MARKU 9:24 - Lacid Common Language Bible

²⁴ Houg: lang" nyang: hau: zoo shang: nya: phoo gi ngoo loem" jeung"- nga" loem" jeung" myid' atham: ngoori bo pang" thoug yu we' ga: ngau thu' lo.

MARKU 9:24 교차 참조

2 SAMUELA 16:12

Aseing gi nga" akhyeing" ziri yu" xoem" wigi nyang: ngoo ri nheing" yoomo main dajhi' khyalang" kaid byid: abe» ga: tid.

2 KHOKHAM 20:5

Aseing da" byumyu" yiri vhoeb yug- Hezekia jhang doem tau" yhe: lho: nyang: ri «Re" phoug" phyid" David da" Aseing: Mangsoo ngoo gi re" akyu" mho' dang: ri gyo: lho: re" ngoug byid ri myang byid: bye:. Ngoo nang ri gi byid: wa- soem" nyid" lang" nang Noku Yhoem: Moo" khyoo: yo" yhe: wa.

COUNG" NGHEI 126:5

Nyangnu" da" myoug: shi" joem ri ngougbyid ngougnhab yo' sain" kaid ziyo' dakhyoo" ti"- Nyangnu" ri gau yi ngei bu: ziyo' doem shau" yham" zheung yu nhang: we'.

COUNG" NGHEI 39:12

Aseing we" nga" da" akyu" mho' khyoo: ri tam" gyoo: byid: we'. Ngoo nyho: mho' yoid thui: ri shoug" gyoo: byid: we'. Ngoo ngougmyeing" shu: thui: to" nyid ri ngoo ri re" pang" yu we'. Nga" phoug" phyid" yi dangain" bang: yhang: ti" ngoo gi re" da" daso, kyeung" da" being" voo za: date: nghoid.

YEREMIA 14:17

Aseing gi mung" byu yiri nga" da" kougshu: khyoo: tid kyo" wigi he: ziri tid we' ga: ngoo ri amyeing" byid bye:. «Nga" da" myojid" joem gi nyid" ri myen" ri ngoug byid byeung" jo, baja". nyang: gi khanham we' ngoug zi athang baja" o". Ciwim gari nga" byumyu" yigi dam xoo: sho' dam dab yu wigi gye" no byug abye: go".

MARKU 9:23

Na nyang: nghoid bye: Yesu gi yo" bue" nghoid rigi loem" jeung" nheigloem: boo su: shid mo gi ja: khang" moo" yo" bue" zi nghoid ga: tid.

MARKU 9:25

Yesu gi mung" byu yi nya: jhang gei zeung: phoung lonyid ziri myang lang" hau: akhyeung" da" yu ri nhoid jed, nu jed da" yu we"- ngoo nang ri amyeung" byid: bye:- yuggi nu": jang" mo thu' loo, we' nyang: moo khanham we' adoem vang loo" loo:- ga: nheug yo: kaid.

LUKA 17:5

Lagyoo: yi gi Aseing: ri ngoonu" da" loem" jeing" khyoo: ri myo: loug loo nhang: we' ga: re" tid boem.

LUKA 7:38

Yesu da" nung thang khyid: yang: moo re" ngau nyid. Nya: da" ngoug byid gi Yesu da" khyid: moo gyo" nyid lang" nya: xam: wigi soid pyam byid. Hau: lho: hau: myiyi: gi Yesu da" khyid: moo boobug boug lho: nam, pyo: xu: joid byid: nyid.

LUKA 7:44

Hau: thang: ri myiyi: myhi, shoid khyoo: lheing: lo" lho: Simun ri «Nang he: myiyi: ri myang yu" la". ngoo gi re" da" yhoem: moo vang lo ri nang gi khyid: cid" gyid abyid. Nghoidloug we' nyang: gi nya: ngoug byid' yo' nga" khyid: cid" byid: lho: xam: yo' soid byid: bye.

ACTS 10:19

Petru gi hau: da" yoeb, myang yo' sen: wigi damyed yu" nyid shi" uri gyeungshang: da" Venyi gi nyang: ri yu" we' - hid: moo byu soem" yug gi nang ri sho: nyid boem ago".

ACTS 10:31

Koneli we" re" da" akyu" mho' thui: ri Mangsoo shau" gyo: abye:- Re" da" khoug: loem, alu: gam, byid: da" khyoo: ri we' - myang abye:.

2~KORINTHU 2:4

Ngoo gi shid: gyoin noogyoin,- nheig koug nheig shu: zi gye" shau" wigi-ngoug byid: myoo" sho' thu' zoore"- hau: mougsoug" ri lhid" kaid zi nghoid. Ngoo myid soin" khyoo: gi nanu"' ri nheung kug nhang: wa shid re" anghoid. Nanu" ri ngoo khayhi' jheddab nyid ziri si' nhang: noug yoomo lhid" kaid zi nghoid.

Ephesu 2:8

Khasu" wim gari loem" jeung" khyoo: yoomo nanu" gi Mangso da" jeju" khyo" za: khyoid khyi: yu zi shau" khyoo: nghoid. Hau: zigi nanu" yoem: kaid' yoomo yo" yu da" akyu" anghoid - hang" we' phau: khuang jang: ajo, baja"- Mangso da" jeju" jhung: shug za: danghoid.

PHILIPI 1:29

Khasu" wim ga: ri nanu" gi Khristu ri loem" jeung" khyo" za: we' anghoid shi"- nya: shid' re" shen" yhen jam jau kham khyo" we' Aseing: da" moo" ri voin vu, akhang" jeju" gam, byid: zi shau" abye: go.

2 THESALONI 1:11

Khyoo: he: khaid yoomo nanu" da" shid' re" ngoonu" khanham we' akyu" dabo mho' nyid boem- nanu' gi mangsoo khe: yu shau" bang: da" kangso' dei khyoo: yo' moin: yi" khyo" kangso' dei nyid goo" baja"- ngoonu" gi Mangso jang" mo akyu" bo mho' nyid boem- nyang: gi nya; da" myonhoo: phung" yoeb, zeing yo' nanu' da" ge, lho khyoo; ri bui" nhang: nau, da" nheigloem: boo moo boo ri joeb, byeung" loo nhang: wigi nanu" da" loem" jeung" moozoo" jid: zoo" joem ri zei: pain' byid: baja".

2 THESALONI 1:3

Jheddab, da" mang nhung" yi we"- nanu" da" khyoo; yo' sen: lho: wigi Mangso jeju" ri nyhang" khanham we' coung" nghei nyid boem ca:. Hougsu" coung" nghei byid: da" khyoo: moo ngoonu" zei: wa zigi ngoonu" nyang: zei: ca" khyoo: nyang: nghoid bye- khasu" wim ga: ri nanu" da" loem" jeung" khyoo: gi gye" gyi: sheung: loo bye: ziyo' byu yi ri jheddab da" e" myed we' je" je; gyi: sheung: yang" deung lo nyid boem bye.

2 TIMOTHI 1:4

Re" da" ngoug byid' joem ri ngoo daboin: nyid wigi ngoo moo hau: gau, yi khyoo: byeung loo baja"- nang yo' shau" goo" wa shid mo, nheig gye" nge nyid.

HEBRE 12:17

Nanu" nyang: se' nyid bye: ziyo' dakhyoo" ti"- thang: rigi nya: pho, jang" mo mainkaid byid: da" jeju" ri yo" yu noug nghoid loug we' nyang: ashau" yu loo. Khasu" wim gari nyang: koid shoid lid loo bye: da" khyoo: ri doem, so' nyheung koid wa shid re" ngoug byid' thu sho' phe: sho: yen" nghoid loug we' ashau" myang yu loo.

HEBRE 12:2

Ngoonu" da" loem" jeung" khyoo: ri Apoem: mo aphyoo" thang loo" sho' joeb, byeung" nhang: su:- Yesu Khristu ri yu" zhug too" shang. Aseing: gi nyang: kham: yu wa nghoid da" hau: gau yi, ngei bu: khyoo: yoomo hau: pyang" zeing moo kham, shid: khyoo: ri asho' agyug loo za: kham: yu lho: akhid" Mangso lo, yo shoid mo zhung: tang moo lo" zhoung: jo, bye.

HEBRE 5:7

Yesu gi mougmyid tho' moo kang: so' dei nyid shi" ayo, - Nyang: ri shid: jang" mo yo" khyoid yu da" Mangso jhang thui: zeing yo' ngoug byid' ngoug nhab, thu' wigi akyu" mho' toung" pain zi koid yu" bye. Mangsoo we' Yesu da" mho' toung" pain: da" thui: ri tam" gyo: yu bye- Khasu" wim gari Aseing Yesu gi nyhoem: khyo, goeb, vang ziyo' ab, noung" xoin" to' zi nghoid yoomo lhoem: kham: yu bye.