MATHE 11:25 - Lacid Common Language Bible

²⁵ Houg: lang" Yesu gi «Mougkhung: yo" myidjang ri vhoeb da" nga" phoo we"- Phajhi" byen ya yo" nheigloem: yeig kung mo jang" mo he: da" khyoo: ri nang yhoem" nghoeb to" lho: ci: asi mo, ri phang shug yoomo ngoo nang ri jeju" boin.

MATHE 11:25 교차 참조

APOEM AYANG: 14:19

Main kaid byid: lho: «Moug: khoug: yo' myidjang ri phain" so: too" su: myhang: thang Mangsoo gi Abram ri mainkaid byid: baja".

APOEM AYANG: 14:22

Abram gi «Ngoo gi mougkhung: yo' myidjang ri phain" so: da" myhang: thang Mangsoo Aseing shidkhoin" moo dang: theing too" bye:.

2 KHOKHAM 19:15

Houg: lho: nyang: gi «O" Israela Aseing Mangsoo dung dab dei noem atho' moo zhung: jo, da" su: we"- nang dayug za: mougmyid dangain" mo mungdain: dangain" ri vhoeb da" Mangsoo nghoid da:. Nyang: gi mougkhung: yo' myidjang ri phain" so: to" da:.

1 KHOKHAM MHOOMYID: 29:13

Akhid" ngoonu" Mangsoo we"- ngoonu" nang ri jeju" boin: so" wigi re" phung" yoeb gyi: da" myeing ri coung" o".

YOBA 37:24

Houg: lho: yugkhang" moo" nya: shidkhoin" moo gyoug mau" yab jo, ziri moug" cang aboo. Houg: lho: nyang: gi phajhi" se' ga: bang: ri ci shu: anhang: loo: yu" to" ziri moug" cang aboo.

COUNG" NGHEI 8:2

Hau: zigi zooshang: mi" yo' noug" nu" yi khoin" nyid da jikhoin" nghoid. nang gi re" da" gyivoo joem bain sho' ri loid byoin myenjham" nyid nhang:. Nang gi nang ri thougtheung loo bang: ri toem pyam.

ESAIA 5:21

Nanu" gi joem: lo" abye: go". Nanu" gi phajhi" bo- gye" nheig bo ga: nanu" myid ago".

ESAIA 66:1

Aseing tid zigi «Mougkhung: gi nga" zhungtang- myid jang gi nga" khyid: ki" tang nghoid da:. Houg ri ce: ja: yhoem: nang ngoo ri yo" koid byid: wa lha". Ngoo nyid wa nga" shid re" khate" joyoo nghoid lha".

DANIELA 2:23

Phoug" phyid" yi da" Mangsoo we"- ngoo gi nang ri coung" lho: ngi shab byid: da:. Nang gi ngoo ri phajhi" yo' yoem: byid: da:. Nang gi nga" akyu" mho' dang: ri tam" gyoo: byid: da:. Houg: lho: khokham phoo ri citid kyo" wa ein: ziri ci: shug abye:.

DANIELA 4:35

Nyang: gi mougmyid dang mo byu joem ri ci: anghoid khyo" yu" da:. Mougkhung: mo moug: lagyoo: yi yo' myidjang mo byu yigi nya: da" vhoebkhang" akhoug: moo nghoid da:. Nyang: myid vho: ziri hang" wigi we' ayo" ngeig toem' pyam nghoid da:. Nyang: koid ziri dang: myid: ayo" myid: nghoid da:.

MATHE 16:17

Yesu gi «Yona da" nya: zoo: Simon we"- nang ngilho' bye. He: khyoo: gi Xangsu: byu dayug yug nang ri toin" shid' zi anghoid. Mougkhung: mo nga" phoo Mangsoo toin shid yoomo za: nang dayo" se' ga: tid.

MATHE 21:16

«He: zooshang: yi khasu" ga: nyho: nyid zi nang shau" gyoo: la"» ga: Yesu ri zheung: myid: boem. Yesu gi «ngoo shau" gyoo: bye:» Aseing gi «zooshang: yi nhoid' yo' nya: myhi noug" shug zoonu" gi ‹Nang ri coung" byid: nhang: wa shid re" jhoug" byid: bye: ga: da" Jhoem: dang: ri nanu" gi shedphyang" we ashau" nghab' yu" goo" la"»› ga: myid.

LUKA 22:42

O"- nga" phoo we"- nang nau nghoid rigi he: da: shen" yhen kyi" khyeug da" goem ri nga" jang" mo ve, pyam byid: we'. Nghoidloug we' ngoo vho: khyo" anghoid nang myid: vho: khyo" za: bue" loo baja".

LUKA 23:34

Yesu tid zigi O" nga" phoo we"- hid: bang: da" yooboo ri khyoid pyam byid: we'. Nyangnu" zei: da" moo" ri nyangnu" ase' boem ga: mho' tung" pain: byid. Byu yi gi nya: da" atho' byi: zeing ri me" lab lho: gam, go" boem.

YOHAN 11:41

Houg: yoomo byu yi gi lugloem: ri doin: shu" kaid ago". Hau: uri Yesu gi-Moug khyoo: nghang yu" kaid lho: Phoo we" nang gi ngoo mho' yoid thui: ri tam" gyoo: byid: yoomo jeju" gye gyi: bye.

YOHAN 12:27

Ngoo gi nheigloem: gye seing" kho" nyid ngoo khasu" ein: tid loo: wa lha". Phoo we"- ngoori he: da" kyi" khyeug jamjau yo, mo loid byoin loo" nhang: we' ein: wigi tid wa la". nghoid loug we' ngoo gi he: da" kyi" kyeig jamjau ri kham: yu wa shid' re" gyoo" re" zi nghoid.

YOHAN 12:28

Phoo we"- re" da" myonhoo: phung" yoeb' ri dathu' ri" nhang: we' ga: tid nyid. Houg: lang" mougkhung: mo thui: thu' lo zigi ngoo gi nya: myeing ri myonhoo: phung" yoeb' ri thu' ri" nhang: bye. thang: ri dalheing: we doem thu' ri" nhang: shi" wa" ga: tid.

ACTS 17:24

Moug: myid yo' houg: moo nyid ja: - jo moo jo, ri phain" to" da" Mnagsoo gi Moug: khung: yo' myed jang: da" Aseing: nghoid wigi byu yi, lo, yo' koid to" da" noku yhoem: moo anyed nghoid da.

1Korinthians 2:10

Nghoid loug we' Mangsoo koem gi nya: da" Venyi: khyo" wigi- nya: da" nghoeb, yhoem" to" khyoo: ngoonu" ri phang shug bye. Hau: da" Venyi gi ziyoo jo, moo: jo, ri za: we' anghoid- Mangso da" no, thang khyo" myid soin: to" khyoo: joem ri- cang phoid: sho: yu" nyid.

2~KORINTHU 3:14

Israela byumyu" yi da" nheugloem: joem gi gyeung" nyang: myhed" nghoeb to" boem ago". Akhid" nyid" ju" sho' lang" gi dang: theung mougsoug" xoug" ri nghab khang" moo" nyangnu" da" nheigloem: ung: khoug: joem moo hau: da" myo, nghoeb za: pain" yo, danghoeb to" shi" ago". Byu dayug gi Khristu moo kangso' dei loo" lang" she-hau: myo, nghoeb ri dayo" she' pyam.

1 SAMUELA 2:18

He: ayo, ri zooshang: zoo: Samuela gi gyeung" shang: da" zin: yung" pain" byikua" ri void ci: wigi Aseing ri dei byid: nyid da:.