MARKU 9:50 - Lacid Common Language Bible

⁵⁰ Xoo" gi ge nyid nghoid lug we' xoo" bei: lo" byug lang" gi hau: xoo" ri ngham" sho' nanu" khasu" doem yo" koid yu goo" wa la". nanu" khyoug: moo zoem" khau: da" xoo" bo jo, wigi dayug yo' dayug- nyang: cang" myenjham" ga: nyid ge' ga: tid.

MARKU 9:50 교차 참조

YOBA 6:6

Nghoid loug we' main aboo xoo" angam" da" zoo: noem ri hang" yo" zoo: wa la". Gyo, u usham: moo ce: main bo la".

COUNG" NGHEI 133:1

Mangso byumyu" yi sham: shoin" veing" go" lho: dage" shoug" zeung: foem: nyid zigi khayhi' mau" pho" khyoo: nghoid lha".

COUNG" NGHEI 34:14

Akhyeung" khyoo: mo gang: lo" lho: ge da" moo" ri zei: we'. Myenjham" khyoo: ri re" nheigloem: emyed bain sho' yo' shoo: we'.

EZEKIEL 43:24

Nga" jhang: khyoo: ci ri we'. Khainjung yigi hau adang moo xoo" ri du" sain" lho: hau: eig du: ri xoin" khyo" ngoo ri nghe' ngei" byid: ca" da:.

MATHE 5:13

«Nanu" gi mougmyid da" xoo" yo' du ago"- hau: xoo" phue: lo" byug rigi kha: mo doem se' ngham" loo wa lha". Nghi: khyoo: she: pyam to" lho: subi" nang: pye" pyam tho' moo gootu: ce" akyu" we' aboo loo.

MARKU 9:34

Nghoid loug we' nyangnu" gi nyang: ri ayo" sho' kyo" boem khasu" wim gari nyangnu" gi khyoo: laid moo nyangnu" mo hang" jegyi: thang su: nghoid da" khyoo: ri nyang: cang" nyang: tid ngeug goo" yoomo nghoid.

MARKU 9:49

Zooxoin" ri xoo" kaid lho: kyeung shang: pyam ziyo' dakhyoo"- byu dangain" ri we' myi: wigi kyeung shang: loo wa.

Roma 12:18

Byu dangain" yo" myenjham" ngei pyoo: za: zoem" jeung" nyid ge'.

2~KORINTHU 13:11

Nga mang nhung" yi we"- akhid" ngoonu" vhu" kaid boem. Nanu" dangain" bang: ngei pyo: nyid goo" baja" o". Joeb joeb byeung" byeng" yo" bue" nyid sho' xo' lho: yoem: kaid thoug shang nyid ge". Nga" mho' nyhoem: dang: ri tam" gyo: wigi nanu" nyang: cang" ving" go" lho: ngei pyo: myen jham nyid ge'. Jheddab e" myed bo ziyo' ngei pyoo: nhang: da" Mangsoo gi nanu" yo' dage" danyid nyid baja" o".

GALATI 5:22

Nghoid loug we' hau: venyi da" ashi" koem gi jheddab zi gau yi zi ngei bu khyoo: nheigloem: sheung: khyoo: nheig khyeug khyoo:- ge, lho, khyoo:- dang sadi zung" khyoo: nghoid.

Ephesu 4:29

Subi" ri noo, nhang: da" dang: dakhoin" we' nanu" da" nhoid mo athu' nhang: goo"- tam" gyo: nyid bang: akyu" yoo" sho' byu yi ri yo" se' koid so' nyheing byid: ziyo' ca" yo nyid mo, ri yo" pang" thoug byid: da" dang: gi, riza: da tid nyid ge'.

PHILIPI 1:27

Akhid" uri nanu" shid re" je" ca" thang da" khyoo; gi Khristu Yesu da" ngei bu: lu dang: yo' du veung" moin: yi" khyo" kangso' dei nyid boem ca"- hougsu" nghoid lang" gi ngoo nanu" jang" moo ju" re" uri nghoid loug we' aju" re" uringhoid loug we' nanu" gi nheigloem: sham: shoin" go" lho: theung shang" yab, jo, wigi myid to" khyoo; dakhaid za: yo,- hau" ngei bu: lu dang: da" loem" jeung" khyoo: shid re" dage" za: zain: shi" go" nyid da" khyoo: ri ngoo shaug" gyoo: wa zi nghoid.

KOLOSE 3:12

Nanu" gi Mangso byu yi nghoid boem bye: yoomo nyang: gi nanu" ri jheddab wigi nya: shid re" khyen: yu shau" bang: nghoid- houg: yoomo nanu" gi jhed' thang kang: athang- nheig khyeig shoo" myen: zi nheigloem: nyhoem: zi sam" dab, nu" nham, ziyo' nheigloem: gyi: sheung: ziri void. ci: ge'.

KOLOSE 4:6

Nanu" tid da" dang: khoin" joem gi-khanham we' gyo: da" dang: yo' myid' loem" zi nghoid baja"- nyangnu" doem, myed: da" dang: khoin: joem ri jo da" dang: phuid: yo" byid: sho' xei, too" ge'.

1THESALONI 5:13

Nyang: nu" voin, vu, da" moozoo" jid: zoo" yoomo nyangnu" ri gye" nyang: phau" myang: ziyo' jheddab khyo" dakoid nyid ge'- nanu" nya: da" akhoug: moo we' nyang: cang" nyang: gei pyo: myne, jham" khyo" dazoem" khau: nyid ge'.

2 TIMOTHI 2:22

Zoolu: ayo, mo nheigloem: aco' ajhoid khyoo: ri jang" pyam' lho: Mangsoo ri gyeungshang: da" nheigloem: yo' pang" thoug wa ga: mho' nyid mo, yo' dage" deing byeung" khyoo:- jheddab da" khyoo:- ngei pyo: myen, jham" khyoo: joem ri yoem kaid' cang sho: nyid we'.

HEBRE 12:14

Byu yug khang" moo" yo' ngei pyoo: tung" za: yo" zoem" khau: nyid sho' we' gyeungshang: da" kangso' dei khyoo: moo ju" loo" sho' we' cang sho: yoem: kaid nyid ge'. Khasu" wim gari hau: ja" jeju" yoem: vhoo" abo nghoid rigi hang" we' hau" Aseing: ri shau" myang wa zi anghoid.

YAKU 1:20

Byu yi da" nheig yo: khyoo: gi Mangso da" deing main" khyoo:- ngoonu" moo yo" ze" bui" wa zi anghoid.

1PETERU 3:8

Lo" thang moo tid shed' nau da" khyoo: gi nanu" gi e" myed, nheigloem: daloem: za: dabo nyid ge'- dayug yo' dayug nheig khyeig shoo" myen: go" nyid ge'. dayug yo' dayug gi mang: kang nhung" kang yi yhang: ti" jheddab go" nyid ge'. nheig se' khyeug da" nheigloem: bo nyid ge'. khyo, nyhoem: ziyo' zoem" khau: nyid ge'.