MATHE 10:42 - Lacid Common Language Bible

⁴² Hang" nghoid loug- lagyoo: pho, da" myonhoo: ri tu: lho: he: da" nga" cangzoo: nge thang su: mo dayug yug ri gyid jham" dagoem shoin: jhoug nghoid ri hau: yug gi nya: aphoug" ayo" yu loo: nyid wa zi anghoid. Ein: wigi ngoo jhug" jhug tid» ga: tid.

MATHE 10:42 교차 참조

1 KHOKHAM 17:11

Cougmoo" myhi' hau: ziri lo" yu nyid uri nyang: gi «Jeju" mo nga" shid re" zooyho' we' ci: ri" byid: we'» ga: yoid tid bye:.

2 KHOKHAM 4:10

Khung: dang moo yab ngi dayab koid wigi yhoeb cuang- zoobui"- zhungtang - myibung: joem ri soin' byid: shang. Nyang: ngoonu" jhang lam" ri" khang" moo" houg: moo nyang: yo" theing: nyid wa nghoid da» ga: tid da:.

DANG: ZHOEM 19:17

Myung mo, ri: byid: zigi Aseing ri jhid" byid: ziyo' du nyid. Aseing gi nang ri doem tau" xab, byid: loo wa zi nghoid.

DANG: ZHOEM 24:14

Phajhi" juyhi: gi re" da" nheigloem: soozoo: shid re" ge khyoo: nghoid ziri se' too" we'. Phajhi" juyhi: ri sho: too" we' houg: lang" re" da" shid vhu" mo khyoo: gi young" lhoo, wa zi nghoid.

PHAJHI" DANG: 11:1

Re" ngei ri tungbau meing: mo phaga: moo" moo arang" kaid too" we'. Houg: ri hau: gu mo danyid" nyid" ri nang atu" amyaid shoug" zoo: wa.

ZEKHARIA 13:7

Myhang: thang da" Aseing tid zigi «Lhab' sham: we" too' we' nga" moo" zei: da" yang zung" su: ri zain: we'. Nyang: ri said we'. Houg: lang" yang zung" su: ri said pyam' lang" gi yang joem gi byo sain" lo" byug wa nghoid. Ngoo gi nga" mung" byu yiri zain: loo wa nghoid.

MATHE 18:10

«Nanu" gi ngi, su: khayug ri we' Byu ngi yoo ayu" wa shid re" lhid nyid ge'. Nanu" ri ngoo tid da" zigi hau: zooshang: me" da" moug: lagyoo: yi gi Mougkhung: Aseing nga" pho da" myonhoo: ri khanham we' dayu" nyid boem ago".

MATHE 18:14

Houg: yo' dakhyoo" ti"- Mougkhung: tho' mo nanu" da" nya: phoo we' he: ngi, su: dayug we byug lam" loo" wa zi avhoo: ga: tid.

MATHE 25:40

Khokham" gi nanu" ri ngoo deung" deing tid ba"- Hid: nga" nhung" yi khoug: mo:- nge thang su: ri yu coung: da" zigi ngoori yu coung: zi nghoid bye:› ga: tid.

LUKA 17:2

Zooshang: dayug yug ri yooboo koid: nhang: su: gi nya: da" leingzeing: moo gyi: da" lug lheing: gyab tei" tab lho: no, thang da" Panglai gyid thoem" khoug: khyoo:- khyo pyam wa zi nya: shid' re" je ge nyid.

LUKA 6:35

Nanu" gi gyivoo yi ri jheddab ge' Jeju" koid: ge' daja: ja: khyalhang" doem yo" yu abe ein: amyid nyid loo:- jhid" byid: nghoo" byid: ge'. Houg: su" koid: nghoid rigi Nanu" gyi: thang da" jhungshug ri yo" yu wigi myhang: thang da" Mangso da" nya: zoo: yi nghoid boem wa. Hau: Aseing: gi jeju" ase' boin: mo, yo"- akhyeing" ashoeb mo, ri jeju" koid: nyid.

2~KORINTHU 8:12

Nanu" moo byid: gam nau da" emyid, bo vho" ngei nyid boem rigi mangsoo gi nanu" yo" byid: yhi' mo byid: da" alu joem ri lhoem: kham yu wa zi nghoid. Nanu" age bui" ziri Mangsoo: gi mho' wa zi anghoid.

HEBRE 6:10

Khasu" wim gari Mangsoo gi atarha" koid nyid su: anghoid- nyang: gi nanu" zei: so' voin, vu, lid loo bye: da" moozoo" ri we' Aseing: ri jheddab khyoo: toin" shid' wa shid re" lid loo" bye: da" ayo, mo zi akhid" ju" sho' phung byu nyang: cang" pang" thoug go" da" khyoo: ri we' Mangsoo gi to" myhed' pyam byid: wa zi anghoid.