyang: gi no, athang da" duang: khuang" mo thu' re" lho: wigi phyo' shoin, pyam' jang" khyoo: yhe: loo" wa zi nghoid. Moug: phain" myid' aphain" shi" mo Nya: kang: so' moug soug" pug moo -myeing abo lhid" kaid' to" da" moug: myid byu yi gi hau: akhyeung" da" gougnyhoug zeing ri shau" myang lang" mau" hang" to" boem wa nghoid. Nyang: gigoo" nham, dei nyid yu" gye- akhid" gi adei nyid loo- nghoid loug we' doem dei loo shi" wa zi nghoid.