MARKU 9:21 - Lacid Common Language Bible

²¹ Yesu gi nya: phoo ri-nyang: hidsu" bue" zi khamyhang nghoid bye: la".- ga: myid. Nyang: gi zoo shang: yo, mo nyang: nghoid bye: ga: nyang: phoug tid.

MARKU 9:21 교차 참조

YOBA 14:1

Ngoonu" dangain" gi yoem: neing: ziyo' khu: re" lho: nghe: khoug: jang: ayoo". Nyangnu" gi kangso' leung" lho: yau: khi" shau" da:.

YOBA 5:7

Nghoid nyang: anghoid- myi: mo myijhen" zain dang: lo" yhang: ti" nyang: gi nyang: nya: gung moo yau: khi" kaid yu da:.

COUNG" NGHEI 51:5

Ngoo khu: re" da" bidnyid mo wigi ngoo gi akhyeing" ashoeb ziyo' nga" myhi' ung: khoug: mo nyang:- ngoo moo: yooboo dab, gu nghoid bye:.

MARKU 5:25

Houg: moo daxe: eig zain suid" shoin: no da" myiyi: dayug we' bo da:

MARKU 9:20

Nyangnu" gi hau: yug gi nu" ri Yesu jhang shu" lo ago"- hau: u ri Yesu ri myang lang" hau: yuggi nu" ri lang: thain: joeb loo" nhang: lho: myidjang: mooleung baid lo" ziyo' nhoid mo nyoeb du" athei" thei" leung lu: yen".

MARKU 9:22

Yu gi nyang: ri said pyam wa ga: myoo" sho' leung:- nyang: ri myi: moo gyid moo baid zei, kaid kaid wim nyid. Nang yo" bue" nghoid rigi nga" phoo tang: ri nheug khyeug ziyo' pang" thougyu we'.

LUKA 13:16

Abraham da" nya: myiyi: zoo: nghoid su:- he: yug gi daxe: shed' zain satan shen" yhen tei" to" zi shau" nyid. Dougno: Bidnyid ri hau: tei" mo age loid kaid la"» ga: tid.

LUKA 8:43

Hau: phung: moo myiyi: myhi, dayug gi daxe: eig zain goin"- suid" shoin: da" noo bo ci: su: nghoid. Nyang: moo yo" jo, da" ngei sheing: jo, nhoo" bain sho' moocid" ze: yu" bye. Nghoidloug we' kha" moocid" Doug Tha we' nya: noo ayo" ze: gi byid.

YOHAN 9:1

Yesu khyoo: so" lo" nyid da" uri nya: myhi' ung: khoug: mo, myo, amyang da" su: dayug ri shau" myang.

ACTS 14:8

Lustra, Voogung moo khanham we' khyoo: ayo" so" da" byu dayug nyid nyid nyang: gi khu: lo bidnyid mo nyang: khyid: yoin" su: nghoid.

ACTS 3:2

Young" lho, ga: myeung da" khoem" duang: moo khu: jang" mo nyang: khyid: yoin" su: dayug nyid. Hau: khyid: yoin" su: ri noku yhoem: moo" khyoo: vang yhe: loo" mo", jang" mo ngei mho' zoo: baja" ga: - khoem" duang: yam, moo nyid" khang" moo" yhe: dang nyhed: too" too" koid boem.

ACTS 4:22

He: da" mau" pho" alhoo: again khyo" yo" ze, yang" zain loo nhang: su: da" apyaid' gi myed: xi: zain' jain" koo: boo bye: su: nghoid.

ACTS 9:33

Hau: da" voogung moo gung joem: shid: lho: ayo" too, loo: shed' zain' loem: loem: nyang- yhoeb, joyoo moo leung jo, da- Ainea ga: su: dayug ri Petru gi yhe: myang bye.