MARKU 8:38 - Lacid Common Language Bible

³⁸ Khasu" wim ga: ri Mangsoo ri aloem khau: ziyo' akhyeung" ashoeb da" he: pyaid moo ngoo yo' nga" jhoug myeung" ri sho' su: hang" nghoid lug we' byu nya: zoo: gi nya: pho, phung" yoeb bang yo' gyeungshang: da" moug: lagyoo: yi yo' dage" ju" re" da" uri nyang: ri sho' thu' nhang wa nghoid.

MARKU 8:38 교차 참조

DANIELA 7:10

Houg: lho: gyid gyung: zoo: yhang: ti" myiyham: gi houg: mo yau shoin: thu re" da:. Houg: joyoo moo nyang: ri dei byid: wa byu khyeing" su: nyid boem ago". Houg: lho: byu sen su: nya: shidkhoin" moo yab jo, ago". Tarha" dang: kho' shid" lho: mougsoug" pug joem phang to" ago".

DANIELA 7:13

Hau: myen mo he: yoeb myang ri myang nyid uri byu xangsu: dayug te" da" su: ri shau" myang. Nyang: gi jhoemmoug" wigi lheing khoem ci: lho: nga" jhang tab re" da:. Houg: lho: nyang: gi apyaid atoo: mo dei nyid yug jhang yhe: lho: nya: shidkhoin" khyoo: vang yhe: da:.

ZEKHARIA 14:5

Nanu" koem gi boem eig gang gyam: lo" da" lang: khoug: khyo" wigi phang: thu loo" goo" wa nghoid. Yuda khokham" Uzia pyaid moo myid leig leig da" uri nanu" phoug" phyid" yi phang: lid lo" yhang: ti" nanu" shau" phang: loid loo" goo" wa. Hau: uri Aseing nga" Mangsoo gi nya: moug: lagyoo: yi yo' dage" ju" loowa nghoid.

MATHE 12:39

Aseing Yesu gi «Akhyeing" ziyo' Mangsoo: abo da" he: pyaid mo byu yi gi mau" pho" alhoo: again ri se' mho' boem nhung: lha". Lapi: Yona da" alhoo: again tho moo gootu: ce: alhoo: again we nanu" myang zi anghoid.

MATHE 13:41

Byu da" nya: zoo: gi nya: moug: lagyoo: yi ri nhang: kaid lho: byu yi ri shoid vhang: nhang: mo, yo"- atarha" da" moo" zei: mo, bain, sho ri Nya: mougkhoung: Mungdain: mo khyen: thu' yu lho: wigi

MATHE 16:27

Byu da" nya: zoo: gi Nya: pho, da" myonhoo: phung yoeb bang ri void' ci: lho: Mouglagyoo: yi yo" dage" gyoo" loo wa. Hau: da" bidnyid ri mougmyid byu yi dayug yo" dayug ri nyang: nyang: koid: da" moozoo" yo' dakhyoo" ti" doem tau" byid: wa zi nghoid.

MATHE 16:28

Ngoo nanu" ri deung" deung" tid ba,- he: joyoo moo nyid mo, dayham" gi Byu nya: zoo: ri khokham" khyo" nyang gyoo" lo zi amyang shi" rigi ashid: goo" wa» ga: tid.

MATHE 16:4

He: da" pyaid mo byu yi gi gye" akhyeing" ashoeb' zi nghoid lho: Mangsoo yo" kha: yhi' ve: gang: nyid boem bye: nhung: lha". Nanu" gi ngoori alhoo: again mho' go" la". Nghoidloug we' Yona da" alhoo: again mo gootu: ce" alhoo: again we nanu" myang wa zi anghoid» ga: wigi tid. Houg: lang" Yesu gi houg: bang: jang" mo thu' loo" bye.

MATHE 24:30

Houg: thang: byu da" nya: zoo: gyoo" loo wa da" alhoo: again gi mougtho moo myang thu' loo: wa. Jhoem: moug" ju: lho: gyi: thang da" myo nhoo: phung" yoeb zeing yo"- Byu da" nya: zoo: gyoo" lo da" ziri mougmyid byu yi bain sho' mo lhoem: myang da" uri ngau nyid boem wa.

MATHE 25:31

«Byu nya: zoo: gi khokham" khyo" - Mouglagyoo: dangain" yo" dage" ju" gyoo" lo da" uri Nya: da" khokham" zhung: tang tho' moo zhoung: jo, wa nghoid.

MATHE 26:64

Yesu gi «nang nyang: tid abye: nghoid loug we' akhid" mo byu da" nya: zoo: gi myhang: thang su: da" lo, yo shoid moo zhoung: jo ziyo'- moug khung: mo jhoem: moug" zhoung: lho: ju" re" ziri nanu" myang boem wa» ga: nyang: ri tid.

MATHE 8:20

Yesu gi «zeigni joem gi khyung: yo" ago"- moug moo dang: yen" da" ngho' zoo: joem we' soid jo: ago" hau: byu nya: zoo: koem gi vhuloem too" jang: we' ajo,» ga: nyang: ri tid.

MARKU 13:26

Houg: lang" byu nya: zoo: gi yoem: so' phung" yoeb yo' dage" jhoem: moug khyoug: moo re" ziri nyangnu" myang boem wa.

MARKU 14:62

Yesu gi ngoo nghoid-byu nya: zoo gi myhang: thang su; da" lo, yo shoid moo zhoung: jo, ziyo'-moug: khung: mo, jhoem: thei" khyoug: moo ju" re" ziri-nanu" dangain" lhoem: myang goo" wa nghoid-ga: tid.

MARKU 8:37

byu yi gi nyang: nya: kangso' ri ce: ja: wigi thed, lho: doem yo" khyoid yu wa lha".

LUKA 19:26

Nyang: gi nanu" ri ngoo tid zigi yo" jo, su: ri so' lung: byid: wa shojhen su: jang" mo gi jhoid" lhoid yu shi" wa.

LUKA 9:26

Houg: lang" ngoo yo' nga" da" mungdang: ri sho' su: rigi byu nya: zoo: gi Nya: phung" yoeb, yo' nya: pho, da" phung" yoeb, bang yo' gyeungshang: moug: lagyoo: yi da" phung" yoeb, bang yo' ju" ri" lang" byu nya: zoo: we' nyang: ri sho' pyam' wa zi nghoid.

YOHAN 1:14

Mungdang gi Byu gung bue" lo lho: Jeju" yo" deingmain" khyoo: byeung" zoore"- ngoonu" jang" moo re" nyid bye. Ngoonu" gi nya: da" Phung" yoeb ri yo" myang boem bye. Hau: da" phung" yoeb gi Nya: pho, zooti" zoo: khyo" yo" kham: yu da" myonhoo: phung" yoeb nghoid.

YOHAN 1:51

Ngoo deing" deing nanu" ri tid ba- mougkhung: khoem" phang lho: Byu da" nya: zoo: tho' moo moug: lagyoo: yi gyoo" loo do, loo" koid' nyid da" ziri nanu" shau" myang wa ga: wigi nyangnu" ri Yesu tid.

YOHAN 12:34

Byu yi gi Meshia khanham we' kangso' dadei nyid ga: Moshe tarha" moo tid to. Houg: su" nghoid ri Byu da" nya: zoo: gi khasu" wim wigi se' jen" lhang" too" wa lha?Hau: byu da" nya: zoo: gi kha: yug nghoid lha"» ga: myid: ago".

YOHAN 5:27

Nyang: gi byu da" nya: zoo: nghoid yoomo nyang: gi nya: zoo: ri tarha" dang: yo" phyed' da" zoug: myeing" ab byid: too" bye.

ACTS 10:22

Nyang: ri" tid zigi ngoonu" ri gyizoug: phoo koneli wigi nhang: kaid' zi nghoid, nyang: gi byugi dayug nghoid lho: wigi Mangsoo ri coung" nghei nyid su: dayug we' nghoid ziyo' - Yuda byu yi dangain" mo, coem phau" myang: nyid su: nghoid. Re" da" mungdang: ri nyang: shau" tam" gyo: yu wa shid re-mau: lagyoo: dayug gi nang ri nya: yhoem: khyoo: khe: yu wa shid re" nyang: re" tid bye.

ACTS 5:41

Lagyoo: yi gi Yesu da" myeing yoomo sho' thu' khyoo: thoung" shau" zigi kham' zoo: moin: da" khyoo: nghoid ga: - Mangsoo gi nyangnu" ri soin: yu byid: bye: yoomo nyangnu" gi ngei pyo: ziyo' Yuda tarha" yab, do mo thu lo" boem bye.

Roma 1:16

Ngoo gi ngeibu lu dang: ri nheig shid: nheig deig loem jeung" bye. Hau: lu dang: gi loem" jeing" mo, dangain" da" Yuda byumyu" yi yo" ngheizain byumyu" yi ri xang: shid" khyoid' yu da" Mangsoo: yoem: so' phung" yoeb nghoid.

GALATI 6:14

Ngoo koem gi ngoonu" da" Aseing Yesu Khristu da" pyang" zeing mo goo tu:- ce: noem khyoo: moo we' myonhoo: sho: phau: khuang jang: ajo- Khasu" wim gari nya: pyang" zeing yoomo he: moug myid gi nga" shid mo shid: mang bue" byug wigi ngoo we' he: mougmyid shid re" shid: mang bue" byug bye.

TARHA" TID POIN" 33:2

Aseing gi Sina boem mo gyoo" loo bye:. Nyang: gi Edom atho' moo bid yhang: ti" thu wigi Nya: byumyu" yi atho' moo Paran boem mo zhoo: byid: da:. Moug: lagyoo: damoin gi nyang: yo' dage" nghoid nyid. Nya: lo, yo lo, moo nge" nyid da" myiyham: bo da:.

1THESALONI 2:19

Ngoonu" da" Aseing Yesu doem ju" re" uri nya: shid' khoin" moo gooji hang" we' anghoid- nanu" kyeing" za: ngoonu" da" nheig byu gau yi joyoo yo' oung: doid lo" da" phau: khuang bidmug nghoid nyid.

1THESALONI 3:13

He: khyoo: khyo" wigi nyang: gi nanu" ri pang" thoug geung: teing loo nhang: wa zi nghoid- yha" da" Aseing: yesu gi nya: d a" gyeungshang: bang: yo' dage" doem, ju" re" da" uri nanu" gi yha" phoo Mangso da" shid' khoin" moo joeb, byeung" lho: gyeungshang: moin: yi" mo, bue" lo boem wa zi nghoid.

2 TIMOTHI 1:12

Hau: khyoo: yoomo he: da" kyi" khyeug shid: gyoin, noo gyoin khyoo: ri ngoo yo" kham: yu nyid zi nghoid. Nghoid loug we' nga" da" loem, khau: nheigloem: gi ngoo moo byeung" sho' bo jo, Khasu" wim gari Ngoo hang" ri loem, khau: nghe: nyid zigi ngoonyang: se' nyid ziyo' ngoo, nyang: ri ab, byid: to" da" ziyoo dangain" - hau: bidnyid ju" sho' zung" lhug goem, coung; too" byid: wam bye" ein: ngoo nheig shid' nheig deug nyid bye.

2 TIMOTHI 1:16

Hau" Aseing: gi Onesiphuru da" yhoem: bang: ri jeju" dabyid: nyid baja" Khasu" wim ga: ri nyang: myoo" sho' lheing:- ngoori nheigloem: yoem: yo" yu nhang: bye: wigi nyang: gi ngoo thung: loung" khyoo: ri asho' su: nghoid.

2 TIMOTHI 1:8

Hougsu" nghoid yoomo ngoonu" Aseing: da" shid re" sagsi: kham, jang" moo asho' gyoug nyid, thung: loung" jo, su: ngoo yoomo we' nang asho' nyid Mangsoo gi hau: khyoo: ri zei: wa shid re" yoem: so' byid: to" bye: ziyo' dakhyoo" ti"- hau: ngei bu: lu dang; yoomo kyi" khyeug jam jau kham, da" khyoo: moo ngoo yo' dage" shoin" kyi" khyeung nyid goo"

HEBRE 11:16

Akhid" koem gi hau: tho' mo je" pyo: da" moug: khung: moug di mo voogung mungdain ri nheig nge nyid boem- houg: su" nghoid yoomo Mangsoo gi nyangnu" da" Mangsoo ein: wa ziri sho: nyid zi anghoid. Khasu" wim gari Mangsoo gi nyangnu" nyid wa da" joyoo daloem: ri nyheung too" byid bye.

HEBRE 11:26

Nyang: gi Meshia shid mo juang" yi boem zi shau" wa shid re" gi Egutu soid' gain' dangain" tho' moo gi je ge nyid"- ga: myid soin: bye. Khasu" wim gari nyang: gi ju" loo wa da" ayo, moo shau" kham: yu wa da" myonhoo: ngi shab, jhung shug ri nheig byu lho: dalang" nyid.

HEBRE 13:13

Hougsu" nghoid yoomo ngoonu" we' - voogung nghe: shoid mo nya: jhang khyoo: bo thu' yhe: lo" lho: nyang: kham' zo: da" asho, ashid: aphoug" akhyoid' koid ziri coem kham zo: boem shang.

YAKU 4:4

Dang: azung" mo, nanu" gi mougmyid yo' bidnoem koid nyid mo, nanu" gi Mangsoo ri gyi koid shoo" koid nyid mo, nghoid ziri nanu" nyang: si' shi" go" la". Moug: myid ri bidnoem koid noug su: gi Mangso da" gyivoo danghoid nyid.

1YOHAN 2:23

Hau: nya: zoo: ri ngeug pya, su: hang" nghoid loug we' hau: nya: phoo ri we' bo ngeug pyam su: nghoid bye. Nya: zoo: ri lhoem: kham: yu su: gi nya: phoo ri we' lhoem: kham: yu zi nghoid bye.

1YOHAN 2:28

Nghoid bye"- myi: yi: zoo: yi we"- nyang: thu' myhang lo da" bidnyid ri nanu" gi sho' gyoug lho: phang: gau" yen" anoo" wa shid' re" nya: shid' khoin" moo asho' agyug loo: yo" yab, jo, sho' nyang: yo' daloem: za: dakoid nyid ge'.

Pang Shug 14:10

Hau: tho' moo gootu: gyeungshang: da" moug: lagyoo: yi yo' yang nu" da" shid' khoin" mo fang myi: khyoem, moo shen" yhen zi shau" boem wa nghoid.