MATHE 12:50 - Lacid Common Language Bible

⁵⁰ Mougkhung: tho' moo nyid da:- Nga" phoo vho: khyo" cang koid: mo, hang" we' Nga" mang: nga" nhung"- nga" nham" mo" yo' nga" myhi, nghoid bye:» ga: tid.

MATHE 12:50 교차 참조

COUNG" NGHEI 22:22

Nang zei: da" moo" zoo" ri nga" byumyu" yiri ngoo tid kyoo: wa nghoid. Nyangnu" da" zoebphung: moo: ngoo gi nang ri coung" nghei wa nghoid.

SHOLUMON JIKHOIN" 4:12

Nga" nheig tei"- nga" myhiseig we"- nang gi shoung: to" da" khyam:- kyam' to" da" khyam:- seung: to" da" gyid bug nghoid nyid.

MATHE 12:49

Hau: lho: nya: cangzoo: yi jhang khyoo lo, toin" kaid lho: «Yu" ge' hid: bang: gi nga" myhi, yo"- nga" mang: nga" nhoung" nghoid bye.

MATHE 13:1

Hau: bidnyid moo Yesu gi hau: yhoem: mo thu' lo" lho: gyid thoem" yam moo jhoug" byid: wa shed re" zhoung: jo.

MATHE 17:5

Petru houg: su" ga: dang: da tid nyid shi" uri gye bang da" jhoem: phyu: thei" daloem: gi nyangnu" da" tho' moo ju" gyoo" lho: hau: jhoem: phyu: thei" khoug: mo da" thui: gi «He: yug gi ngoo jheddab da" nga" zoo: nghoid. Nyang: ri ngoo gye vho: ngei su: nghoid. Nya: da" dang: ri tam" gyoo: ge"» ga: da" thui: myeing thu' lo.

MATHE 25:40

Khokham" gi nanu" ri ngoo deung" deing tid ba"- Hid: nga" nhung" yi khoug: mo:- nge thang su: ri yu coung: da" zigi ngoori yu coung: zi nghoid bye:› ga: tid.

MATHE 25:45

Khokham" gi ngoo nanu" ri deung" deing tid ba"- nge thang da" hid bang: mo dayug yug ri ‹nanu" agoin acoung: da" zigi ngoori agoin acoung: zi nghoid› ga: tid wa.

MATHE 28:10

Yesu gi Agyug goo" ga: nya: eig yug ri tid lo" lho: nga" mang: nhung" yi ri Galile mung" khyoo: ri" wa shid re" tid ge, kyoo" ge' nyangnu" gi hau: mung" moo ngoori shau" myang goo" wa ga: tid.

MARKU 3:35

Khasu" wim ga: ri Mangsoo: myidvho: khyo" cang mo, hang" nghoid loug we' nga" no' nga" nham" moo" yo' nga" myhi" nghoid bye".

LUKA 8:21

Houg: lang" Yesu gi nyangnu" Mangso da" mungdang: ri shau" gyo: lho: cang loo" mo, dangain" gi nga" myhi, yo" nga" no, nghoid, bye ga: tid

YOHAN 15:14

Nanu" ngoo tid da" mungdang: khyo" cang nghoid rigi nga" da" bidnoem yi nghoid boem wa.

YOHAN 20:17

Yesu gi ngoori azei: ci:- ngoo gi nga" pho jhang khyoo: ashau" do, loo" shi"- nghoid loug we' nga" mang nhung" be jhang khyoo: yhe: lho: nga" phoo ga: da" Nanu" da" nya: phoo- Nga" Mangsoo ga: da" nanu" da" Mangso jhang khyoo:- ngoo doem tau" loo" loo: wa da" khyoo: ri tid kyoo" ge' ga: tid.

YOHAN 6:29

Yesu phougtu" zigi Phoo Mangsoo nanu" ri koid; nhang: nau da" khyoo: gi nyang: nhang: kaid su: ri loem" jeing" wa da" khyoo: nghoid.

YOHAN 6:40

Khasu" wim gari nya: zoo: ri Noku loem: jeing" loo mo, dangain" gi Apyaid' ato: kangso' ri yo" yu wa shid' re" Nga" phoo gi vho: nyid. Ngoo we' houg: bang: ri lo" thang bidnyid moo shid: jang mo doem dei to'' loo nhang: wa zi nghoid.

ACTS 17:30

Mangsoo gi xangsu: byu yi nyang: ri asi loo: nyid lid: lo da" ayo, akhyeing: ri yu" lhai: kaid' bye- nghoid loug we' akhid" gi khyi khang" moo" mo xangsu: byu dangain" ri nyangnu" da" akhyeing" ashoeb, da" moozoo" dangain" jang" mo nheigloem: thed' lheung: loo wa shid re" amyeing" byid: kaid' bye.

ACTS 26:20

Ngoo gi xang: shed" ri Damasku voogung moo Yerusalem voomoo" moo hau: thang: ri yuda mung" goin" jang" moo we' tungbau byumyu" yi ri we' nyangnu" da" yooboo mo nheigloem:" thed' lo boem wigi Mangso shoid khyoo: lheung: loo ca"- houg: su" nyangnu" nheigloem: thid' bye"- ga: ziri lo, moo" khyo" - aved, asam" yo' zei: shug khyo" toin" shid' ca- ein: ngoo cang kho" kyoo" bye.

Roma 8:29

Mangsoo: gi - nyang: khyen yu too" mo, ri nya: zoo: Yesu yhang: ti" bue" loo wa shid' re" nghoid.

1Korinthians 9:5

Gootu: da" lagyoo: yi- Aseing da" nya: nhoung" bi" yo' lagyoo: Petru yhang: te" bang- da" khoo" shid: ri bo yu" cang wigi- ngoo so" yen" da" joyoo joem moo: yhoem: seing: myhi' shu" yen" wa akhang" ayoo" la"

2~KORINTHU 11:2

Mangsoo gi nanu" da" atho' moo aloem" athoo: myid bo nyid ziyo' dakhyoo" ti"- ngoo we' nanu" da" atho' moo aloem" athoo: myid bo nyid. Nanu" gi Khristu nyang: yo' loxo' ikoin deungkhu: de wa shid re" ngoo dang: myid: to" da" zoomyi: zoo: yo' du nyid.

GALATI 5:6

Khasu" wim gari ngoonu" gi Khristu Yesu moo nyid nyid beom nghoid rigi athang: yham" ziri kham, akham' ein: zigi ce: ayhoug: gyen:- yhoug: gyen: da" khyoo: gi jheddab myid ri ci: lho: loem" jeung moo" zei: khyoo: nghoid.

GALATI 6:15

Byu dayug yug giathang: yham" zi shau" kham: yu-hougsu" anghoid lang" ashau" kham: yu- zigi ce" yhoug: gyen: we' anghoid- byu aseig yo" bue" lo da" khyoo: za: yhoug: gyen: danghoid nyid.

KOLOSE 3:11

He: khyoo: yoomo Yuda byumyu" yi yo' Heleni byumyu" yi gi athang: yham" kham' su: yo' akham' su: siyoo soogam: byu yi-byu kyang: byu lam" joem- join, yi yo' loid byoin, byu yi ga- nyangnu" da" akhoug: moo kho' go" koin, nyid wa khyoo: ajo, loo- Khristu gi nanu" dangain" bang: tho' moo-je" yhoug: gyen: su: nghoid wigi nanu" dangain" bang: yo' dage" nyid nyid.

1 TIMOTHI 5:2

Myhi, zeing yi rigi nya: myhi' ri yhang: ti"- gyeungshang: nheigloem: yo' tid poin" tid kyeung" nyid we'.

HEBRE 5:9

Nyang: ri joeb, byeung" su: ga: bain koid yu thang: ri nyang: gi tam" gyo: nyid mo, dangain" shid re" apyaid' ato: da" khyoid yu khyoo: mo apoem: ayang: bue" loo" bye.

1PETERU 4:2

Hougsu" nghoid yoomo akhid" mo he: mougmyid' moo nanu" kangso' dei nyid wa deing shi" da" bidnyid gu: moo byu yi da" myo, no, vhoo: bo da" khyoo:- jhu, phyo' khyoo: moo abo cang loo" looza-

1YOHAN 2:17

Moug: myid yo' dage" houg: mo da" xang: su: byu yi vhoo: boo myo, no, da" khyoo: ja: khang" moo" gi lid lo" byug nyid bye. Nghoid loug we' Mangsoo vho: ngei khyo" cang: koid loo" su: koem gi apyaid' atoo: moo danyid nyid.

Pang Shug 22:14

Kangso' shi" gam, mo ashi" ri zoo: wa amyeing" yo" lho: voogung khoug: khyoo: khoem" moo" duang: khyo" yo" vang loo" sho' nyang: nya: da" byisheing: joem ri ced" phyu: pyam mo, gi ngi lho, nyid.