MARKU 9:12 - Lacid Common Language Bible

¹² Nyang: doem tid zi gi nyangnu" ri ja: khang" moo" jen" jen" soin' nyheung too" wa shid re" Elia gi gyeung" nyang: xang: shid" ju" ri" wa nghoid. Nghoid loug we' jhoem: mungdang: moo byu nya: zoo: gi khyeug shu: zi myoo" sho' kham zo: lho: ngeug pyam zi toung" shau" wa ga: cikoid tid to lha".

MARKU 9:12 교차 참조

COUNG" NGHEI 74:22

Mangsoo we"- nanyang: tho' re" nanya: moo" zoo" ri goem loem byid: we'. ce" Mangsoo we' abo bang: gi nyid" goin" goin" nang ri juang" yi nyid boem ziri boin: soo" we'.

ESAIA 49:7

Israela da" gyeung" shang: Mangsoo yo' khyoid yu su: gi xoo: sho' aphoug" akhyoid koid zi shoug" su: byumyu" yi wigi ngheing" su: vhoebkhang" bang: da" dei zoo: ri «Nang loid nhang: kaid ziri khokham yi shau" myang lang" nyangnu" ri phau" myang: byid: wa shid re" to' yab loo wa. Khokham nu" yi we' hau: ziri myang wa lho: nyangnu" gi nang ri phau" myang: wigi goeb pid loo goo" wa» ga: tid. Aseing gi nya: dei zoo: ri khyen: too" bye: yoomo he: zigi bue" loo wa nghoid. Israela da" gyeung" shang: Mangsoo gi nya: dangsoo" joem ri zoem: su: nghoid da:.

ESAIA 50:6

Ngoo ri baid bang: shid re" nga" nung" khung: cen: ri ngoo kham byid:. Nyangnu" ngoo ri rue" boem uri ngoo nyangnu" ri atoem' pyam. Nga" nhoid mei: ri nyangnu" phoin' pyam uri yo' nga" myonhoo: ri shakain" byi" gyoin: boem uri ngoo nyangnu" ri atoem' pyam.

ESAIA 52:14

Nyang: ri shau" myang lang" byu myoo" sho' bang: gi dain mau" byug wa. Nyang: gi byu yo' adu loo sho' gung khyang: myonhoo: thid byug wa.

ZEKHARIA 11:13

Aseing gi ngoo ri tid «Hau: ngei ri alu: koid: zei: khoug: moo du" khyo' kaid we'» Hau: ngei gi nga" da" aphoug" ri moin: yi" sho' byid: da" nga" aphoug" nghoid. Houg: yoomo ngoo gi ngei soem" xi: ri yu wigi Aseing yhoem: moo" mo alu: koid: zei: moo kaid too' bye:.

ZEKHARIA 13:7

Myhang: thang da" Aseing tid zigi «Lhab' sham: we" too' we' nga" moo" zei: da" yang zung" su: ri zain: we'. Nyang: ri said we'. Houg: lang" yang zung" su: ri said pyam' lang" gi yang joem gi byo sain" lo" byug wa nghoid. Ngoo gi nga" mung" byu yiri zain: loo wa nghoid.

MALAKHI 4:6

Ngoo gi nanu" da" mung" ri ajoem: loo" nhang: wa shid re" nyang: gi nya: pho yo' nya: zoo: ri dage" veing" go" loo nhang: wa zi nghoid» ga: tid.

MATHE 16:21

Aseing Yesu gi Yerusalem voo moo" khyoo yhe: lho: Mangso khyoo: yo" sen: da" vhu" jhung: yi khainjung moo" yi yo"- Tarha" sara: yi da" lo, moo said kham: noo kham: loo" wa da" khyoo: ri we' soem" nyid" nyid" ri shid: jang" mo doem dei to' loo wa da" khyoo: ri we' hau: ayo, mo nya: cangzoo: yi ri bang bang tid kyoo" bye.

MATHE 26:24

Jhoem: mungdang: moo nya: khyoo: ri tid to" ziyo' dakhyoo" ti"- shid: wa zi nghoid. Nghoid loug we' Byu nya: Zoo: ri ab pyam su: shid' re" khayhi' gyoug. Yuggi he: yug ri akhu: kaid nghoid rigi nya: shid re" je gi wa zi nghoid, ga: tid.

MARKU 10:33

Tam" gyo" yu" ge"-ngoonu" gi Yerusalem khyoo: do, lo" nyid bye. Byu nya: zoo: gi houg: moo khainjung agyi moo" yi yo' tarha" sara yi da" lo, moo ab pyam zi shau" wa nghoid. Houg: su: nyangnu" gi byu nya: zoo: ri said pyam wa shid re" dang: phyed wigi tung: boug yi da" lo, moo ab pyam' lho:

MARKU 9:13

Ngoo nanu" ri tid zigi Elia gi ju" re" abye:- nya: khyoo: ri jhoem: mougsoug" moo tid to" ziyo' dakhyoo"- nyangnu" vho: khyo" nyang: ri koid yu boem bye:-

MARKU 9:31

Khasu" wim ga: ri Yesu gi nya: cangzoo: yi ri byu nya: zoo: gi sube" da" lo, moo ab byid: pyam zi shau" wigi nyangnu" gi nyang: ri said pyam boem wa nghoid. Nghoid loug we-said pyam thang: ri soem" nyid" ri doem dei to'' loo: wa ga" jhoug" byid: bye.

LUKA 1:76

O"- Nga" zoo: we"- myhang: thang Mangso da" lapi: ga: myheing boem wa. Nang gi Mangso da" khyoo: ri jen" jen" soin to" lho: gam shid" shi: su: nghoid wigi

LUKA 23:11

Herod khokham" yo' nya: gyizoo: yi gi Yesu ri aphoug" akhyoid koid: lho: juang" yi ago". Hau: thang: ri gye" reng: da" byi: sheing: ri foid lho:-nyang: ri Pilaid khokham" jhang khyoo: doem nhang: kaid.

LUKA 23:39

Pyang" zeing: moo said moin: yoomo bo baid jen" lhang" too" su:- eig youg jang" mo we' dayug gi nang Meshia nyang: anghoid la". nang nyang: ri we' nga" eig yug ri we' khyoid yu yu" we' ga: aphoug" akhyoid juang" yi da.

ACTS 1:6

Yesu gi lagyoo: yi yo' dage" zeung: phoung nyid da" uri nyangnu" gi Yesu ri Aseing: we" Israela byumyu" yi ri he: ayo moo hau: mungdain ri doem toug" byid: wa la"» ga: myed: ago".

ACTS 4:11

Yesu gi nanu" lugyhoem: zhug mo, khyen: she: lhei" pyam da- lugloem: nghoid. Hau: zigi je" akhyag da" yhoem: jhoin: lug bui" bye- ga: jhoem: mungdang: moo tid too" su: nyang: nghoid bye.