MATHE 10:25 - Lacid Common Language Bible

²⁵ Cangzoo: gi sara: yhangti"- deizoo:, phoo gi nya: yhoem: seing: yhangti"- nghoid nyid rigi myid je pyoo: wa. Nyangnu" nyang: gi Bezebula ga: nghoid rigi nya: yhoem: byu yi ri hau: tho' re" je tid go" wa anghoid goo la" ga: tid.

MATHE 10:25 교차 참조

2 KHOKHAM 1:2

Israela khokham Ahazia gi Samari mo nya: khokham kho" yhoemkhung: tho' moo jo, da" gyam" tho' mo byid gyo" wigi xoo: sho' dam dab da:. Houg: yoomo nyang: gi nyang: gi wa agi wa ein: ziri si' wa shid re" Ekron voomoo" mo Philisti yi da" yu phara" nghoid da" Balazebu ri yhe: myid: wa shid re" lagyoo: dayham" ri nhang: kaid da:.

MATHE 12:24

Pharishe yi shau" gyoo: lang" gi «he: yug gi yu zoug: Bezebula da" yoem: so' khyo" yu ri dayo" khaid thu' pyam eung:» ga: tid go" nyid boem.

MATHE 12:27

Ngoo gi Bezebula da" yoem: yo' yu ri da: khaid thu' deung nghoid rigi nanu" da" nya: zoo: yi gi hang" da" yoem: yo' yu ri yo" khaid thu pyam wa lha". Nanu" da" nya: myid: nya: zoo: yi zei: da" moozoo" gi nanu" gyo: shoid ziri toin" shid nyid.

MATHE 9:34

Pharishe bang: gi «yu joem da" zoug: ri loem lho: za: nyang: yu joem ri dayo" khaid pyam' da:» ga: tid boem.

MARKU 10:39

Houg: lang" nyang: tang: gi ngoo tang yo" bue" ga: tid ago" Yesu gi nyang tang: ri ngoo shug ca" da" goem ri natang: shug ca"- goo" wa Ngoo kham: yu wa da" Babtisma ri shau" kham: yu ca" goo" wa.

MARKU 3:22

Hougsu" wigi Yesusalem mo gyoo" lo da" tarha" sara dayham ba tid zi gi Bezebula qi: nyang moo bo- hau yu zoug: phoo gi yu joem ri yo" khaid thu pyam wa Yoem nyang ri byid yoo mo nghoid ga: tid boem.

LUKA 11:15

Nghoidloug we' byu dayham" gi Yesu gi yu khokham" Bezebula ri loem: lho: yu joem ri dayo" khaid thu' ga: tid boem.

LUKA 11:18

Houg: yoomo satan da" Mungdain: moo dayug yo' dayug aveing" go" nghoid rigi Khasu" wim se' geing teing jo, wa la". ngoo gi Bezebula ri loem: lho: yu yo" khaid thu' ga: nanu" tid ago".

LUKA 11:19

Gyeing" nyang:- ngoo gi Bezebula ri loem: lho: yu joem ri dayo" khaid thu' nghoid rigi nanu" da" cangzoo: yi gi hang" ri loem: lho: yu joem ri yo" khaid thu' go" lha". houg: bang: nyang: lang" nanu" shoid vhang: nyid da" sagsi: yo" kham: boem da.

YOHAN 10:20

Byu dayham" gi he: yug gi yu vang ci: da" foin" su: danghoid: ci: wim wigi nya: dang: ri nanu" tam" gyoo: go" ga: tid boem.

YOHAN 7:20

Meing: byu: yi gi nang gi yu vang ci: su: nghoid. Nang ri said wa ga: hang" su: se' soin nyid wa ga: tid boem.

YOHAN 8:48

Nyangnu" Yesu ri Nang gi Samari byumyu" dayug nghoid lho: yu vang ci: su: nghoid ga: wigi ngoonu" tid dang: shoid la"» ga: myid: boem.

YOHAN 8:52

Nyangnu" gi nang gi yu vang ci: su: dayug nghoid da" khyoo: ri akhid" ngoonu" yo" si' bye. Abraham gi shid: led: loo" bye:- Lapi: yi we' shid: led: loo" bye. Houg: su" danghoid ri nang gi nga" dang: tam" gyo: yu su: gi khanham we ashid: wa ga: tid.